Frieren Personajlarinin Siyahisi - Wikipedia - Love.az

Friren (フリーレン, Furiren^?)^[a]

Səsləndirən: Atsumi Tanezaki^[1]

Qəhrəmanlar komandasının keçmiş üzvü olan sehrbaz elf. Gənc görünməsinə baxmayaraq uzunömürlü elf irqinə mənsub olduğu üçün gec yaşlanır və min ildən çox yaşı var. Vaxtının çoxunu nadir sehrləri tapmaq və öyrənməklə keçirməyi sevir. Zaman qavrayışı insanlardan fərqli olduğu üçün illər və onilliklər ona qısa müddət kimi gəlir. Min il əvvəl yaşadığı elf kəndi İblis kralın qüvvələri tərəfindən məhv edildikdən sonra ulu sehrbaz Flammenin şagirdi olmuş və ondan sehr öyrənmişdir. Friren bu təcrübədən sonra iblislərə qarşı nifrət etməyə başlamış, iblis öldürən sehrlərdə ixtisaslaşmış, bacardığı qədər çox iblis öldürməyi qarşısına məqsəd kimi qoymuşdur. Tarixdə ən çox iblis öldürən sehrbaz olduğu üçün iblislər tərəfindən "Qatil Friren" kimi tanınır.

Friren əsrlər sonra Himmelin komandasına qoşulmuş və 10 illik macəradan sonra İblis kralı məğlub etməyi bacarmışdır. 50 il sonra keçmiş yoldaşlarını ziyarət edən Friren onların yaşlandığını görür. Himmelin dəfnetmə mərasimində onu daha yaxşı tanımağa cəhd etmədiyi üçün peşman olduğunu ifadə edir. Friren daha sonra digər yoldaşlarını ziyarət edir və digər keçmiş yoldaşı Hayterin xahişi ilə Fern adlı yetim qızı şagirdi kimi qəbul edir. Friren insanları daha yaxşı tanımaq üçün ikinci bir səyahətə çıxmağa qərar verir. Bu səyahətdə əsas məqsədi ruhların dincəldiyi yerin yerləşdiyi rəvayət olunan ucqar şimaldakı Aureola regionuna çatmaq və Himmeli yenidən görməkdir. Friren uzunömürlü elf olduğu üçün qıraqdan soyuq və duyğusuz biri kimi görünür, insan duyğularını başa düşməkdə çətinlik çəkir. Lakin əslində mehriban və qayğıkeş xarakterə malikdir.

Fern (フェルン, Ferun^?)^[b]

Səsləndirən: Kana İçinose^[2]

Fernin şagirdi olan güclü sehrbaz. O, cənubda yerləşən bir ölkədə baş verən müharibə nəticəsində yetim qalmışdır və intihar etmək istəyərkən Heyter tərəfindən xilas edilmişdir. Uşaq olanda sehrə maraq göstərməyə başlamış və Heyterin başçılığı altında böyümüşdür. Fernin doqquz yaşı olanda Heyteri ziyarət etməyə gələn Friren ilə tanış olur. Heyterin xahişi ilə Friren onu şagirdi kimi qəbul edir və ona sehr öyrətməyə başlayır. 15 yaşına çatanda Heyter ölür və Frirenin şagirdi kimi onun səyahətinə qoşulur. Daha sonra sehrbaz imtihanına daxil olaraq I dərəcəli sehrbaz lisenziyası əldə edir.

Fern 2025-ci ildə Crunchyroll Anime Mükafatının "Ən yaxşı yan personaj" kateqoriyası üzrə qalibi olmuşdur.^[3]

Ştark (シュタルク, Şutaruku^?)^[c]

Səsləndirən: Çiaki Kobayaşi^[2]

Ayzen tərəfindən yetişdirilmiş gənc döyüşçü. Friren və Fern onunla əjdaha təhlükəsi ilə yaşayan bir kənddə qarşılaşırlar. Ştark güclü döyüşçü olsa da, qorxaq olduğu üçün əjdahanı məğlub etməkdən çəkinir, lakin Friren və Fernin dəstəyi ilə əjdahanı öldürür və onların komandasına qoşulmağa qərar verir. O, bu səyahət boyunca yığdığı xatirələri ustası Ayzen ilə bölüşmək istəyir. Ştark sehrbaz olmasa da, komandanın döyüşçüsüdür, döyüşlərdə komandanı ön cəbhədən qoruyur. Ürkək xarakterinə baxmayaraq güclüdür və yoldaşlarına sadiqdir.

