Povodimovo - Wikipedia - Love.az

Kənd Çeberçinku çayına tökülən Poşk Selme, Portmarley və Emay Erke çayları arasında yerləşir. Rayon mərkəzindən 4 km aralıda yerləşir. Ardatov dəmiryolu stansiyası ilə arasında məsafə isə 20 km-dir. Şərqində Çinyanovo kəndi, cənub-şərqində Krasnaya Luqa kəndi, cənubunda isə Dubyonki rayonunun mərkəzi olan eyni adlı qəsəbə yerləşir. Çinyanovo kəndi ilə Lenin küçəsi ilə birləşir.

Ad bir antroponimdir.

Kənd XVIII əsrdə salınmışdır. Əhalisi tarixən tikmə, döşəmə, digər toxunma məhsulları istehsalı ilə məşğul olmuşdur. 1870-ci ildə kənddə qarışıq ictimai məktəb açılmışdır. 1930-cu ildə kənddə kolxoz təşkil edilmişdir.

Müasir dövrdə kənddə orta məktəb, internat-məktəbi, 4 kitabxana, idman klubu, veteranlar üçün internat evi, uşaq bağçası, tibb məntəqəsi, rabitə qovşağı, kafe, 5 mağaza, raypromkombinat, 2 dəyirman fəaliyyət göstərir.

• Vladimir Lenin şərəfinə ucaldılmış abidə.
• Böyük Vətən müharibəsində həlak olmuşların şərəfinə qoyulmuş abidə.
• Boqorodis kilsəsi. Bu kilsədə Müqəddəs ana ikonası saxlanılır.

• Bakiç Ridyay — erzyan əsilli estrada müğənnisi. Mordoviyanın əməkdar mədəniyyət işçisi (2016)
• Ryabovon Ludmila — erzyan əsilli yazıçı.
• Nikolay Surodev — Sosialist Əməyi Qəhrəmanı.
• F. M. Surodef — General-mayor.
• Qriqori Dilatov və Nikolay Filatov — Heykəltaraşlar.
• D. F. Volquşev — tərərrüfat rəhbəri.
• P. İ. Burnayev, A. P. Svyatkin — pedaqoqlar.
• Valeri Borçin — İdman yürüşündə Olimpiya çempionu.
• Yuri Paltin — erzyan əsilli yazıçı.

2001-ci il Ümumrusiya siyahıya alınmasına kənddə 2581 nəfər yaşamışdır. Əhalinin hamısı erzyan əsilli olmuşdur. 2010-cı il məlumatına görə isə kənddə 2327 nəfər yaşayır.

• Малясов Н. С. Дубёнки. — Саранск, 1990.