Istifadeci Muzakiresi Nr Shener - Wikipedia - Love.az

Hello.

Can you create Azərbaycan 2020 Yay Paralimpiya Oyunlarında in Azerbaijani Wikipedia?

Yours sincerely, Multituberculata (müzakirə) 05:52, 10 fevral 2022 (UTC)Cavabla

Sorry, I overlooked. The article that I requested and you improved, exists. Multituberculata (müzakirə) 05:55, 10 fevral 2022 (UTC)Cavabla

Dear Multituberculata (müzakirə)

Sorry for my late reply, just noticed your email. Of course, I'm ready to help and create articles in Azerbaijani and Russian on any topic. True, in English and Turkish I'll not risk it, but I can remake or improve the articles already written. I'll be glad to help you. Contact us at any time.

Best Reqards, NR SHENER (müzakirə) 22:30, 17 avqust 2022 (UTC)Cavabla

Hörmətli, @NR SHENER. Məqalədə hər hansı söz birləşməsini kursiv ilə (başqa sözlə "italic") vurğulamaq istədikdə hər dəfə sözlərin arasında kursiv işarəsini əlavə etməyinizə ehtiyac yoxdur; vurğulamaq istədiyiniz cümlənin və ya söz birləşməsinin ilk sözündən əvvəl və son sözündən sonra müvafiq işarəni əlavə etməyiniz kifayət edir. Hörmətlə, Firuza (müzakirə) 17:18, 20 iyun 2024 (UTC)Cavabla

Hörmətli Firuza (müzakirə) bunu bilirəm və elə də edirdim, amma bu gün nəsə alınmadı. Yəqin smartfonda redaktə etdiyim üçün idi, ona görə də məcbur hər sözü ayrica qeyd etməli oldum. Ancaq yenə də təşəkkür edirəm.

Hörmətlə, NR SHENER (müzakirə) 22:17, 20 iyun 2024 (UTC)Cavabla

Indi baxıram siz mənim məqalədə yazdıqlarımı heç bir səbəb olmadan əməlli ixtisar etmisiniz. Şəkilləri, paraqrafları, hiperlinkləri və s. silmisiniz. Siz bunu öz istəyinizə görə edə bilməzsiniz. Preambulada nağılın, onun qəhrəmanının adının ingilis dilli versiyada necə yazıldığnı göstərmişəm. Bunu hansı səbəbə görə silmisiniz? Paraqlafları və hiperlikləri gələcəkdə mən özüm və ya başqa bisi yazıb məqaləni zənginləşdirə bilər deyə yazmışdım. Şəkilləri isə gələcəkdə yazdığım müfafiq paraqraflara yerləşdirəcəkdim. Siz məs. saxladığınız şəkili lazım olan paraqrafda yerləşdirməmisiniz ("...başqa xalqların nağıllarında" paraqrfında). Ona görə də məqaləni əvvəlki variantına qaytarıram. Sizin başqa yerdə qalan qrammatik, orfoqrafik düzəlişləri saxlamaq şərtilə əlbətdə ki. Ozünüz baxarsınız qrammatik, orfoqrafik səhv taparsınızsa yenə düzəliş edə bilərsiniz. NR SHENER (müzakirə) 22:59, 20 iyun 2024 (UTC)Cavabla

