 |
 |
Love.az |  |
 |
İda Kokiçi (井田侾吉?, 1846, Hakodate, Hokkaydo prefekturası – 1911) – Yaponiya fotoqrafı. Hokkaydoda fotoqrafiyanın qabaqcıllarından biri olmuşdur.
| İda Kokiçi | |
|---|---|
| Doğum tarixi | 1846 |
| Doğum yeri | |
| Vəfat tarixi | 1911 |
| Fəaliyyəti | fotoqraf |
İda Kokiçi 1846-cı ildə Hakodate şəhərində doğulmuşdur. Tamoto Kenzonun şagirdi və köməkçisi olmuş, ondan fotoqrafiyanı öyrənmişdir.
1871-ci ilin avqustunda Tamoto ilə birlikdə Sapporo, Otaru və İşikari şəhərlərində bina və yol tikintisi işlərinin, eləcə də, torpaqların meliorasiyası işlərinin fotolarını çəkmişdir.[1] Onlar bu yerlərin fotolarını çəkən ilk şəxslər olmuşdurlar.[2] Bir ay boyunca çəkdikləri 158 fotonu 1872-ci ildə Tokioya göndərmişdirlər.[3]
1878-ci ilin avqustunda Kuril adalarına göndərilmiş Hokkaydo Koloniyalaşdırma Komissiyası gəmisini müşayiət etmiş və Şimali Kuril adalarının fotolarını çəkən ilk şəxs olmuşdur.[1][4] 1884-cü ildə Hakodatedə öz studiyasını açmışdır. 1897-ci ildə Saxalin adasının Korsakov qəsəbəsində fotostudiya açmış və Saxalində fotostudiya açan ilk şəxs olmuşdur.[2] Rus-yapon müharibəsinin başladığı 1904-cü ilə qədər Saxalində yaşamışdır. 1911-ci ildə ölmüşdür.[4]
 |
 |
LOVE.AZ |  |
 |
|