 |
 |
Love.az |  |
 |
Urmiya Universiteti (fars. دانشگاه ارومیه) — İran İslam Respublikasının Qərbi Azərbaycan ostanının mərkəzi olan Urmiya şəhərində yerləşən ali təhsil müəssisəsi. Universitetin rektoru Rəhim Hubnəqidir[1][3].
| Urmiya Universiteti | |
|---|---|
 | |
 | |
| 37°31′50″ şm. e. 45°02′50″ ş. u.HGYO | |
| Əsası qoyulub | 1965 |
| Tip | Universitet |
| Rektor | Rəhim Hubnəqi[1] |
| Tələbə sayı | 16826[1] |
| Şəhər | Urmiya |
| Ölkə | |
| Sayt | urmia.ac.ir |
 Vikianbarda əlaqəli mediafayllar | |
Urmiya Universiteti 1965-ci ildən fəaliyyət göstərir.
Bu universitetdə müxtəlif sahələr üzrə 87 fənn üzrə dərslər keçirilir[1].
Urmiya Universitetində 16 min 826 tələbə təhsil alır[1].
Universitetin 487-dən çox müəllim-professor heyəti var[1].
Müvafiq icazənin alınmasından sonra 2017-ci ildən universitetdə bakalavr pilləsi üzrə Azərbaycan dili və ədəbiyyatı fənni üzrə 2 dərs tədris olunacaq[1]. Azərbaycan dili dərsində iştirak könüllü olacaq[1].
2006-cı ildə Urmiya Universitetində təhsil alan tələbə qızlar "Axar su" dərgisinin çapı üçün icazə alsalar da, onun yalnız bir sayı işıq üzü görmüşdür[4]. Bundan sonra jurnalın çapına qadağa qoyulmuşdur[4]. Belə ki, bütün tələbələr arasında paylanılan jurnal işıq üzü görən kimi Urmiya Universitetinin rəhbərliyi və təhlükəsizlik orqanları tələbələri millətçiliyi təbliğ etməkdə günahlandıraraq dərginin növbəti sayının buraxılmasına qadağa qoymuşlar[4]. Jurnalın işıq üzü görmüş yeganə nömrəsində Azərbaycan ədəbiyyatı və mədəniyyatı ilə bağlı yazılar dərc edilmişdir[4].
Universitetin tələbələri Azərbaycan və fars dillərində "Yol" ictimai-mədəni jurnalını buraxırlar[5]. Jurnalın baş redaktoru Zəkəriya Səfaidir[5]. Jurnalda əsasən Azərbaycanın ictimai və mədəni məsələləri ilə əlaqədar yazılar dərc edilir[5].
Universitet haqqında olan bu məqalə bu məqalə qaralama halındadır. Məqaləni redaktə edərək Vikipediyanı zənginləşdirin. |
 |
 |
LOVE.AZ |  |
 |
|
