. Love.az

Yalcin Refiyev - Wikipedia - Love.az

Ana Səhifə - Yalcin Refiyev

Yalçın İlqar oğlu Rəfiyev (tam adı:Rəfiyev Yalçın İlqar oğlu;) — COP29-un baş danışıqçısı[1], Azərbaycanın xarici işlər nazirinin müavini

Yalçın Rəfiyev
Yalçın İlqar oğlu Rəfiyev
Azərbaycan Respublikası xarici işlər nazirinin müavini
Şəxsi məlumatlar
Doğum tarixi 9 fevral 1987-ci il
Doğum yeri Şəmkir şəhəri, Azərbaycan
Rütbəsi ikinci dərəcəli fövqəladə və səlahiyyətli elçi
Təltifləri "Diplomatik xidmətdə fərqlənməyə görə" medalı

Mündəricat

  • 1 Həyatı
  • 2 Fəaliyyəti
    • 2.1 Diplomatik fəaliyyəti
  • 3 Təltifləri
  • 4 İstinadlar

Həyatı

redaktə

Yalçın İlqar oğlu Rəfiyev 9 fevral 1987-ci ildə Şəmkir şəhərində anadan olub. 2007-ci ildə Bakı Dövlət Universitetinin “Beynəlxalq Hüquq və Beynəlxalq Münasibətlər” fakültəsinin “Beynəlxalq Münasibətlər” ixtisası üzrə bakalavr pilləsini fərqlənmə diplomu ilə bitirib. 2010-2011-ci illərdə İtaliyanın Roma şəhərində yerləşən NATO Müdafiə Kollecində Ali Kursunda, 2014-2016-cı illərdə isə Avstriyanın Laksenburq şəhərində yerləşən Beynəlxalq Antikorrupsiya Akademiyasının “Korrupsiyaya qarşı mübarizə üzrə mütəxəssis” proqramı üzrə magistr proqramında təhsil alıb.

Ailəlidir, iki övladı var.[2]

Fəaliyyəti

redaktə

Diplomatik fəaliyyəti

redaktə

Peşəkar fəaliyyətə 21 sentyabr 2007-ci il tarixində Xarici İşlər Nazirliyinin (XİN) Təhlükəsizlik Problemləri İdarəsində referent vəzifəsində başlayıb.

  • 2009 – 2011-ci illərdə XİN-in Təhlükəsizlik Problemləri İdarəsinin attaşesi;
  • 2011 – 2013-cü illərdə Azərbaycan Respublikasının Avstriya Respublikasındakı Səfirliyinin üçüncü katibi;
  • 2013– 2015-ci illərdə Azərbaycan Respublikasının Avstriya Respublikasındakı Səfirliyinin ikinci katibi;
  • 2016 – 2017-ci illərdə AR Xarici İşlər Nazirliyinin Beynəlxalq Təhlükəsizlik İdarəsinin birinci katibi;
  • 2017 – 2018-ci illərdə Azərbaycan Respublikasının Cenevrədəki BMT bölməsi və digər beynəlxalq təşkilatlar yanında Daimi Nümayəndəliyinin birinci katibi;
  • 2018-ci ilin avqust ayından 2019-cu ilin sentyabr ayınadək AR Xarici İşlər Nazirliyinin Beynəlxalq Təhlükəsizlik İdarəsinin rəis müavini;
  • 2019-cu il sentyabr ayından 2023-cü ilin sentyabr ayınadək AR Xarici İşlər Nazirliyinin Beynəlxalq Təhlükəsizlik İdarəsinin rəisi vəzifəsində çalışıb.
  • Azərbaycan Respublikası Prezidentinin 8 sentyabr 2023-cü il tarixli sərəncamı ilə xarici işlər nazirinin müavini təyin olunub.
  • Azərbaycan Respublikası Prezidentinin 8 iyul 2021-ci il tarixli sərəncamı ilə “ikinci dərəcəli fövqəladə və səlahiyyətli elçi” rütbəsi verilib.[3]

Təltifləri

redaktə

9 iyul 2019-cu il tarixində Diplomatik xidmət orqanlarındakı fəaliyyətinə görə Azərbaycan Respublikasının Prezidenti tərəfindən "Diplomatik xidmətdə fərqlənməyə görə" medalı təltif olunub.[4]

İstinadlar

redaktə
  1. ↑ "Yalçın Rəfiyev: COP29-un hazırlıq prosesinə Britaniyada böyük maraq var". 2024-06-28 tarixində arxivləşdirilib. İstifadə tarixi: 2024-06-28.
  2. ↑ "Yalçın Rəfiyev". 2024-05-20 tarixində arxivləşdirilib. İstifadə tarixi: 2024-06-28.
  3. ↑ Azərbaycan Respublikasının diplomatik xidmət orqanları əməkdaşlarına diplomatik rütbələrin verilməsi haqqında Azərbaycan Respublikası Prezidentinin Sərəncamı
  4. ↑ "Azərbaycan Respublikasının diplomatik xidmət orqanları əməkdaşlarının təltif edilməsi haqqında Azərbaycan Respublikası Prezidentinin Sərəncamı". 2023-08-14 tarixində arxivləşdirilib. İstifadə tarixi: 2024-06-28.
Mənbə — "https://az.wikipedia.org/wiki/?q=Yalçın_Rəfiyev&oldid=8038102"
LOVE.AZ