Zayn (ザイン, Zain^?)^[d]

Səsləndirən: Yuiçi Nakamura,^[4] Natsumi Kavaida (uşaq)

Frirenin komandasına qoşulan kənd keşişi. Zayn bacarıqlı keşiş olsa da, içki içməyi, siqaret çəkməyi, qumar oynamağı və yaşlı qadınları sevir. 10 il əvvəl Kreys adlı yaxın dostunun macəra dəvətini qəbul etmədiyi üçün peşmandır və onu tapmaq üçün Frirenin komandasına qoşulmağa qərar verir. Lakin bir müddət sonra dostunu tapmaq üçün Frirenin komandası ilə yollarını ayırmalı olur.

Bir vaxtlar Frirenin üzvü olduğu qəhrəmanlar komandası. Onlar 10 il davam macəradan sonra İblis kralı məğlub etmiş və dünyada sülhü bərqərar etmişdirlər. Macəra başa çatdıqdan sonra ayrılmışdırlar. Komanda hekayənin əvvəlində dağılsa da, komanda üzvləri mütəmadi olaraq fleşbek səhnələrində peyda olurlar.

Himmel (ヒンメル, Hinmeru^?)^[e]

Səsləndirən: Nobuhiko Okamoto^[2]

Qəhrəmanlar komandasının insan üzvü. O, komandanın qəhrəmanı idi və özünü yaraşıqlı adlandırmağı sevirdi. Frirenlə meteorit yağışını izlədikdən sonra Friren 50 il sonra onu ziyarət edəcəyinə söz verir. 50 il sonrakı görüşdən qısa müddət sonra Himmel ölür və bu hadisə Frirenin üzərisində böyük təsir buraxır. Friren ikinci bir səyahətə çıxaraq ruhların dincəldiyi yerə çatmağı və Himmeli yenidən görməyi istəyir. Himmel insanlara kömək etməyi sevən biri olmuşdur. O, böyük qəhrəman hesab edildiyi üçün demək olar ki, hər kənd və şəhərdə onun heykəlinə rast gəlmək mümkündür.

Hayter (ハイター, Hayta^?)^[f]

Səsləndirən: Hiroki Toçi^[2]

Qəhrəmanlar komandasının insan üzvü. Komandanın keşişi idi və şən şəxsiyyəti ilə tanınırdı. Keşiş olmasına baxmayaraq içkiyə düşkünlüyü ilə tanınmışdır. Komanda dağıldıqdan bir müddət sonra Fern adlı bir qızı övladlığa götürür və onu yetişdirir. Ölümündən qısa müddət əvvəl Frirendən Ferni şagirdi kimi qəbul etməsini xahiş edir.

Ayzen (アイゼン, Ayzen^?)^[g]

Səsləndirən: Yoci Ueda^[2]

Qəhrəmanlar komandasının cırtdan üzvü. Cırtdan irqindən olduğu üçün insanlardan daha çox yaşasa da, elflər qədər uzunömürlü deyil. Hələ də yaşasa da, qocaldığı üçün əvvəlki qədər güclü deyil. Bu səbəbdən sonra Frirenin ikinci səyahət dəvətini qəbul etmir və şagirdi Ştarkı tövsiyə edir. O, şagirdi Ştarkı güclü döyüşçü hesab edir və onun bir gün böyük döyüşçü olacağına inanır.

Bir vaxtlar İblis kralın başçılığı altında dünyada müsibətlərə səbəb olan irq. Qəhrəmanlar komandası İblis kralı öldürdükdən sonra onun qüvvələrindən qalan iblislər insanlara və digər irqlərə qarşı döyüşməyə davam edirlər. İblislər insanları və onların duyğularını yamsılamaqda peşəkar olsalar da, insanlara aid duyğuları başa düşə bilmirlər. Onlar sözlərdən istifadə edərək insanları aldatmağa çalışırlar. İblislər individualistik xarakterə malik canlılardı, onların sosial iyerxaxiyası güc və mana üzərisində qurulub. Friren iblislərdən nifrət edir və bacardığı qədər çox iblis öldürməyə çalışır.

