Ramiz Aliquliyev - Wikipedia - Love.az

Ramiz Məhəmməd oğlu Alıquliyev 20 mart 1961-ci ildə Bərdə rayonunda anadan olmuşdur.

1983-cü ildə Azərbaycan Dövlət Universitetinin (indiki Bakı Dövlət Universiteti) tətbiqi riyaziyyat fakültəsini bitirmişdir.

1983-1988-ci illərdə Kibernetika (indiki İdarəetmə Sistemləri) İnstitutunda mühəndis, 3-cü dərəcə mühəndis-konstruktor vəzifələrində çalışmışdır.

1988-ci ildə Riyaziyyat və Mexanika İnstitutuna köçürülmüşdür.

1988-2002-ci illərdə Riyaziyyat və Mexanika İnstitutunda aparıcı konstruktor, aparıcı mühəndis, elmi işçi vəzifələrində işləmişdir.

2003-cü ildə İnformasiya Texnologiyaları İnstitutunda sektor müdiri vəzifəsinə işə qəbul edilmişdir.

2004-cü ildən İnformasiya Texnologiyaları İnstitutunda şöbə müdiri işləyir.^[3]

2022-ci ildən Azərbaycan Texniki Universitetində “Data Elmi və Süni İntellekt” İnstitutunun direktoru işləyir. ^[4]

Data mining; big data analitika; text mining; süni intellekt, onlayn sosial şəbəkələrin analizi; elektron dövlətin analizi; elmmetriya; təkamül və sürü intellektinə əsaslanan alqoritmlər (evolutionary and particle swarm algorithms).

• 2000-2002-ci illərdə Riyaziyyat və Mexanika İnstitutunda dissertanturada təhsil almışdır.
• 2002-ci ildə Riyaziyyat və Mexanika İnstitutunun nəzdindəki dissertasiya şurasında “01.01.02 (1211.01) – Diferensial tənliklər” ixtisası üzrə fizika-riyaziyyat elmləri namizədi (fəlsəfə doktoru) alimlik dərəcəsi almaq üçün “Cırlaşan ikinci tərtib elliptik tənliklərin həllərinin keyfiyyət xassələrinin tədqiqi” mövzusunda dissertasiya müdafiə etmişdir.
• 2004-2009-cu illərdə İnformasiya Texnologiyaları İnstitutunda elmlər doktoru hazırlığı üzrə dissertanturada təhsil almışdır.
• 2010-cu ildə Kibernetika (indiki İdarəetmə Sistemləri) İnstitutunun nəzdindəki dissertasiya şurasında “05.13.01 (3338.01) – Sistemli analiz, idarəetmə və informasiyanın işlənməsi” ixtisası üzrə texnika elmləri doktoru alimlik dərəcəsi almaq üçün “Mətn tipli informasiyanın intellektual analizi üçün metodlar və alqoritmlər” mövzusunda dissertasiya müdafiə etmişdir.^[5]
• 2017-ci ildə “İnformatika” ixtisası üzrə AMEA-nın müxbir üzvü seçilmişdir.^[6]
• 2019-cu ildə birgə tədqiqatlar aparmaq üçün Avstraliya Federasiya Universitetinə dəvət olunmuşdur.
• Rəhbərliyi altında 4 fəlsəfə doktoru hazırlanmışdır. Hazırda fəlsəfə doktoru hazırlığı üzrə 10 doktorant və dissertantın elmi rəhbəridir.

• Jurnalların redaksiya heyətində üzvlük:

• Web of Science və Scopus bazalarında indeksləşən 30-dan çox jurnalın rəyçisidir.^[18]
• Beynəlxalq və respublika səviyyəli konfransların proqram, təşkilat və texniki komitələrinin üzvü olmuşdur.^[19][20][21]
• Bakı Dövlət Universitetinin “Tətbiqi riyaziyyat və kibernetika” fakültəsində Dövlət İmtahan Komissiyasının sədri olmuşdur (2020-2021).
• İnformasiya Texnologiyaları İnstitutunun nəzdində fəaliyyət göstərən dissertasiya şurasının üzvüdür.^[22]

Elmi əsərlərin ümumi sayı: 234^[23]

• Jurnal məqalələri: 167

• Konfrans materialları: 60

• Elmi icmallar və broşürlər: 7

• Elmi əsərlərinə istinadlar:

• 2020-2024^[28], ^[29], ^[30], ^[31], ^[32]-ci illərdə Stenford Universitetinin (ABŞ) Scopus (Niderland) elmmetrik bazasının məlumatları əsasında hazırladığı süni intellekt sahəsində dünyanın ən yaxşı 2% alimlərinin reytinq siyahısına seçilib.
• 2014-cü ildə Azərbaycan Respublikasının Prezidentinin sərəncamı ilə “Tərəqqi” medalı ilə təltif olunmuşdur.^[33]
• 2013-cü ildə məqaləsi^[34] Azərbaycan Respublikasının Prezidenti yanında Elmin İnkişafı Fondunun Rabitə və İnformasiya Texnologiyaları Nazirliyi ilə birgə keçirdiyi “3-cü birgə İKT üzrə mükafat müsabiqəsi”ndə ən yaxşı elmi işlərə görə 1-ci yerə layiq görülüb.