Avqust ayında dünyada ən çox bahalaşan malların adı açıqlanıb

Avqustda dünya bazarlarında ən çox dəyər artımı robusta və arabika qəhvə növlərində qeydə alınıb, ən çox dəyər itirən isə taxta-şalban və mis olub.

Oxu.Az-ın "RİA Novosti"yə istinadən xəbərinə görə, bunu "ICE Futures", "CME Group" şirkətlərinin və Şanxay Metal Birjasının məlumatlarının təhlili göstərir.

Robustanın qiyməti bir ayda 1.5 dəfə, arabikanın qiyməti isə 29% artıb. Həmçinin London birjasında şəkər, ABŞ bazarında isə soya paxlası 4.9% bahalaşıb. Metallar arasında maqnit istehsalında istifadə edilən neodim bir ay ərzində 20% bahalaşaraq ən böyük artım göstərib. Litium 9.2%, molibden isə 7.7% bahalaşıb.

Eyni zamanda, enerjidaşıyıcılarının qiymətləri ucuzlaşıb: Nyu-York əmtəə birjasında benzin 13.2%, WTI markalı neft 8.5%, "Brent" markalı neft isə 8% ucuzlaşıb. Digər mallar arasında ən çox taxta-şalban - 19.2%, mis 18.3%, portağal suyu isə 13.7% dəyər itirib.

Sonxeber.az
Telegramda izləyin
Şikayətiniz varsa Whatsapp: 077 7125666

Facebookda Paylaş