Melirin Varinq (ing. Marilyn Waring; 7 oktyabr 1952[1]) — Yeni Zelandiyalı dövlət siyasəti üzrə alim, beynəlxalq inkişaf üzrə məsləhətçi, keçmiş siyasətçi, ekoloq, feminist və feminist iqtisadiyyatın əsas qurucularından biri.[3]
Melirin Varinq | |
---|---|
![]() | |
1975 – 1984 | |
Şəxsi məlumatlar | |
Doğum tarixi | 7 oktyabr 1952(1952-10-07)[1] (72 yaş) |
Doğum yeri | Nqaruavahiya, Yeni Zelandiya |
Təhsili | |
Fəaliyyəti | siyasətçi, yazıçı, universitet müəllimi[d], iqtisadçı, fermer, qadın hüquqları fəalı[d], ətraf mühit fəalı |
Elmi fəaliyyəti | |
Elmi dərəcəsi |
|
Təltifləri |
![]() ![]() ![]() |
marilynwaring.com | |
![]() |
Melirin Varinq Taupiridə böyümüşdür, burada valideynləri qəssab dükanı idarə edirdi. Onun ulu babası Herri (ing. Arthur Henry) Varinq 1881-ci ildə İngiltərənin Herefordşir bölgəsində yerləşən Hopesay kəndindən Yeni Zelandiyaya köçmüş və Taupiridə ailə qəssab dükanını qurmuşdur. 1927-ci ildə Herri Varinq Reform Partiyasından (Milli Partiyanın sələfi) Reqlan dairəsindən parlament seçkilərinə namizəd olmuş, lakin qalib gələ bilməmişdir.[4][5][6]
Melirin Varinq gənclik illərində istedadlı soprano olmuşdur və valideynləri onun klassik musiqiçi olmasını arzulayırdı. 1973-cü ildə isə Viktoriya Universiteti (Vellinqton) siyasət elmi və beynəlxalq siyasət üzrə fərqlənmə diplomu (ing. Honours BA) ilə məzun olmuşdur.[7]
1975-ci ildə, 23 yaşında olarkən, Yeni Zelandiyanın sağ mərkəzçi Yeni Zelandiya Milli Partiyasından parlamentin ən gənc üzvü seçilmişdir. Parlament üzvü kimi, Dövlət Xərcləri Komitəsinə rəhbərlik etmişdir.[8] Müxalif Leyborist Partiyasının Yeni Zelandiyanı nüvə silahlarından azad ölkəyə çevirmək siyasətini dəstəkləməsi 1984-cü il Yeni Zelandiya ümumi seçkilərinin keçirilməsində mühüm rol oynamışdır. O, 1984-cü ildə parlamenti tərk etmişdir.[9][10]
Parlamentdən ayrıldıqdan sonra akademik fəaliyyətə başlamışdır. Melirin daha çox "If Women Counted" (1988) kitabı ilə tanınır. 1989-cu ildə siyasət üzrə fəlsəfə doktoru (ing. D.Phil) dərəcəsini almışdır. Tədqiqatları və yazıları sayəsində feminist iqtisadiyyatın əsas qurucularından biri hesab edilir.
2006-cı ildən etibarən Melirin Varinq Oklend Texnologiya Universitetinin (AUT) Dövlət Siyasəti İnstitutunda professor kimi fəaliyyət göstərir. Varinq, idarəetmə və dövlət siyasəti, siyasi iqtisadiyyat, gender analizi və insan hüquqları mövzularında tədqiqatlar aparır. Həmçinin, beynəlxalq yardım layihələrində iştirak edib və BMT-nin İnkişaf Proqramı (UNDP) və digər beynəlxalq təşkilatlarda məsləhətçi kimi çalışıb.[11]
Melirin Varinq Ümumi Daxili Məhsul (ÜDM) konsepsiyasının tənqidçilərindən biridir.[12] O, İkinci Dünya Müharibəsindən sonra Birləşmiş Millətlər Təşkilatının Milli Hesablar Sistemi (UNSNA) üçün əsas iqtisadi göstərici kimi qəbul edilən ÜDM-in problemli tərəflərini vurğulayır. Varinq bu sistemin "neft sızmalarını və müharibələri iqtisadi artımın göstəricisi kimi saydığını, lakin uşaq böyütmə və ev təsərrüfatı işlərini dəyərsiz hesab etdiyini" bildirərək tənqid etmişdir.[13]
Onun işləri akademiklərə, bir sıra ölkələrin hökumət mühasibat sistemlərinə və BMT siyasətlərinə təsir göstərmişdir.[14] Varinq uzun müddət Qadın Hüquqları və İnkişaf Assosiasiyası ilə əməkdaşlıq etmiş və 2012-ci ilə qədər bu təşkilatın idarə heyətində yer almışdır. 2021-ci ildə isə Ümumdünya Səhiyyə Təşkilatı (ÜST) tərəfindən "Hamı üçün Səhiyyə İqtisadiyyatı" Şurasının üzvü təyin edilmişdir.[15]
Vikianbarda Melirin Varinq ilə əlaqəli mediafayllar var. |