"Əməlli ixtisar" dediyiniz əslində məqaləni sadəcə stil kitabçasının tələblərinə uyğunlaşdırmaqdan ibarətdir. Məsələn, kursivdən istifadə kimi. Sildiyim fayllar məqalənin həcmi ilə vizual uyğunluq təşkil etməməklə yanaşı, istifadə qaydası da düzgün deyildi (keçid mötərizələrindən istifadəni nəzərdə tuturam). Bundan fərqli olaraq, hazırda əlavə etdiyiniz fayllar qeyd etdiyim tələblərə uyğun görünür. Həmçinin, məqalədə çox sayda başlıq qeyd edilsə də, məzmun olmadığına görə silməli oldum. Bundan əlavə, daxili keçid verilmiş qırmızı rəngdəki mövzuların intervikisini digər dillərdə tapa bilmədim. Əgər siz həmin mövzuların ensiklopedik olduğunu düşünürsünüzsə, əvvəlcə məqaləsini hazırlayıb daha sonra keçid verməyiniz məsləhətlidir. Əks halda məqalə qırmızı rəngdə keçidlərlə dolu olur, bu isə vizual olaraq arzuolunan şəkildə görünmür. Eləcə də şəxslərin adını transliterasiya etməklə yanaşı orijinal yazılışını da qeyd etmək doğru deyil; ən yaxşı halda {{link-interwiki|az=Henrix Marks|az_mətn= Henrix Marks|başqa_dil=en|başqa_dildə_başlıq=Heinrich Marx}} kimi qeyd edə bilərsiz. Ümumən isə məqalənin üzərində bir müddət işləməyi düşünürsünüzsə, ya çalışın ki, bölmə-bölmə yazıb tamamlayasınız ki, fikir natamam vəziyyətdə qalmasın və məqalə də yarımçıq təsiri bağışlamasın. Ya da iş gedir şablonu qoya bilərsiniz, beləliklə o şablon qaldığı müddətcə heç kəs zərurət olmadıqca məqaləyə müdaxilə etməz. Ümid edirəm ki, vəziyyəti izah edə bildim. Uğurlar sizə! Hörmətlə, Firuza (müzakirə) 17:15, 21 iyun 2024 (UTC)Cavabla

Mən sizinlə qismən razı olsam da ümumən razı deyiləm. Siz öz istəyinizlə, "mənə elə göründü, mən belə fikirləşirəm, vizual görüntüsü mənə yaxşı görünmədi" kimi subyektiv səbəblərə görə yazıları silə bilməzsiniz və silməməlisiniz. Uzağı sözləri saxlamaqla hiperlinkləri silə bilərsiniz. Hiperlinkləri ona görə qoymuşdum ki, kimsə bilsə ya istəsə məqalə yazsın. Ancaq siz hesab edirsinizsə ki, buna ehtiyac yoxdur onda sözü saxlamaqla hiperlinki ləğv edin. O ki, qaldı mötərizədə ingilis dilində orijinal adı yazmaq bu adı, normal bir şeydir. Burada butun dillərdə belə edirlər. Ona görə də mən sizin sildiyiniz (işarə, qrammatik düzəlişlər, hiperlinkləri və s. başqa) məlumatları, şəkilləri, sözləri geri qaytaracağam

Hörmətlə, NR SHENER (müzakirə) 20:43, 20 iyul 2024 (UTC)Cavabla

Gözlənilməz olsa da çox sağ olun, təşəkkür NR SHENER (müzakirə) 16:32, 21 iyul 2024 (UTC)Cavabla

Salam @NR SHENER məqalə yaradarkən istinad əlavə etməyi unutmayın. Bir cox məqalənizə nəzər yetirdim istinadlar başlığı var ancaq istinad əalavəsi yoxdur. Zəhmət olmasa lazimi əlavələr apararsınız -- QRAF☠   (✉ → ♕) 17:30, 1 noyabr 2024 (UTC)Cavabla

Salam, hörmətli @Qraf, yaratdığım məqalələrə diqqət yetirdiyini üçün təşəkkür edirəm. Sözün düzü çoxdandır gözləyirdim ki, kimsə baxıb düzəlişlər versin və ya edə bilmədiklərimdə mənə yardımçı olsun. Bir çox məqalələrdə və konkret bu məqalədə fikir verdiyiniz kimi bəzi cədvəllər, şəkilaltı izahlar, istinadlar, ədəbiyyatlar ya aktiv deyil ya da ümumiyyətlə görsənmir. İş orasındadır ki, mən axır vaxtlar ancaq məqalə tərcümə edirəm. Fikir vermişəm azVikidə bir çox məhşur insanlar, hadisələr, faktlar haqqında məqalələr yoxdur və başqa dildə oxuduğum məqaləni Azərbaycan dilinə tərcümə edirəm. Çox vaxt ingilis və rus dillərindən, bəzən orijinal dildən (türk, italyan, ispan, alman, portuqal və s). Bax elə buna görə də tərcümə zamanı görünən istinadlar yayımlananda itir. Və ya çox vaxt şəkil, emblem izahları, insanlar və ya şirkətlər, qruplar haqqındakı məlumat cədvəllərinin sablonları az.dilinə tərcümə üçün nuygun olmadığına görə vermək mümkün olmur. Bu sahədə mənə kömək edə bilsəniz sizə çox minnətdar olaram. İstəsəniz özünüz redaktə edin, istəyirsinizsə mənə yolunu göstərin ki, gələcəkdə mən özüm edə bilim.

