 |
 |
Love.az |  |
 |
Məhəmməd Türkmən (tam adı: Məhəmməd Meretqeldi oğlu Türkmən; 17 oktyabr 1990, Marı) — Türkmən əsilli[1] Azərbaycan jurnalisti[2], reportyor və fotoqrafı[3][4]; “Fotoqraflar.com/info” saytının təsisçisi[5][6]; Minval.İnfo saytının baş redaktoru (2018—h.h.)[7][8][9][10]; "Davam" Ümumrespublika Gənclər Hərəkatının təsisçilərindən biri və İdarə Heyətinin üzvü (2020).
| Məhəmməd Türkmən | |
|---|---|
| Məhəmməd Meretqeldi oğlu Türkmən | |
.jpg) Məhəmməd Türkmən (2018) | |
| Digər adı | Muhamedqurbanov Muhamed Meretqeldi oğlu |
| Doğum tarixi | 17 oktyabr 1990 (34 yaş) |
| Doğum yeri | |
| Həyat yoldaşı | Könül İbrahim |
| Uşağı | 1 qız: Nur |
| Milliyyəti | türkmən |
| Fəaliyyəti | jurnalist, reportyor, fotoqraf |
| Fəaliyyət illəri | 2011-ci ildən |
Muhamedqurbanov Muhamed Meretqeldi oğlu 17 oktyabr 1990-cı ildə Türkmənistan SSR-in Marı şəhərində dünyaya gəlib. Uşaqlıq illərinin bir hissəsi Türkmənistanın Marı şəhərində, bir hissəsi isə Salyan rayonunda keçib.[1]
2011-ci ildən jurnalistika ilə məşğuldur. Bir çox yerli və beynəlxalq jurnalist təlimlərində iştirak edib. "BakuNews", "Kanal 13" kimi internet televiziyalarda, "Elitar.az" və başqa bir neçə saytda reportyor olaraq çalışıb.[1] 2013-cü ilin oktyabr ayında "Yeni Müsavat" qəzetində fotoreportyor kimi işə başlayıb.[1][11][12]
Ekstremal vəziyyətlər[13] və sosial sahə üzrə reportajlar hazırlayıb və beynəlxalq yarışlarda da çalışdığı media qurumunu təmsil edib. 2018-ci ilin yanvar ayından "Minval.İnfo" saytının baş redaktorudur.[7][8][9]
Qrabağ münaqişəsi əsnasında 2010-cu illərdə cəbhə bölgəsində yaranan gərginliklər və kiçik döyüşlər zamanı həmin əraziyə yollanmış ilk jurnalistlərdən biridir. O, bu təcrübəsini artırmaq üçün əlavə olaraq 2016-cı ildə "Ekstremal jurnalistlərin təcrübə poliqonu təlimləri"ndə də iştirak edib və diplomla təltif olunub.[14]
Jurnalistika ilə yanaşı fotoqrafiya ilə də məşğuldur. Bu sahədə müxtəlif mükafatlar qazanıb və təlimlər keçib.[3][4][15] Çəkdiyi fotolar müxtəlif müsabiqələrdə qalib olub. İdeya müəllifi və təsisçisi olduğu, 2016-cı ildə yaratdığı "Fotoqraflar.com" saytı Azərbaycanda ilk onlayn tədris və fotoxəbər portalıdır.[5][6]
2020-ci ildə Bakıda, "Holiday Inn" hotelində təşkil olunan brifinqdə "Davam" Ümumrespublika Gənclər Hərəkatının təsisçilərindən biri olub. Təşəbbüs Qrupunun hər bir üzvü Azərbaycan gəncliyini bu hərəkatda konkret istiqamət üzrə təmsil edir. Məhəmməd Türkmən bu hərəkatda Azərbaycanın gənc jurnalistlərinin təmsilçisi kimi çıxış edir.[16] Həmçinin hərəkatın İdarə Heyətinin də üzvüdür.[17][18][19]
Hazırda Bakıda yaşayır. Heç bir siyasi partiyaya üzv deyil. 2016-cı ildən həmkarı və iş yoldaşı,[20] jurnalist Könül İbrahimlə evlidir,[21][22] Nur adlı qızı 2017-ci ildə anadan olub.[23]
 |
 |
LOVE.AZ |  |
 |
|