İblis kral (魔王, Mao^?)

İblis irqinin keçmiş hökmdarı. Min ildən çox yaşamışdır. Qəhrəmanlar komandası tərəfindən məğlub edilsə də, onun Endedə yerləşən qəsri hələ də salamatdır. Onun insanlara müharibəsi dünyada böyük məhvə səbəb olmuş, həm insan, həm də iblislərin böyük qismi bu konflikt nəticəsində ölmüşdür. Onun rəhbərliyi altında Yeddi Məhv Müdriki dünyanın əsas regionlarına nəzarət edən güclü iblislərdən ibarət olmuşdur.

İblis kralın ölümündən 80 ildən çox vaxt keçsə də, onun təsiri dünyada hələ də hiss olunur. İblis kralın qüvvələrindən qalan iblislər hələ də döyüşməyə davam edirlər. Törətdiyi müharibə dünyanın indiki geosiyasi vəziyyətini formalaşdırmışdır.

Yeddi Məhv Müdriki (七崩賢, Şiçihoken^?) İblis kralın ordusundakı ən güclü iblislər hesab olunurdu. Onlardan üçü Cənubun qəhrəmanı tərəfindən, bir neçəsi isə Qəhrəmanlar komandası tərəfindən öldürülmüşdür. İblis kralın ölümündən sonra sağ qalan bir neçəsi qaça bilmiş və güc toplamaq üçün gizlənmişdirlər.

Aura (アウラ, Aura^?)^[h]

Səsləndirən: Ayana Taketatsu^[5]

Yeddi Məhv Müdrikinin üzvü olan dişi iblis, Friren və Qəhrəmanlar komandasının əzəli düşmənlərindən biri. Onlar Auranı məğlub etməyi bacarsalar da, Aura qaça bilmişdir. O, İtaət tərəzisi adlı sehrli əşyanın sahibidir. Bu əşya öz manası ilə qarşı tərəfin manasını tərəzidə çəkir və manası tərəzidə daha yüngül gələn tərəf qarşıya tərəfə itaət etməli olur. Bu, riskli əşya olsa da, Aura güclü iblis olduğu üçün manası çoxdur və bu əşya bir çox düşməni özünə tabe etdirmişdir. Düşmənlərinin başını kəsərək kuklasına çevirdiyi üçün "Başkəsən Aura" ləqəbi ilə tanınır. O, İtaət tərəzisini Frirenin üzərisində işlətmək istəsə də, Frirenin manası üstün gəlir və Aura ona tabe olaraq bu dəfə öz başını kəsir.

Maxt (マハト, Mahato^?)^[i]

Yeddi Məhv Müdrikinin sağ qalmış son üzvü olan, "Qızıl torpaqlı" ləqəbi ilə tanınan iblis. Maxt 6 əsr əvvəl Frirenlə qarşılaşmış və onu məğlub edə bilmişdir. Maxt toxunduğu hər şeyi qızıla çevirə bilən güclü lənətdən istifadə bilir. Buna görə də Yeddi Məhv Müdrikinin ən güclüsü hesab olunur, Friren belə onu məğlub etməyin mümkünsüz olduğunu düşünür. Digər iblislərdən fərqli olaraq Maxt insanlarla birlikdə yaşamağı dəstəkləyir, insanların "yaxşılıq" və "pislik" hislərini başa düşmək istəyir. Bu hissi yaşamaq ümidi ilə Veyzer şəhərinin müttəfiqi olmuş, hətta Denkenə müəllim etmişŞ amma sonda bütün şəhəri qızıla çevirmişdir. Sehrbazlar şəhərin ətrafında gücü baryer quraraq Maxtı orada həbs etmişdirlər. 80 il sonra Frirenin komandası və Denken onu məğlub etməyə gəlir. Həlledici döyüşdə Maxt Denken tərəfindən öldürülür.

