Salmanbeyli - Wikipedia - Love.az

Kəndin keçmiş adı Kəbirli (digər mənbələrdə Barak^[3]) olmuşdur. Burada yaşayan əhali sırf Kəbirli tayfasına mənsubdur. Kəndin adını daşıyan Salman bəy Əlibəyov isə Müsəlman Sosial-Demokrat Hümmət təşkilatının Şuşa qəzasının fəal üzvlərndən biri olmuş, 1927-ci ildə Sovet hakimiyyətinin düşmənləri tərəfindən öldürülmüşdür.

Kənd 1928-ci ildən başlayaraq yaranmışdır.

1. Böyük Vətən Müharibəsi qəhrəmanlarının şərəfinə ucaldılmış abidə kompleksi
2. 416-cı milli atıcı diviziyanın Taqanroq uğrunda həlak olan əsgəri Ənnağı Bünyadovun büstü
3. Qarabağ müharibəsi şəhidi Əlfi Məmmədovun büstü
4. Qalatəpə arxeoloji mədəniyyəti
5. Üçtəpə kurqanları
6. Xantəpə kurqanları
7. Govurarx kanalı

Salmanbəyli kəndinin ərazisi 12.7 km², kəndin dəniz səviyyəsindən hündürlüyü 31 metrdir.

Əhalisinin sayı 2425 nəfərdir (2013-cü il). Həmçinin kənddə 106 nəfər (26 ailə) məcburi köçkün məskunlaşmışdır.

• Əlvan Əliyev — tarixçi alim, jurnalist, politoloq
• Əhməd Elbrus — filologiya üzrə fəlsəfə doktoru, şair, naşir
• Ənvər Əhməd — filologiya üzrə fəlsəfə doktoru, şair, dramaturq
• Əbülfət Misiroğlu — yazıçı, publisist, jurnalist

Əhalinin əsas məşğuliyyəti əkinçilik və heyvandarlıqdır.^[4] Kənddə 861 hektar pay torpağı, 1016 hektar dövlət torpaq fondundan götürülmüş icarə torpaqları, 48 hektar bələdiyyə torpağı vardır. 1 yanvar 2013-cü ildə kənddə 2253 baş iribuynuzlu və 8078 baş xırdabuynuzlu heyvan, həmçinin ev quşları 8453 ədəd, 60 ədəd arı ailəsi olmuşdur.^[5] Kənddə 1 Sudan İstifadəedənlər Birliyi, 5 ticarət obyekti vardır.

Kənddə 1 mədəniyyət evi, 1 kənd kitabxanası, 1 poçt şöbəsi, 1 elektron ATS mövcuddur.

Kənddə 1 tam orta məktəb və 1 uşaq baxçası fəaliyyət göstərir.

Kənddə "Heydər" məscidi dini icması fəaliyyət göstərir^[6].

Kənddə 1 həkim məntəqəsi, 1 aptek, 1 baytarlıq apteki mövcuddur.

• http://agcabedi-ih.gov.az/page/11.html