 |
 |
Love.az |  |
 |
Təbriz Ərk teatrı və ya Şiri Xurşid teatrı (fars. تئاتر شیر و خورشید تبریز) — İranın Təbriz şəhərində keçmiş teatr. Teatr 1927-ci ildə Təbriz şəhərində açılmış, 1980-ci ildə İslam inqilabından sonra isə dağıdılmışdır.[3]
| Təbriz Ərk teatrı | |
|---|---|
 | |
 | |
| Ümumi məlumatlar | |
| Əsası qoyulub | 1927 |
| Bağlanıb | 1980[1] |
| Teatr binası | |
| Açılıb | 10 sentyabr 1927[1][2] |
| Tutumu | 800 |
| Yerləşməsi | |
| 38°04′22″ şm. e. 46°17′26″ ş. u.HGYO | |
| Ölkə | |
| Yerləşir | Təbriz şəhristanı |
| Ünvan |
 Təbriz |
  Təbriz Ərk teatrı |
|
 Vikianbarda əlaqəli mediafayllar | |
Bina 1927-ci ildə Qırmızı şir və günəş cəmiyyəti tərəfindən tikilib başa çatır.[4] Binanın memarı dəqiq bilinməsə belə onun Qafqazdan gəldiyi ehtimal olunur, çünki teatrın binası Bakı və Tiflisdəki intibah dövrünün italyan üslubunu və yüksək dekorativ interyerə malik alman rokoko üslubunu özündə birləşdirib.[3] Teatrın açılışı 1927-ci ilin sentyabr ayında baş tutub. 1920-ci ildə verilmiş qərardan sonra səhnəyə Azərbaycan dilində tamaşa qoymaq qadağan olunduğu üçün burada tamaşalar 1941-ci ilə qədər farsca oynanılırdı.[5]
Əsas zalın uzunluğu 30 metr eni isə 10 metr və 800 nəfərlik olub. Zalın ən vacib cəhəti isə mərtəbələr və binanın tavanında olan xüsusi akustikaya görə burada heç bir səs gücləndirici alətlərə ehtiyacın olmamasıdır. Zalın birinci cərgəsində oturan tamaşaçılar musiqini necə eşidirdilərsə sonuncu cərgədə oturanlar da elə eşidirmişlər.[6]
Teatr binası Azərbaycan Milli Hökumətinin qurulmasından sonra əsaslı şəkildə təmir edilmiş, pərdələri və çılçıraqları dəyişdirilmişdir. 1946-cı ilin mart ayında Təbriz Dövlət Teatrı adı ilə Cəlil Məmmədquluzadənin "Anamın kitabı" pyesinin tamaşası ilə fəaliyyətə başlamışdır. 1946-cı ilin dekabrında Azərbaycan Milli Hökumətinin süqutundan sonra Təbriz Dövlət Teatrı dağıdıldı və fəaliyyəti dayandırıldı.[7][8]
İran İslam İnqilabından sonra teatr binası dağıdılır və yerində Cümə məscidi tikilir.[9]
 |
 |
LOVE.AZ |  |
 |
|