Solitar (ソリテール, Soriteru^?)^[j]

İnsan sehrinə böyük marağı olan dişi iblis. Solitar adsız böyük iblis kimi tanınır, çünki onun adı heç bir kitabda çəkilmir, bunun səbəbi onunla qarşılaşanların ölmüş olmasıdır. Söhbət etməyi sevən Solitar insanları öyrənməyi çox sevir, Maxta təkamül və sehr haqqında məlumatlar vermişdir. Lakin Maxtdan fərqli olaraq insanlarla iblislərin birlikdə yaşaması ideyasını təhlükəli hesab edir. Solitar Maxta kömək edərək Veyzer şəhərinin ətrafındakı baryeri sındırır. Solitarın döyüş bacarıqları o qədər yüksəkdir ki, hətta Friren belə ona qarşı döyüşdə çətinlik çəkir. Lakin Fernin köməyi ilə onu öldürə bilir.

Kval (クヴァール, Kuvaru^?)^[k]

Səsləndirən: Hiroki Yasumoto^[5]

"Korrupsiyanın böyük müdriki" kimi tanınan güclü iblis. Qəhrəmanlar komandası onu məğlub etməkdə çətinlik çəkdiyi üçün onu möhürləmişdirlər. İllər sonra Friren Fernin köməyi ilə onun möhrünü açır və onu öldürür. Kval "Zoltraak" adlı çox güclü hücum sehrinin yaradıcısıdır və bu sehrlə bir çox şəxsi öldürmüşdür. Lakin Friren onu möhürlədikdən sonra bu sehri analiz etməyə başlamış və "Zoltraak" insanların standart hücum sehrinə çevrilmişdir.

Lüqner (リュグナー, Ryuquna^?)^[l]

Səsləndirən: Cuniçi Suvabe^[5]

Auranın rəhbərliyi altında olan iblis. Qan sehrindən istifadə edə bilir. Auranın tapşırığı ilə sülh nümayəndəsi kimi maskalanaraq bir şəhərin antiiblis baryerini endirməyə çalışır. Fernlə dueli zamanı öldürülür.

Linie (リーニエ, Rinie^?)^[m]

Səsləndirən: Manaka İvami^[5]

Lügnerin köməkçilərindən biri. O, qarşı tərəfin manasını oxuyaraq onun hərəkətlərini və döyüş stilini təkrarlaya bilir. Ştarkla dueli zamanı öldürülür.

Draht (ドラート, Dorato^?)^[n]

Səsləndirən: Koki Osuzu^[5]

Lügnerin köməkçilərindən biri. Kəsici naqillərdən istifadə etmək sehrinə malikdir. Frireni həbsxanada öldürməyə cəhd etsə də, Friren asanlıqla onu öldürə bilir.

Revolte (レヴォルテ, Reborute^?)^[o]

Döyüş bacarıqları yüksək olan şoqun iblisi. Dörd qolu ilə eyni anda dörd qılıncla döyüşə bilir. Qenau və Ştark onu öldürürlər.

Zerie (ゼーリエ, Zerie^?)^[p]

Səsləndirən: Mariya İse^[6]

Çox uzun müddətdir yaşayan qədim elf. Zeri böyük təsirə malik olan bir sehrbazdır və Flammenin müəllimi olmuşdur. Hekayənin başlanğıcından təxminən 1000 il əvvəl Friren ilə tanış olmuşdur. O, yaşayan qremuar adlandırılır, bəşəriyyat tarixi boyunca mümkün olan bütün sehrləri toplamışdır. Digər sehrbazlar tərəfindən ən böyük sehrbaz kimi qəbul olunur.

Əsas hekayədən 50 il əvvəl Zerie Kontinental Sehr Assosiasiyasını qurmuşdur. Bu təşkilatı qurmaqda əsas məqsədi bacarıqlı sehrbazları ortaya çıxarmaq, həmin sehrbazlara birinci dərəcəli sehrbaz statusu verməkdir. Bu məqsədlə müsabiqələr təşkil edir. Birinci dərəcəli sehrbaz ola bilən şəxslər Zeriedən istədikləri bir sehri əldə etmək hüququnu qazanırlar. Friren ilə fikirləri ziddiyyət təşkil etdiyi üçün onunla arası yaxşı deyil, hətta ona birinci dərəcəli sehrbaz statusu verməkdən imtina edir.

