Ukrayna məhkəməsindən Dağıstan rəhbəri ilə bağlı HƏBS QƏRARI

Ukraynanın Çernovitski Rayon Məhkəməsi Rusiya Federasiyasının Dağıstan Respublikasının rəhbəri Sergey Melikovu qiyabi olaraq 8 il müddətinə azadlıqdan məhrum edib. Buna səbəb onun Rusiya tərəfindən hərbi əməliyyatların iştirakçılarına fəal dəstək verməsi olub.

Oxu.Az-ın xəbərinə görə, bu barədə Ukrayna Təhlükəsizlik Xidmətinin Çernovitski vilayəti üzrə idarəsi "Facebook" səhifəsində məlumat verib.

Məlumata görə, Melikov Ukraynanın ərazi sərhədlərinin dəyişdirilməsinə yönəlmiş hərəkətlərin maliyyələşdirilməsi maddəsi üzrə təqsirli bilinib.

Ukrayna hüquq-mühafizə orqanları xüsusilə vurğulayırlar ki, Dağıstanın rəhbəri Rusiya Federasiyası Silahlı Qüvvələrinə "hərtərəfli dəstək" verir və respublika sakinlərini də ondan nümunə götürməyə çağırır:

"2020-ci ilin oktyabrından Dağıstana rəhbərlik edən Sergey Melikov həqiqətən də irimiqyaslı humanitar yardım proqramı təşkil edib. Respublika başçısının mətbuat xidmətinin martın 23-də dərc etdiyi məlumata görə, Dağıstandan müharibə iştirakçılarına göndərilən humanitar yardımın həcmi artıq 25 min tonu ötüb".

Sonxeber.az
Telegramda izləyin
Şikayətiniz varsa Whatsapp: 051 7028255

Facebookda Paylaş