Moisey Toidze - Wikipedia - Love.az

Moisey Toidze 2 fevral 1871-ci ildə Tiflis şəhərində anadan olmuşdur^[2].

• 1896—1899-cu ildə Sankt-Peterburqdakı İmperator rəssamlıq akademiyasında oxumuş, İlya Repinin şagirdi olmuşdur.
• 1899-cu ildə Tiflisə qayıtmışdır. Xalq məişətindən səhnələr ("Msxetoba", 1899—1901), portretlər (anasının portreti, 1904—1905) çəkmişdir. 1920—1940-cı illərdə əsərlərində sosializm quruluşunu, gürcü xalqının yeni həyatını, Böyük Vətən müharibəsi (1941—1945) hadisələrini əks etdirmişdir ("Xoşbəxt həyat", 1934, "Cəbhədən məktub", 1942, "Qələbə mahnısı", 1948—hamısı Gürcüstan SSR İncəsənət Muzeyindədir, Tbilisi)^[3].
• 1930—1953-cü illərdə Tbilisi rəssamlıq akademiyasının professoru olmuşdur. SSRİ xalq rəssamı Uça Caparidze, Gürcüstan SSR xalq rəssamı İrakli Toidze və s. onun şagirdləri olmuşdur.
• Moisey Toidze 17 iyun 1953-cü ildə vəfat etmiş, Tbilisidə dəfn olunmuşdur.

• Oğlu — 4 dəfə Stalin mükafatı laureatı, Gürcüstan SSR xalq rəssamı İrakli Toidze;
• Qızı — aktrisa Aleksandra Toidze

Tbilisidə Moisey Toidzenin ev-muzeyi yaradılıb (Mitrofan Lagidze küçəsi, 3)^[4].

Moisey Toidze Böyük Sovet Ensiklopediyasında

1. ↑ Тоидзе Моисей (Мосе) Иванович Arxivləşdirilib 2015-07-24 at the Wayback Machine  (rus.)
2. ↑ მოსე თოიძე – ხელნაწერთა ეროვნული ცენტრი.^{[ölü keçid]}  (gürc.)
3. ↑ Азәрбајҹан Совет Енсиклопедијасы: [10 ҹилддә]. IX ҹилд: Спутник—Фронтон. Бакы: Азәрбајҹан Совет Енсиклопедијасынын Баш Редаксијасы. Баш редактор: Ҹ. Б. Гулијев. 1986. С. 303.
4. ↑ "Дом-музей Моссе Тоидзе / House-Museum of Mosse Toidze". 2022-05-07 tarixində arxivləşdirilib. İstifadə tarixi: 2018-07-13.