Zenze (ゼンゼ, Zenze^?)^[q]

Səsləndirən: Haruka Terui^[7]

Birinci dərəcəli sehrbaz. Birinci dərəcəli sehrbaz imtahanında nəzarətçi qismində iştirak edir. Uzun saçlarından kəsici material kimi istifadə etmək sehrinə malikdir.

Qenau (ゲナウ, Genau^?)^[r]

Səsləndirən: Tarusuke Şinqaki^[7]

Birinci dərəcəli sehrbaz. Birinci dərəcəli sehrbaz imtahanında nəzarətçi qismində iştirak edir. Daha sonra Metode ilə birlikdə Şimal torpaqlarını iblislərdən təmizləməyə göndərilir.

Metode (メトーデ, Metode^?)^[s]

Səsləndirən: Reyna Ueda

Birinci dərəcəli sehrbaz imtahanından keçən qadın sehrbaz. Sağaltma sehrində ustalaşmışdır. Şirin şeyləri sevdiyi üçün tez-tez Zerie və Frireni sığallamağa çalışır. Qenau ilə birlikdə Şimal torpaqlarını iblislərdən təmizləməyə göndərilir.

Lernen (レルネン, Rerunen^?)^[t]

Səsləndirən: Atsuşi Miyauçi

Kontinental Sehrbaz Assosiasiyasının yaradılmasından sonra birinci dərəcəli statusu əldə etmiş ilk sehrbazdır. O, Zerienin şagirdi olmuşdur. Denkenin yaxın dostudur və ona həmişə kömək etməyə çalışır.

Denken (デンケン, Denken^?)^[u]

Səsləndirən: Ciro Sayto^[7]

Yaşlı və nüfuzlu sehrbaz. Ordunun tərkibində yüksəlmiş, güc uğrunda amansız mübarizədən sonra hiyləgər saray sehrbazı olmuşdur. Balaca olanda valideynləri iblislər tərəfindən öldürülmüş və Veyzer şəhərinin hakimi Qlükün himayəsinə daxil olmuşdur. Qlükün qızı Lektüre ilə evlənsə də, Lektüre qısa müddət sonra ölmüşdür. Arvadının məzarını yenidən ziyarət etmək üçün birinci dərəcəli sehrbaz sertifikatına ehtiyacı var, bu səbəbdən imtahana qatılır. İmtahanın ilk mərhələsində Friren tərəfindən məğlub edilsə də, üçüncü mərhələyə çata bilir və birinci dərəcəli sehrbaz olur. Denken iblis Maxtın şagirdi olmuşdur. O, doğma şəhərini Maxtdan xilas etmək üçün onu öldürməyi bacarır.

Übel (ユーベル, Yuberu^?)^[v]

Səsləndirən: İkumi Haseqava^[7]

Sadistik və zorakılıqdan çəkinməyən qadın sehrbaz. Keçmişdə baş tutan ikinci dərəcəli sehrbaz imtahanında imtahan nəzarətçisini öldürdüyü üçün imtahandan kənarlaşdırılmışdır. O, döyüşməkdən və öldürməkdən zövq alır, bu səbəbdən etibarsız müttəfiq hesab olunur. Übel dərziliklə məşğul olan bir ailədə böyüdüyü üçün kəsmə sehrində ustalaşmışdır. Bu görünməz və unikal sehr vasitəsilə xəyal edə bildiyi hər şeyi kəsmə bacarığına malikdir. O, birinci dərəcəli sehrbaz imtahanını keçə bilir. İmtahanı keçən digər sehrbaz Landla yaxınlıq edir.

