. Love.az

Miraslan Bekirli - Wikipedia - Love.az

Ana Səhifə - Miraslan Bekirli
Bu məqalənin ensiklopedik tələblərə cavab vermədiyinə dair şübhələr var.
Lütfən, ensiklopedikliyi təsdiq etmək üçün məqalənin mövzusuna uyğun tərəfsiz, etibarlı mənbələr əlavə edin. Əgər belə mənbələr göstərilməzsə, məqalə birləşdirilə, köçürülə, yönləndirilə və ya silinə bilər.

Miraslan Bəkirli (azərb. Miraslan Məcnun oğlu Bəkirli‎; 17 mart 1955, Qızıl Şəfəq, Kalinino rayonu) — telejurnalist, yazıçı-publisist,[1] Azərbaycan Yazıçılar Birliyinin və Azərbaycan Jurnalistlər Birliyinin üzvü.

Miraslan Bəkirli
Doğum tarixi 17 mart 1955(1955-03-17) (70 yaş)
Doğum yeri
  • Qızıl Şəfəq, Kalinino rayonu, Ermənistan SSR, SSRİ

Həyatı

redaktə

Miraslan Bəkirli 17 mart 1955-ci ildə Qərbi Azərbaycanın Kalinino rayonunda (keçmiş Varantsovka, qədim adı isə Daşır olmuşdur), Qəzəl Şəfəq kəndində (keçmiş Cücəkənd) anadan olub. 1969-cu ildə Qızıl Şəfəq 8 illik, 1971-ci ildə İlməzli kənd orta məktəbini bitirmişdir. Bir il Qızıl Şəfəq sovxozunda fəhlə işləmiş, 1972-1977-ci illərdə BDU-nun (keçmiş ADU) geoloji-coğrafiya fakültəsini bitirmiş, Cəlilabad rayonunun Eçara, Maşlıq kəndlərində dövlət göndərişi ilə müəllim işləmişdir. 1980-i ildən 1988-ci il hadisələrinə qədər doğulduğu rayonda “Zarya” qəzetində işləmiş, sonra Sumqayıt şəhərinə köçüb gəlməyə məcbur olmuşdur. Sumqayıtda əvvəl 8 sayli məktəbdə müəllim, sonra 18saylı məktəbdə dərs hissə müdiri, 1990-cı ildə ilk müstəqil qəzetlərdən olan “Vətən səsi” qəzetində ədəbi işçi, şöbə müdiri kimi fəaliyyət göstərmişdir. 1992-ci ildən Azərbaycan Dövlət Televiziyasında böyük redaktor kimi çalışır. "Halallıq", "El deyimləri", "Yurd", "Yurd yeri" kimi etnoqrafik, tarixi, publisistik; "Ağrı", "Vətən qürbətdə qaldı", "Həsrət", "Durnalar qayıdanda" kimi verilişlərlə Qərbi Azərbaycan və işgalda olan torpaqlarımızla bağlı; Qarabağ müharibəsində isə döyüş movqelərindən "Qılınc qolun davamıdır", "Cəbhədən qayıtmışıq" silsilə verilişlər hazırlayıb.

1984-cu ildən bədii yazllarla müntəzəm olaraq ədəbi orqanlarda çap olunur. Azərbaycan Yazıçılar Birliyinin və Azərbaycan Jurnalistlər Birliyinin üzvüdür.

Kitabları

redaktə
  1. “Çən qarısı” (uşaq hekayələri) 130 səh. – “Gənclik” nəş.- 1992-ci il;
  2. “İstək” (hekayələr, povectlər, esse və mənsur şeirlər) – 340 səh. “Ağrıdağ” 1999-cu il;
  3. “Qaçqının ünvanı olmur” (publisistika) 180 səh – “Nurlan” – 2002-ci il;
  4. “Kəndim- kədərim”- 1-ci cild (publisistika) 486 səh. – “Nurlan” – 2003-ci il;
  5. “Əsərlər” – 1-ci cild (hekayələr) – 400 səh.– “Nurlan” – 2004-ci il;
  6. “Əsərlər” – 2-ci cild (povestlər) – 454səh.– “Nurlan” – 2008-ci il;
  7. “Kəndim- kədərim”- 2-ci cild (publisistika) 486 səh. “Nurlan” – 2011-ci il;
  8. “Əsərlər” – 3-ci cild ("Sürgün" romanı) – 319səh.– “Zərdabi” – 2012-ci il;
  9. “Əsərlər” – 4-cü cild ("Mübariz" romanı) – 311səh.– “Zərdabi” – 2015-ci il;
  10. "Sürgün" (roman), Ankara, "Türk Dünyası Araşdırmaları Uluslararası İlimlər Akademiyası" - 2012.[2]
  11. "Mübariz" romanı – Bakı, “Zərdabi” LTD – 2015-ci il; 311 səh.

İstinadlar

redaktə
  1. ↑ "Seymur Elsevər, "Folklor beşiyi Masallı - gördük onu xoş misallı", "Ekspress" qəzeti. 20 iyun 2013-cü il №108(3718)". 2016-03-04 tarixində orijinalından arxivləşdirilib. İstifadə tarixi: 2015-10-05.
  2. ↑ "Miraslan BƏKİRLİ:- SÜRGÜN ( roman )". 2016-03-04 tarixində arxivləşdirilib. İstifadə tarixi: 2015-10-05.
Mənbə — "https://az.wikipedia.org/wiki/?q=Miraslan_Bəkirli&oldid=6669738"
LOVE.AZ