Cimnaz Aslanova - Wikipedia - Love.az

Çimnaz Aslanova (tam adı: Çimnaz Əbdüləli qızı Aslanova; 1904 – 10 mart 1970) — Azərbaycan dövlət və ictimai xadimi,^[1] Azərbaycan SSR Ali Sovetinin I–IV çağırış deputatı.^[2]

Çimnaz Aslanova
Çimnaz Əbdüləli qızı Aslanova

SSRİ Ali Soveti Millətlər Soveti sədrinin müavini
1946 – 1958
Şəxsi məlumatlar
Doğum tarixi	1904
Doğum yeri	Mərdəkan, Bakı qəzası, Bakı quberniyası, Rusiya imperiyası
Vəfat tarixi	10 mart 1970
Vəfat yeri	Bakı, Azərbaycan SSR, SSRİ
Dəfn yeri	II Fəxri Xiyaban
Milliyyəti	azərbaycanlı
Partiya	Kommunist partiyası
Fəaliyyəti	siyasətçi

Təltifləri
Vikianbarda əlaqəli mediafayllar

Həyatı

Çimnaz Aslanova 1904-cü ildə Bakının Mərdəkan kəndində anadan olmuşdur. 1932-ci ildə Azərbaycan Dövlət Pedaqoji İnstitutunu, 1948-ci ildə isə Moskvada Ali Partiya Məktəbini bitirmişdir. On altı yaşından Azərbaycanda savadsızlığın ləğvi uğrunda mübarizəyə qoşulmuşdur.^[1]

1938–39-cu illər — Bakı xalq maarifi şöbəsinin müdiri
1939–43-cü illər — Azərbaycan SSR İbtidai və Orta Məktəb İşçiləri Həmkarlar İttifaqı Mərkəzi Komitəsinin sədri
1943–48-ci illər — AK(b)P MK-da məktəblər şöbəsinin müdiri
1951–52-ci illər — Azərbaycan SSR maarif nazirinin müavini
1952–56-cı illər — AK(b)P MK-da qadınlar arasında iş aparan şöbənin müdiri
1956–58-ci illər — Partiya orqanları şöbəsi müdirinin müavini
1958-ci ildə — Azərbaycan SSR Ali Soveti Rəyasət Heyəti mükafat şöbəsinin müdiri
1946–58-ci illər — SSRİ Ali Soveti Millətlər Soveti sədrinin müavini, SSRİ Ali Sovetinin (1–4-cü çağırış) deputatı olmuşdur.^[1]

↑ ¹ ² ³ Azərbaycan Milli Ensiklopediyası (25 cilddə). 2-ci cild: Argentina – Babilik (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2010. səh. 128. ISBN 978-9952-441-05-5.
↑ "Arxivlənmiş surət". 2022-08-09 tarixində arxivləşdirilib. İstifadə tarixi: 2017-09-21.