Land (ラント, Ranto^?)^[w]

Səsləndirən: Şohey Komatsu^[7]

Sirli və ehtiyatlı davranan gənc sehrbaz. O, həyatda hər şeyə şübhə və soyuqqanlılıqla yanaşır, başqalarından məsafəli olmağa çalışır. Öz təhlükəsizliyinə xüsusi əhəmiyyət verir. İntellektuallığı ilə seçilən Land klon sehrindən istifadə edir. Öz klonlarını yaradaraq vəziyyətdən çıxmağı bacarır. Klonları o qədər yaxşıdır ki, əsl bədəni uzaqda olsa belə birinci dərəcəli sehrbaz imtahanına qatılır və imtahanı keçə bilir. Eynək taxdığı üçün Übel ona "dördgöz" deyə xitab edir.

Virbel (ヴィアベル, Viaberu^?)^[x]

Səsləndirən: Kişo Taniyama^[7]

Döyüş təcrübəsi yüksək olan ikinci dərəcəli sehrbaz. O, Şimal Sehr Korpusunun kapitanıdır və iblislərə qarşı döyüşməklə məşğuldur. Döyüş sehrinə böyük marağı var və sehrin ancaq öldürmək üçün lazım olduğuna inanır. İmtahanı uğurla keçərək birinci dərəcəli sehrbaz olur.

Edel (エーデル, Ederu^?)^[y]

Səsləndirən: Tomoyo Kurosava^[8]

İmtahanda iştirak edən ikinci dərəcəli sehrbaz. Hipnoz sehrində ustalaşmışdır. O, xatirələri oxumaq və ötürmək bacarığına malikdir. Edelin bu bacarığındakı ustalığı hətta Frireni təəccübləndirir. Edel Maxtın xatirələrini oxuyub Denken və Frirenə ötürməkdə iştirak edir.

Kanne (カンネ, Kanne^?)^[z]

Səsləndirən: Azumi Vaki^[7]

Ürkəkliyi ilə seçilən üçüncü dərəcəli sehrbaz. Suyu idarə etmək sehrinə malikdir və birinci dərəcəli sehrbaz imtahanının ilk mərhələsində Frirenin komanda yoldaşı olur. Birlikdə böyüdüyü rəfiqəsi Lavine ilə tez-tez mübahisə edir, lakin döyüş zamanı ona dəstək olur.

Lavine (ラヴィーネ, Ravine^?)^[aa]

Səsləndirən: Sayumi Suzuşiro^[7]

Birinci dərəcəli sehrbaz imtahanının ilk mərhələsində Frirenin komanda yoldaşı olan digər üçüncü dərəcəli sehrbaz. Buz sehrindən istifadə etməyi bacarır. Yaxın rəfiqəsi ilə Kanne ilə tez-tez mübahisə etsə də, onunla birlikdə döyüşür. Lavinenin 3 böyük qardaşı var.

Rixter (リヒター, Rihita^?)^[ab]

Səsləndirən: Eyci Hanava^[7]

İmtahanda iştirak edən ortayaşlı sehrbaz. Birinci dərəcəli sehrbaz imtahanında Denken ilə komanda yoldaşı olur. Öz sehrbazlıq mağazası var və sehrli əsaları təmir edir. Torpağı idarə etmək sehrində ustalaşmışdır.

Şarf (シャルフ, Şarufu^?)^[ac]

Səsləndirən: Yuci Muray^[8]

Birinci dərəcəli sehrbaz imtahanında Virbel ilə komanda yoldaşı olan ikinci dərəcəli sehrbaz. O, çiçək ləçəklərini iti bıçaqlara çevirmək sehrinə malikdir.

Laufen (ラオフェン, Raofen^?)^[ad]

Səsləndirən: Şizuka İşiqami^[7]

Birinci dərəcəli sehrbaz imtahanında Denken ilə komanda yoldaşı olan ikinci dərəcəli sehrbaz. O, sürətli hərəkət etmək sehrində ustalaşmışdır.

Ehre (エーレ, Ere^?)^[ae]

Səsləndirən: Kanae İto^[7]

Birinci dərəcəli sehrbaz imtahanında Virbel ilə komanda yoldaşı olan ikinci dərəcəli sehrbaz. Qayaları idarə etmək sehrinə malikdir. Lernenin nəvəsidir.

