Oncegorme Film 1993 - Wikipedia - Love.az

Hadisələr 1990-cı illərin əvvəlində Moskvada cərəyan edir. Qaraçı qadın orta yaşlı yazıçının taleyi ilə bağlı öz öncəgörmələrini deyir: onu gözlənilməz görüş, böyük sevgi və tələsik ölüm gözləyir. Öncəgörmə həyata keçməyə başlayır: qəhrəman öz gəncliyi ilə qarşılaşır və əsl məhəbbətini tapır. Həyatının sonuncu günlərini yaşayaraq öz keçmişini canlandırır və yenidən mövcud olmağının itirilmiş mənasını əldə edir.

• Film Eldar Ryazanovun eyniadlı povesti əsasında ekranlaşdırılmışdır. bu povest ilk dəfə 1992-ci ildə "Gənclik" jurnalının birinci və ikinci nömrəsində dərc edilmişdi.^[1]
• Əsas qəhrəman Oleq Vladimiroviç Qoryunov rejissorun özünün prototipidir.^[2]
• Filmin premyerası məşhur "Kino Evi"ndə keçmişdir.^[2]
• Filmin çəkilişləri 1992-ci ilin sonunda başlamışdı.^[3]
• 1990-cı illərin əvvəlində "Ryazanov böhranı" hökm sürürdü. "Həsrəti çəkilən səmalar" filminin çəkilişi sayəsində rejissor böyük həcmdə əsəb və gücünü sərf etmişdi. Daha sonra ikinci həyat yoldaşı Ninanın ölümü Ryazanova ən ağır zərbə oldu. Lakin birdən Ryazanovun ağlına gəlir ki, qəmgin notlarla zəngin "Öncəgörmə"ni ekrana gətirmək və əsas rola "Veronikanın iki həyatı" filmində gördüyü^[3] fransız aktrisası İren Jakobu çəkmək olar. İren xahiş edir ki, Ryazanovun əvvəlki işlərini ona göstərsinlər. Bir neçə filmə baxdıqdan sonra aktrisa çəkilişə razılıq verir. Sonralar o, etiraf edirdi ki, həmin vaxt ciddi mənəvi sarsıntı yaşayırmış və rus kinorejissorunun filmi ona yenidən qüvvə bəxş edərək həyata qaytarıb. "Öncəgörmə" filminə görə, İren Jakob "Nika" mükafatına namizəd olmuşdu.
• Fransız əsilli^[4] İsveç kinoaktrisası İren Jakob çəkiliş qrupundan Rusiyaya lazım olandan bir qədər tez gəlməsini xahiş etmişdi. O, öz qəhrəmanını yaratmaq üçün tanımadığı ölkəyə bələd olmaq və ənənəvi rus ailəsində yaşamaq istəyirdi.^[3]
• Ekran əsərləri ilə böyük tamaşaçı məhəbbəti qazanmış Ryazanovun bir sıra filmləri çəkildikdən sonra nümayiş olunmamışdı. "Öncəgörmə" filmi onlardan biri idi. Quruluşçu rejissor bununla bağlı məsələyə öz çıxışında belə münasibət bildirmişdi:^[2]

Əsərin müəllifi: Eldar Ryazanov

Ssenari müəllifi: Eldar Ryazanov

Quruluşçu rejissor: Eldar Ryazanov

Quruluşçu operator: Valeri Şuvalov

Quruluşçu rəssam: Aleksey Aksenov

Bəstəkar: Andrey Petrov

Səs operatorları: Semyon Litvinov, Vladimir Qorlov

Prodüserlər: Viktor Qluxov, Jan-Lui Livi, Aleksandr Mnuşkin

Baş redaktor: Valeri Frid

Montaj edən: Valeriya Belova

Geyim rəssamları: İrina Ginno, Alla Oleneva

Qrim rəssamları: Vsevolod Jelmanov, Anyes Tassel

İkinci rejissorlar: Nikolay Skuybin, Larisa Uryupina

İkinci operator: N.Şestinsev

Rejissor assistentləri: İ.Tretyakova, Y.Ojeqova, V.Malova,

Operator assistenti: S.Fokin

Rəssam assistenti: A.Petrov

Montaj üzrə assistentlər: M.Afanasova, İ.Vasyutkova, N.Qavrilyuk

Redaktor: Nina Skuybina

Musiqi redaktoru: Arseni Lapisov

Dirijor: Sergey Skripka

Şeirlərindən istifadə edilən şair: Eldar Ryazanov

Mahnı ifa edən: Aleksandr Malinin

Anna Kamenkova – Lüdmila Aleksandrovna Yeqorova (İren Jakob) (titrlərdə yoxdur)

Ən yaxşı qadın roluna görə – İren Jakob

• Aлександр Шпагин, Мирослава Сегида, Сергей Землянухин: Фильмы России. Игровое кино. Тв. Видео 1992-2003. Москва: Дубль-Д, 2004. ISBN 5-900902-05-08.

• "Öncəgörmə" — Internet Movie Database saytında

• Предсказание. Megogo.net
• Эльдар Рязанов на ПРЕДСКАЗАНИИ