 |
 |
Love.az |  |
 |
Özgəcan Aslan cinayəti (türk. Özgecan Aslan cinayeti; 22 oktyabr 1995[1] - 11 fevral 2015) - Türkiyənin Mərsin vilayətinin Tarsus şəhərində tələbə Özgəcan Aslanın Suphi Altıntökən tərəfindən qətlə yetirilməsi hadisəsi. Cinayət bütün Türkiyədə böyük reaksiyalara və etirazlara səbəb olmuşdur.
| Özgəcan Aslan | |
|---|---|
| türk. Özgecan Aslan | |
 İstanbulun İstiqlal meydanında Özgəcan Aslanın qətli ilə əlaqədar etiraz mitinqi. | |
| Doğum tarixi | |
| Doğum yeri | |
| Vəfat tarixi | |
| Vəfat yeri | Tarsus, Mersin |
| Vəfat səbəbi | qətlə yetirilib |
| Atası | Mehmet Aslan |
| Anası | Songül Aslan |
| Milliyyəti | türk |
| Fəaliyyəti | tələbə |
 Vikianbarda əlaqəli mediafayllar | |
Çağ Universitetinin tələbəsi olan Özgəcan Aslanın evə getmək üçün mindiyi kiçik avtobusda qaçırılması və daha sonra kimsəsiz yerə aparılaraq təcavüz edilməsi, izin itirilməsi üçün isə cəsədinin yandırılması Türkiyənin başlıca sosial problemlərindən biri olan ailə daxili zorakılıq və qadın şiddəti məsələlərini yenidən gündəmə gətirmiş və sosial aktivistlər dövlətin bu sahədə daha radikal qərarlar qəbul etməsini tələb etmişdir.
Çağ Universitetinin Ədəbiyyat fakültəsinin psixologiya bölümündə I kursda təhsil alan Özgəcan Aslan 11 fevral tarixində universitetdən çıxaraq rəfiqəsi ilə birlikdə Tarsusda yerləşən alış-veriş mərkəzinə yollanır. Alış-veriş mərkəzində rəfiqəsindən ayrılaraq və yaşadığı Mərsin vilayətinə doğru getmək üçün şəhər arası işləyən kiçik həcmli avtobusların olduğu dayancağa gəlir. Burada evinə doğru getmək üçün avtobusların birinə minmiş və daha sonra ondan xəbər alınmamışdır. Axşam qızlarının evə gəlməməsindən narahat olan ailə elə həmin gündə də polisə müraciət etmişdir.[2]
Bu tarixdən etibarən yerli polis və jandarm birlikləri tərəfindən axtarış işləri başladılmışdır. Hadisənin səhərisi günü qızın itkin düşdüyü ərazinin yaxınlığında bir avtobus sürücünün özünü şübhəli aparması diqqəti cəlb etmiş və avtobusda aparılan araşdırmalar zamanı qan izinə rastlanılmışdır. Avtobusda tapılan qadın papağının Özgəcan Aslana aid olduğu zərərçəkmişin atası tərəfindən müəyyən edildikdən sonra şübhəlilər istintaqa cəlb olunmuş və qısa müddət sonra onlar öz cinayətlərini etiraf etmişdilər.
Cinayətkar avtobusda Özgəcanın yeganə qız olduğunu görərək əsas yoldan çıxdığını, onu kimsəsiz bir əraziyə gətirərək təcavüz etdiyini və daha sonra izi itirmək üçün cəsədi yandıraraq yaxınlıqda keçən çaya atasının yardımı ilə atdığını etiraf etmişdir. Hadisə Suphi Altındökən adlı avtobus sürücüsü tərəfindən törədilsədə o hadisədən dərhal sonra atasının yanına gəlmiş və ondan kömək istəmişdir.[3] Cinayəti gizlədilməsində iştirak edən Suphi Altındökənin atası və digər bir yaxın qohumlarda polis tərəfindən həbs edilmişdir.
Hökumətin reaksiyası bir çox türklərin tərəfindən "çox kiçik və çox gec" olduğuna görə təndiq edilmişdir.[5] Türkiyənin Baş Naziri Əhməd Davudoğlu qətli qınamış və qadınlara qarşı zorakılığa qarşı kompaniyanın başlaması elan etdi. Bundan əlavə o elan etdi ki, Antaliyada gənclik mərkəzi Özgəcanın adını daşıyacaq.[6] Türkiyənin Nazirlər Kabineti Özgəcanın qətli müzakirə etdi, lakin bəzilərdən gələn bu cür cinayətlər üçün ölüm cəzasını geri qaytarmaq təkliflərini qəbul etmədi.[7] Prezident Rəcəb Tayyib Ərdoğan da Özgəcanın ailəsinə başsağlığı verib. Sonra o, bəzi etirazçılar aksiyalar ərzində dans edərək dini normaların komfortuna qarşı mədəni incilik etdiyini iddia etdi və etirazları pislədi.[8]
Özgəcanın ailəsini ziyarət edən Türkiyənin Ailə və Sosial İşlər Naziri, Ayşenur İslam bundan əlavə mətbuat açıqlaması verərək etirazçılarla görüşmüşdü.[9] O, parlamentdə bu qətl barədə çıxış vedəndə, Türkiyənin baş müxalifət patiyası olan, Cümhuriyyət Xalq Partiyasın üzvləri oranı tərk etdilər.[10] Türkiyənin birinci xanımı, Emine Ərdoğan öz çıxışında bu qətli ilə əlaqədər dedi ki, Özgəcanın "yaşadığı heç içimizdən çıxmayır" və "biz [qadınlar] uşağlarımız üçün bir məktəbik".[11] Türkiyə Baş Nazirin həyat yoldaşı, Sare Davutoğlu Özgəcanın ailəsini ziyarət etdi.[12]
Şimali Kipr Türk Respublikasın Prezidentı, Dərviş Əroğlu başsağlığı vermək üçün Özgəcanın aliləsinə zəng edib.[13]
 |
 |
LOVE.AZ |  |
 |
|