Istifadeci Muzakiresi Malik202045 - Wikipedia - Love.az

Hər vaxtınız xeyir olsun. Hörmətli Bürokrat, bərpa üçün namizəd səhifələr-də Fərid Pərdəşünas müzakirəsi ilə bağlı niyə ölçü götürülmür? Əksəriyyət əleyhinə səs verib, ancaq səhifə bərpa olunub! Niyə? Əgər buna müdaxilə yoxdursa, bu məsələ vikipediya səhifələrinin yaradılması ticarətinə dəstək olmaq sayılır? İdarəçi ilə biznes əlaqəsi qur, əleyhinə səslər nəzərə alınmasın və nəticədə reklam səhifən bərpa olunsun. Buna siz Bürokratlar münasibət bildirməzsinizzsə, Sizlərin də bu məsələyə aidiyyatı olduğu kimi görünəcəkdir. P.S. Bu mesajı hər bir Azərbaycan dilli vikipediya Bürokratının müzakirə səhifəsinə əlavə edirəm. Əvvəlcədən minnətdaram. Hörmətlə, Malik202045 (müzakirə) 08:13, 26 fevral 2021 (UTC)Cavabla

Salam. Mən müzakirəni yekunlaşdıran idarəçidən müəyyən açıqlama verməsini istədim. Amma məlumatınız olsun ki, o buna borclu deyildir. Səhifə silmə və səhifə bərpa etmə bölmələrində əsas səsvermə yox, müzakirədir. Yəni, məsələn, Fərid Pərdəşünas məqaləsinin bərpa edilməməsi üçün gəlib sadəcə "arqumentlərlə razılaşmamaq mümkün deyil" yazaraq səs verən Lee Chi Chek və ya Mrsmrn688 kimi azvikidə 3-5 redaktəsi olan istifadəçilərin mövqeyindənsə, öz mövqeyini əsaslandıran və ya təcrübəli istifadəçilərin mövqeyi daha üstün sayılır. İdarəçi müzakirəyə görə qərar verir, səsverməyə görə yox. Kimisə fakt olmadan səhifə ticarətində ittiham etmək isə qayda pozuntusudur. Onda bir başqa istifadəçi də deyər ki, bərpanın əleyhinə olan istifadəçi də məqalənin azvikidə olmasının qarşısını almaq üçün ticarətə girişib. Hörmətlə:— Sortilegus (müzakirə) 09:49, 26 fevral 2021 (UTC)Cavabla

Məsələn, elə sizin də azvikidəki fəaliyyətinizə baxdım. Məqalələrdə 5-10 redaktə etmisiniz, amma bəlkə 50 redaktəniz ancaq səhifə silmə və səhifə bərpası müzakirələrindədir. Məsələn, məndə belə təəssürat yaranır ki, siz bilincli şəkildə bu istifadəçi hesabınızdan sadəcə hansısa məqalələri sildirmək və ya bərpa etdirmək və ya bərpasının qarşısını almaq üçün istifadə edirsiniz. Normalda azvikidə yeni fəaliyyətə başlayan istifadəçilər məqalə redaktələrinə yönəlirlər, dərhal qızğın müzakirələrə girişmirlər. Mən də həmin məqalənin bərpası ilə bağlı müzakirəni yekunlaşdırsaydım, məsələn, sizin qədər azvikidə cüzi fəaliyyəti olan 10 istifadəçinin fikrindənsə bərpa olunması üçün mövqe bildirmiş bir NMW03 və ya bir Araz Yaquboglu kimi təcrübəli istifadəçinin fikrini əsas alardım. Hörmətlə:— Sortilegus (müzakirə) 09:56, 26 fevral 2021 (UTC)Cavabla

SNS və BNS səhifələrində səsvermə yox müzakirə aparılır. Vikipediya demokratiya deyil. Sortilegus yuxarıda çox yaxşı izah edib. İddia etdiyiniz biznes əlaqəsi birbaşa ittihamdır və nəzakət qaydalarının 8. bölməsini pozur. — NMW03 (müzakirə) 12:36, 26 fevral 2021 (UTC)Cavabla