 |
 |
Love.az |  |
 |
Bağırov Damət Abbas oğlu (5 may 1961, Xanməmmədli, Zərdab rayonu) — Azərbaycan iqtisadçısı, iqtisad elmləri doktoru (2000),[1]professor (2005), Azərbaycan Dövlət İqtisad Universitetinin Tədris və təlim texnologiyaları üzrə prorektoru.[2]
| Damət Bağırov | |
|---|---|
| Bağırov Damət Abbas oğlu | |
| Doğum tarixi | |
| Doğum yeri | Xanməmmədli, Zərdab rayonu, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Elm sahəsi | iqtisadiyyat |
| Elmi dərəcəsi | professor (2005) |
| Elmi adı | prorektor |
| İş yeri | Azərbaycan Dövlət İqtisad Universiteti |
| Təhsili | Azərbaycan Xalq Təsərrüfatı İnstitutu |
| Mükafatları |
 |
| unec.edu.az | |
Damət Bağırov 1961-ci ildə may ayının 5-də Zərdab rayonunun Xanməmmədli kəndində anadan olmuş, 1978-ci ildə həmin rayonda orta məktəbi bitirmişdir. 1978-ci ildə Dadaş Bünyadzadə adına Azərbaycan Xalq Təsərrüfatı İnstitutuna daxil olmuş, 1985-ci ildə institutu bitirmişdir.[2]
Damət Bağırov institutu bitirdikdən sonra Dövlət Aqrar Sənaye Komitəsinin baş elm idarəsində aparıcı iqtisadçı, 1989–1994-cü illərdə Azərbaycan Dövlət İqtisad Universitetində tədris lobaratoriyasının müdiri, müəllim vəzifələrində çalışmışdır. 1994–1995-ci illərdə "Tuqay" kommersiya bankının idarə heyətinin sədri vəzifəsində, 1995–1999-cu illərdə Xətai rayonu üzrə Dövlət Vergi Müfəttişliyində baş dövlət vergi müfəttişi, şöbə rəisi , rəis müavini vəzifələrində işləmişdir. 2000-ci ilin fevralından Azərbaycan Respublikası İqtisadi İnkişaf Nazirliyi Dövlət əmlakının idarə olunması və özəlləşdirilməsi departamentində baş mütəxəssis, şöbə rəisi, baş məsləhətçi vəzifələrində işləmişdir.[2]
1999-cu ilin sentyabrından Maliyyə kafedrasının 0,5 ştatla dosenti, 31 avqust 2001-ci il tarixindən isə Vergi və vergiqoyma kafedrasının 0,5 ştatla professoru vəzifəsində işləmişdir. 2005-ci ilin fevral ayından etibarən Vergi və vergiqoyma kafedrasının tam ştatla professoru və Maliyyə fakültəsinin dekanı vəzifəsində çalışmışdır. 2008-ci ilin sentyabrından tədris işləri üzrə prorektor əvəzi vəzifəsində çalışır. 2009-cu ilin fevral ayının 24-dən universitetin tədris işləri üzrə prorektoru vəzifəsinə təyin olunmuşdur. 2008-2009-cu illərdə universitetin Maliyyə kafedrasının müdiri vəzifəsini icra edib.[2]
2000-ci ildən Azərbaycan Dövlət İqtisad Universitetində iqtisad elmləri namizədi alimlik dərəcəsi almaq üçün yaranmış disertasiya şurasının, sonradan isə iqtisad elmləri doktoru alimlik dərəcəsi almaq üçün yaradılmış disertasiya şurasının,"Audit" jurnalının redaksiya heyətinin üzvüdür.
Damət Bağırov 1986-cı ildə D. Bünyadzadə adına Azərbaycan Xalq Təsərrüfatı İnstitutunun aspiranturasına daxil olmuş, 1991-ci ildə M.V.Lomonosov adına Moskva Dövlət Universitetində namizədlik disertasiyası müdafiə etmiş, iqtisad elmləri namizədi alimlik dərəcəsi adı almışdır.[2]
1995–1998-ci illərdə Sankt Peterburq Dövlət Maliyyə İqtisad Universitetinin doktoranturasında oxumuş, 1998-ci ildə həmin universitetdə "Maliyyə, pul tədavülü və kredit" ixtisası üzrə doktorluq dissertasiyası müdafiə etmiş, elə həmin ildə Rusiya Fedarasiyasının Dövlət Ali Attestasiya Komitəsinin qərarı ilə iqtisad elmləri doktoru alimlik dərəcəsi və 2000-ci ildə Azərbaycan Respublikasının Ali Atestasiya Komitəsinin tərəfindən təkrar attestasiyadan keçirilərək ölkəmizin doktorluq diplomunu, 2005-ci ildə isə Azərbaycan Respublikası Prezidenti yanında Ali Attestasiya Komissiyası tərəfindən professor elmi adını almışdır.[2]
Alimin tədqiqatları maliyyə və vergi auditi məsələlərinə həsr olunmuşdur. O, maliyyə və vergi auditi sahəsində elmi araşdırmalarını ardıcıllıqla davam etdirir, 6 monoqrafiyanın, 60-dan çox elmi məqalələrin müəllifidir.[1]
Azərbaycan Respublikası Təhsil Nazirliyi Kollegiyasının 24.04.2006-cı il tarixli qərarı ilə "Azərbaycan Respublikasının qabaqcıl təhsil işçisi" döş nişanı ilə, Təhsil Nazirinin 11\927 saylı 27.09.2011-ci il tarixli əmri ilə "Azərbaycan Respublikası Təhsil Nazirliyinin Fəxri Fərmanı" ilə təltif olunmuşdur.[2]
 |
 |
LOVE.AZ |  |
 |
|