Bley (ブライ, Buray^?)^[af]

Səsləndirən: Şinya Takahaşi

Birinci dərəcəli sehrbaz imtahanında Edel ilə komanda yoldaşı olan sehrbaz.

Dünste (ドゥンスト, Dunsuto^?)^[ag]

Səsləndirən: Masafumi Kobatake

Birinci dərəcəli sehrbaz imtahanında Edel ilə komanda yoldaşı olan yaşlı sehrbaz.

Flamme (フランメ, Furanme^?)^[ah]

Səsləndirən: Atsuko Tanaka^[5]

Əfsanəvi insan sehrbaz. Bəşəriyyat tarixinin ilk sehrlərinin ortaya çıxmasında vacib rolu olmuşdur. Əsas hekayədən min il əvvəl yaşamış, Frirenin müəllimi olmuşdur. O, Zerienin şagirdi olmuşdur. Flamme Frirenə sadəcə sehr deyil, öz manasını gizlətmək texnikasını da öyrətmiş, iblislərə qarşı döyüşmək üçün taktikalar vermişdir. Flamme öldükdən sonra bir çox onun əsərlərini təqlid etməyə çalışmışdır. Flammenin sevimli sehri çiçəkləndirmə sehri olmuşdur.

Qranat (グラナト, Quranato^?)^[ai]

Səsləndirən: Şunsuke Sakuya

Qranat şəhərinin hazırkı qrafı. O, şəhəri uzun illərdir idarə edən köklü nəsilə mənsubdur. O, iblislərlə, xüsusilə, Auranın köməkçiləri ilə sülh danışıqlarına daxil olur, lakin əslində onlardan nifrət edir, çünki oğlu iblislər tərəfindən öldürülüb.

Kraft (クラフト, Kurafuto^?)^[aj]

Səsləndirən: Takehito Koyasu^[9]

Bir neçə min ildir yaşayan qədim elf keşiş. Friren və yoldaşları Şver dağlarından keçərkən onunla rastlaşırlar. Fırtına sakitləşənə qədər Kraftla 6 ay vaxt keçirirlər və onun şəxsiyyəti ilə yaxından tanış olurlar.

Ştolts (シュトルツ, Şutorutsu^?)^[ak]

Səsləndirən: Takuya Equçi^[10]

Starkın böyük qardaşı. Ştarkı uğursuz biri kimi görən digər kəndlilərdən fərqli olaraq Ştols ona mehribanlıqla davranır və təlimində kömək edir. İblislərin kəndə hücumu zamanı öldürülür və Ştarkın qaçması üçün özünü fəda edir.

Zaynın böyük qardaşı

Səsləndirən: Daysuke Hirakava^[11]

Şimalda yerləşən kiçik bir kəndin keşişi. Kiçik qardaşı Zaynı çox sevir. Hayterin keçmiş şagirdi olmuşdur

Orden (オルデン, Oruden^?)^[al]

Səsləndirən: Yuya Uchida

Voriq şəhərini idarə edən zadəgan. Orden ailəsinin başçısıdır. Bu ailə Şimal torpaqlarının Üç Böyük Cəngavər Sülaləsidir. O, pul qarşılığında Frirenin komandasından yardım istəyir. Ştark onun ölmüş oğlu kimi maskalanaraq vətəndaşların qorxmamasını təmin edir.

Voll (フォル, Foru^?)^[am]

Səsləndirən: Mitsuaki Hoşino

400 ildən çox yaxşı olan qoca cırtdan. Frirenin köhnə dostlarından biridir. O, bir cırtdana görə olduqca qocadır. İnsan olan həyat yoldaşının xahişi ilə onun kəndini qorumaqla məşğuldur.

Cənubun qəhrəmanı

İblislərə qarşı döyüşmüş əfsanəvi qəhrəman. O, hətta Himmeldən öncə Frirenlə qarşılaşmışdır. Dövrünün ən güclü insanlarından hesab olunan o, Yeddi Məhv Müdrikinə qarşı döyüşmüş, onlardan üçünü öldürmüşdür. Şimal torpaqlarında bir döyüş zamanı ölmüşdür. Bəzi qəsəbə və şəhərlərdə onun heykəlləri yerləşir.