Hörmətlə, NR SHENER (müzakirə) 22:11, 9 noyabr 2024 (UTC)Cavabla

Salam. Yazacaqlarım birbaşa sizin fəaliyyətinizlə əlaqəlidir deyə müzakirə səhifənizə yazıram. Əvvəla həmin şərhinizdə nəzakət qaydalarını kobud şəkildə pozmusunuz, şəxsi hücumlar etmisiniz, əslində, buna görə sizə blok düşür, amma konstruktiv fəaliyyətinizə davam etməyinizi diləyirəm. Qayda deyirsinizsə, sizə dəfələrlə bildirilib, nəzərə almalısınız ki, bura könüllü layihədir (bax: Vikipediya nə deyil və digər qaydalarla tanış olun), müzakirə səhifələrinə yazdığınız yazılarda (nəyəsə əks qarşı əks fikir bildirərkən də) nəzakətli olmalısınız və ora heç kim cavab yazmağa da məcbur deyil, imkanı, marağı olan yazır. Lütfən, bundan sonra xoşniyyətli olun və istifadəçilərə qarşı aqressiyaya yol verməyin. Bu tərz danışıqlar Vikipediyanın redaktə mühitini korlayır. Təəssüf ki, sizin şərhləriniz bəzən töhfə vermə kontekstindən kənara çıxır, müzakirələr sakit və nəzakətli şəkildə məqalənin məzmunun təkmilləşdirilməsi yönündə olmalıdır, digər məqsədlər üçün yox. Vikipediya davamlı etiraz və şikayət yeri deyil, könüllü layihədir. Ümid edirəm ki, nəzərə alacaqsınız, belə hallarla təkrar rastlaşmamaq diləyi ilə. Hörmətlə, Qədir (müzakirə) 19:44, 19 yanvar 2025 (UTC)Cavabla

Salam. Əvvəla bilmək istərdim səhifədəki yazıları, qaramaları nə səbəb görə silmisiniz. Bunları mən gələcəkdə istifadə etmək üçün saxlamışam. Həmin səhifədə bir iki dəfə cəhd etdim alınmayıb deyə əvvəlcə öz səhifəmdə yaratmaq istədim. Baxdım geri qaytarmaq imkanı də yoxdur.

İkincisi, sizin iradlara qismən razı olsam da ümumən razılaşmıram. Qəbul edirəm ki, bəzən doğurdan da elə ilk dəfədən bir az emosianal yazmışam. Bunu sonradan görsəm də artıq gec olub. Bunu qəbul edirəm. Ancaq heç vaxt aşağılayıcı, istehza, qıcıqlandıran, kobud, təhqir və s. tərzdə və sözlər yazmamışam. Əksinə özümə qarşı belə cavablar almışam. Əgər həmin yazışmalara fikir versəniz qarşı tərəf özü nəzakətli, sakit bir şəkildə cavab vermək əvəzinə məni daha da qıcıqlandırıb. Və belə cavabları, yazışma tərzini və münasibəti qəbul etmirəm.

