Tramp Avropa ölkələri ilə danışıqlar aparır: ABŞ özəl hərbi şirkətləri Ukraynaya yerləşdiriləcək?

ABŞ Prezidenti Donald Tramp uzunmüddətli sülh planı çərçivəsində ABŞ-nin özəl hərbi şirkətlərinin Ukraynaya yerləşdirilməsi imkanları barədə Avropa ölkələri ilə danışıqlar aparır.

Oxu.Az bildirir ki, bu barədə Böyük Britaniyanın "The Telegraph" qəzeti mənbələrə istinadən məlumat verib.

Məlumata görə, plan Ukraynanın müdafiəsini gücləndirməyə kömək etmək üsulu kimi hazırlanır.

Bildirildiyinə görə, ABŞ-nin özəl hərbi şirkətləri uzunmüddətli sülh planı çərçivəsində Ukraynaya yerləşdirilə bilər. Tramp avropalı müttəfiqləri ilə müzakirələr aparır ki, silahlı podratçılara ölkədə ABŞ-nin maraqlarının qorunması üçün istehkamların tikintisinə kömək etmək icazəsi verilsin.

Nəşrin yazdığına görə, özəl hərbi şirkətlər Ukraynanın müdafiə xəttinin bərpasına, yeni bazaların yaradılmasına və ABŞ müəssisələrinin qorunmasına cəlb oluna bilər. Bu qərar Trampın ABŞ qoşunlarını Ukraynaya göndərməmək vədindən sonra həll yolu kimi qiymətləndirilir.

Sonxeber.az
Telegramda izləyin
Şikayətiniz varsa Whatsapp: 077 7125666

Facebookda Paylaş