 |
 |
Love.az |  |
 |
Əhmədalılar — Azərbaycan Respublikası Füzuli rayonunun Əhmədalılar kənd inzibati ərazi dairəsində kənd.[2]
| Əhmədalılar | |
|---|---|
.jpg) | |
| 39°26′15″ şm. e. 47°20′08″ ş. u.HGYO | |
| Ölkə | |
| Tarixi və coğrafiyası | |
| Mərkəzin hündürlüyü | 151 m |
| Saat qurşağı | |
| Rəqəmsal identifikatorlar | |
| Poçt indeksi | AZ1920[1] |
  Əhmədalılar | |
 Vikianbarda əlaqəli mediafayllar | |
Muğan düzündədir. Etnotoponimdir. Kəndin ərazisində Arğalı türbəsi yerləşir.[3]
2011-ci ildə ilk dəfə olaraq kəndə təbii qaz verilmişdir.[4]
Kənddə Əhmədalılar kənd məscidi dini icması fəaliyyət göstərir.
Əhalinin əsas məşğuliyyəti kənd təsərrüfatı-əkinçilik, maldarlıq və heyvandarlıq olub.
"Zaqafqaziya diyarının əhalisi haqqında statistik məlumatlar toplusundan 1886-cı il tarixində edilmiş ailə siyahılarından çıxarış" məlumatına görə, Yelizavetpol Quberniyasının Cəbrayıl qəzasının Ağalı kənd inzibati ərazi dairəsinin Əhməd-alılar (başqa adı Novruz-Alılar) kəndində 21 tüstü olmaqla 121 azərbaycanlı ("tatarlar" kimi göstərilib), dini etiqadına görə şiələr yaşayıb. Bütün bu əhali təhkimçi kəndlilərdən ibarət olub[5].
"Qafqaz təqvimi"nin 1912-ci il üzrə məlumatına görə, Karyagin qəzasının Əhmədalılar kəndində 205 nəfər, əsasən təqvimdə "tatarlar"kimi göstərilən azərbaycanlılar yaşayıb[6].
Sovet dövründə kənddə kolxoz fəaliyyət göstərib və həmin kolxoz Böyük Vətən Müharibəsi illərində Müdafiə Fonduna 120 kq yun ianə edib[7].
Birinci Qarabağ Müharibəsi zamanı 1993-cü ilin avqustunda hərbi əməliyyatlar zonasının yaxınlığında yerləşən Əhmədalılar kəndi Ermənistan Ordusunun hərbi birləşmləri tərəfindən işğal edilərək, dağıdılıb, sakinlər isə kəndi tərk ediblər.
1994-cü ilin yanvarında qış əks-hücumu zamanı Azərbaycan Ordusu Əhmədalılar kəndində nəzarəti bərpa etməyə və sakinləri oraya qaytarmağa nail oldu[8].
Birinci Qarabağ Müharibəndoindən sonra Əhmədalılar kəndində orta məktəb bərpa edilib[9].
07.12.1999-cu il tarixli 771-IQ nömrəli Qanunla[10] təsdiq edilmiş Siyahı əsasında Füzuli rayonunun Əhmədalılar bələdiyyəsi yaradılıb[11].
Onun birinci nizanmnaməsi Bələdiyyənin 12.09.2000-ci il tarixli 09 nömrəli Protokolunda təsbit edilmiş Qərarı ilə, ikinci Nizamnaməsi 05.03.2024-cü il tarixli 06 nömrəli Protokolu ilə təsbit eidlmiş Qərarı[12] ilə təsdiq edilmiş, 28.04.2025-ci il tarixli 06 nömrəli Protokolu ilə təsbit eidlmiş Qərarı[13] ilə isə Nizamnaməsinə dəyişiklik edilərək, yeni əraziləri göstərilmişdir.
Əhmədalılar Bələdiyyəsi 2000-ci ildən “Azərbaycan Respublikasında yerli özünüidarəetmə üzrə Əlaqələndirmə Şuraları haqqında Əsasnaməyə”[14] uyğun olaraq yaradılmış Füzuli rayonu üzrə Bələdiyyələrin Əlaqələndirmə Şurasının üzvüdür.
"Bələdiyyələrin regional assosiasiyalarının Nümunəvi Əsasnaməsi"nə[15] uyğun olaraq, Əhmədalılar Bələdiyyəsi Azərbaycan Kənd Bələdiyyələrinin Milli Assosiasiyasının üzvüdür.
2011-ci ildə Əhmədalılar kəndi qazlaşdırılıb[16].
18.11.2024-cü il tarixli 50-VIIQ nömrəli Qanunun[17] 18.2-ci bəndinə əsasən "18.2. Arayatlı, Babı, Əhmədalılar, Qazaxlar və Mollaməhərrəmli bələdiyyələrinin əhatə etdiyi Arayatlı, Babı, Əhmədalılar, Qazaxlar, Mirzənağılı və Mollaməhərrəmli kəndlərində Əhmədalılar bələdiyyəsi" yenidən təşkil edilib.
 |
 |
LOVE.AZ |  |
 |
|