Mən burda ümumi şəkildə nəsə yazanda, sual verəndə, irad bildirəndə, təklif edəndə sizin cavab yazmağınız məcbur deyilsiz ki. Mənim ən böyük irad şəklindəki müraciətim Azərbaycan dövlətinə, xalqına, dövlətçiliyinə qarşı qərəzli, separatçı mövqedən yazılan və həqiqətdən uzaq yazıların, məqalələrin silinməsi, redaktə olunmamasıdır. Və burada "bura Vikipediyadır, neytral mövqe göstərilən yerdir" fikirləri səbəb ola bilməz, çünki bəzi hallarda açıq-aşkar həqiqətdən uzaq, yalan fikirlər yazılır. Mənim kimi adi, təcrübəsiz istifadəçilər belə məqalələri, cümlələri, fikirləri görməyə bilər. Ancaq nəsə bir mexanizm olmalıdır ki, yazılan bütün məqalələr, cümlələr, edilən bütün redaktələr dərhal üzə çıxsın, görünsün.

Və nəhayət mənim cavabını bilmək istədiyim bir sual var. AzVikidə iki konflikt tərəfin mübahisəsinə (məs. "düzəlişlər müharibəsi", konsensusa gələ bilməmək və s) baxan, həll edən vasitəçi və ya qurum varmı? Baxdım nəsə görmədim. Belə olan hallarda kimə, hara müraciət etmək lazımdır. Hardasa yəqin ki, belə bir siyahı olmalıdır.

Cavablarda qarşılıqlı nəzakətli və diqqətli olmaq arzusu ilə NR SHENER (müzakirə) 23:11, 19 yanvar 2025 (UTC)Cavabla

Anlayışınız üçün təşəkkür edirəm, ensiklopediyanı təkmilləşdirmək niyyətinizə şübhə etmirəm. İstifadəçi səhifənizin silinmə səbəbi burada qeyd olunub. Səhifənin tarixçəsindən redaktələri götürə və məzmunu istifadəçi alt səhifələrinizdə yerləşdirə, işləyə, Vikipediya ilə bağlı qeydlər tuta bilərsiniz (ətraflı bax: Vikipediya:İstifadəçi səhifəsi).

Elə bir mexanizm yoxdur, çünki aktivlik yetəri qədər deyil, ona görə də əlimizdən bir şey gəlməz, hamı vaxt, imkan ayıra bildiyi qədər. Mən də istəyərəm məzmun daha təkmil olsun, bu yöndə də bacardığım işi görürəm, amma siz də bilirsiniz ki, fiziki olaraq bunu bir qisim istifadəçinin görməsi qeyri-mümkündür, Vikipediya da açıq platforma olduğu üçün proseslər davamlı şəkildə gedir və hazırda buna nəzarət sxemimiz yoxdur. Uyğunsuz məzmuna özünüz imkan daxilində düzəliş edərək töhfə verə bilərsiniz, müzakirə səhifələrində də məzmundakı problemləri qeyd etməkdə problem yoxdur, sadəcə bir az diqqətli olmaq lazımdır. Sizə qarşı qayda pozuntusu edənlərə isə qayda pozuntusu ilə cavab vermək, məncə, əsl Vikipediya redaktorlarına yaraşmır. Ümumiyyətlə, çalışmaq lazımdır ki, elə hallara şərait yaranmasın, çünki həmin söhbətlər Vikipediyaya heç bir töhfə vermir.

Məzmun mübahisəsi və konsensus lazım olanda müzakirə səhifələrini istifadə edə bilərsiniz, həmçinin Vikipediya:İnzibatçılara müraciət səhifəsinə də müraciət edə bilərsiniz. Mübahisəli hallarda məsələ adətən üçüncü tərəfin müdaxiləsi ilə nəticələndirilə bilər.

Hörmətlə, Qədir (müzakirə) 23:47, 19 yanvar 2025 (UTC)Cavabla

Salam. Lütfən, diqqətli olun və belə hallara yol verməyin. Məqalə saatlarca belə qalıb, iş gedir şablonu da əlavə etməmisiniz (ki, onda da belə etmək, böyük bir məzmunu əsassız silmək olmaz). "Xokkey" sözünü məqalədən niyə silmisiniz? Bu dəyişiklik mübahisəlidir, çünki gah elə yazırlar, gah belə, həm həmin versiya da Azərbaycancada geniş yayılıb və sinonim/alternativ kimi girişdə verilməsi lazımdır. Məzmunla bağlı müzakirəni məqalənin müzakirə səhifəsində apara bilərsiniz. Hörmətlə, Qədir (müzakirə) 04:59, 24 fevral 2025 (UTC)Cavabla

Salam.

