Azərbaycan Respublikası İqtisadiyyat Nazirliyi — Azərbaycan Respublikasının iqtisadi siyasətinin formalaşdırılması, makroiqtisadi proqnozların hazırlanması, iqtisadi inkişaf və artımın təmin edilməsi üçün əlverişli şərait yaradılması, investisiya fəaliyyətinin təşviqi, sahibkarlığın və sənayenin inkişafı, lisenziya və icazə sisteminin tənzimlənməsi, rəqabətin qorunması, inkişafı və təşviqi, istehlakçıların hüquqlarının qorunması, dövlət satınalmalarının həyata keçirilməsi, dövlət büdcəsinə vergilərin, Nazirliyin səlahiyyətlərinə aid edilmiş digər icbari ödənişlərin vaxtında və tam yığılması, dövlət əmlakının idarə edilməsi, özəlləşdirilməsi, torpaqların dövlət idarəetməsinin təşkili, daşınmaz əmlakın dövlət kadastrının və reyestrinin aparılması sahələrində dövlət siyasətini və tənzimləməsini həyata keçirən mərkəzi icra hakimiyyəti orqanıdır.
İqtisadiyyat Nazirliyi | |
---|---|
| |
![]() | |
Ümumi məlumatlar | |
Ölkə |
![]() |
Yurisdiksiya | Azərbaycan Respublikası |
Yaradılma tarixi | 28 aprel 1993 |
Əvvəlki qurum |
İqtisadiyyat və Sənaye Nazirliyi (2013–2016); İqtisadi İnkişaf Nazirliyi (2001–2013); İqtisadiyyat Nazirliyi (1993–2001) |
Tabelik | Azərbaycan Prezidenti |
Baş qərargah | Bakı |
Ünvan | Nizami rayonu, Keşlə qəsəbəsi, Heydər Əliyev prospekti 155 |
Rəhbərlik | |
Nazir | Mikayıl Cabbarov |
Nazirin birinci müavini | Elnur Əliyev |
Nazir müavinləri |
Sahib Ələkbərov Rövnəq Abdullayev Səməd Bəşirli Anar Axundov |
Aparat rəhbəri | Ayaz Əliyev |
|
|
Rəsmi saytı | economy.gov.az |
1918–1920-ci illərdə Azərbaycan Xalq Cümhuriyyəti hökumətində müstəqil Azərbaycanın ilk Ticarət və Sənaye Nazirliyi fəaliyyət göstərmişdir.
1920–1991-ci illərdə SSRİ-nin tərkibində olan Azərbaycan Sovet Sosialist Respublikasında iqtisadi məsələlər Ticarət, Sənaye və Ərzaq Komissarlığı, Ticarət Nazirliyi, Azərbaycan SSR Dövlət Plan Komitəsi kimi bir sıra qurumlar tərəfindən tənzimlənmişdir.
28 aprel 1993-cü ildə Azərbaycan Respublikası Milli Məclisinin Qərarı ilə Azərbaycan Respublikasının Dövlət İqtisadiyyat və Planlaşdırma Komitəsinin əsasında Azərbaycan Respublikasının İqtisadiyyat Nazirliyi yaradılmışdır.[1]
30 aprel 2001-ci il tarixli Azərbaycan Respublikası Prezidentinin Fərmanı ilə Dövlət Əmlakı Nazirliyi, İqtisadiyyat Nazirliyi, Ticarət Nazirliyi, Dövlət Antiinhisar Siyasəti və Sahibkarlığa Kömək Komitəsi və Xarici İnvestisiyalar Agentliyi ləğv edilmiş, onların bazasında İqtisadi İnkişaf Nazirliyi yaradılmışdır[2].
22 oktyabr 2013-cü il tarixli Azərbaycan Respublikası Prezidentinin Sərəncamı ilə Azərbaycan Respublikasının İqtisadi İnkişaf Nazirliyinin əsasında Azərbaycan Respublikasının İqtisadiyyat və Sənaye Nazirliyi yaradılmışdır.[3]
15 yanvar 2016-cı il tarixli Azərbaycan Respublikası Prezidentinin Sərəncamı ilə Azərbaycan Respublikasının İqtisadiyyat və Sənaye Nazirliyi Azərbaycan Respublikasının İqtisadiyyat Nazirliyi adlandırılmışdır.[4]
23 oktyabr 2019-cu ildə Azərbaycan Respublikasının İqtisadiyyat Nazirliyinin yeni strukturu təsdiq edilmişdir.[5]
30 dekabr 2019-cu ildə Azərbaycan Respublikası Prezidentinin Fərmanı ilə Azərbaycan Respublikasının İqtisadiyyat Nazirliyi haqqında əsasnamə təsdiq edilmişdir.[6]
Nazirlik Azərbaycan Respublikası İqtisadiyyat Nazirliyi haqqında qəbul edilmiş Əsasnamə ilə müəyyən edilmiş istiqamətlərdə fəaliyyəti həyata keçirir:[6]
İqtisadiyyat Nazirliyinin strukturuna daxil olan tabeliyindəki qurumların siyahısı[5]
İqtisadiyyat Nazirliyinin strukturuna daxil olmayan tabeliyindəki qurumların siyahısı[7][8]