1. Məqalənin hamısını bir dəfəyə tərcümə edə bilmədiyimdən ola bilər ki, hə, müəyyən müddət qalıb. Başlayarkən tez və bir dəfəyə tərcümə edəcəmiyimi düşündüyündən şablon qoymamışam. Amma sonra iş uzandığından tərcüməni bitirə bilməmişəm. Ancaq yayımlanlmamış məqalə görünmür deyə bunun problem olduğunu bilmirdim. Bu dan sonra nəzərə alaram.
2. Hansı məzmunu silmişəm? Öz yazdıqlarımı nəzərdə tutursunuz?
3. Xokkey sözünü silmişəm,siz qaytardınız, indi mən yenə silsem onda nə olacaq, nə edəcəksiniz? Belə də davam edəcək? Azərbaycan dilində xokkey sözü yoxdur, konkret yixdur. Kiminsə, hansısa saytın ya tiktokerin bu sözü necə işlətməsindən aslı olmayaraq. Hətta ola bilər ki, bu cür saytların sayı minlərlə olsun. Bir çox sözləri hətta ən məşhur, sanballı insanlar səhv işlədir, danışanda yazanda rus sözlərindən istifadə edir. Bu cür misallar coxdur. Məs, Heydər Əliyevə də Azərbaycan dilində Qeydar Aliyeviç deyənlərin, yazanların sayı yüzlərlə, minlərlə olub, nə olsub? İndi burda da belə yazmalısınız? Bu nə yanaşmadır belə? Azərbaycanda demək olar ki 100% insanlar, içi siz və mən qarışıq rozetka, raspredval, pokrışka, otvyorka və s. sözlər işlədir nə olsun? Sözlərin rus variantlarını burda yazmaqda məqsədimiz nədir? Müzakirə səhifəsinə 1-2 dəfə yazmışam və əmin olmuşam ki, heç bir xeyri yoxdur. Mən başa düşürəm ki, elə sözlər var ki, onların Azərbaycan dilinə tərcüməsi hələ ki, yoxdur və ya müzakirə olunur. Amma day xokkey yox da. Bu lap ağ olar, absurd olar. Xokkey sözü Azərbaycanda küçə danışığında, leksikonunda bəli geniş yayılıb, amma küçə danışıq formasını bura kocurtməyin.

NR SHENER (müzakirə) 19:59, 25 fevral 2025 (UTC)Cavabla

İndi baxdım, başa düşmədim mənim əlavə etdiyim mətni niyə silmisiniz? Əvəzində "buzlu" hokkey yazmısınız. Niyə? Bir şey soruşum sizdən siz rus dilini bilirsiz? Yəni yaxşı bilirsiz? Niyə soruşuram, buzlu sözü rus dilində təmamilə başqa məna verir. Buzlu - yəni ледовый/ ледовое/ ледовая. Buzlu arena ola bilər, heykəl ola bilər, ancaq oyun, idman növü ola bilməz. Burda bu söz "buzlu" yox, "məhz buzüstü" olmalıdır. Buzüstü hokkey məqaləsinə baxın heç olmasa. Mən təəccüblənirəm, bir yerdə bir cür yazırsınız, bir yerdə başqa cür. Azərbaycan dilində "buzlu xokkey" sözü yoxdur, buzüstü hokkey sözü var. Necə ki, Qannover, Qamburq, Qans, Qamilton, qamburger, Qerts, Qerta, Qerakl və ya Gerakl, Qertsoq və ya Gertsoq, Qertsoqovina və ya Gertsoqovina, və b. sözlər bizim çoxumuzun dediyi kimi yazılmır! Siz fikirləsirsinizsə ki, yazılır, onda həmin məqalələrdə ki sözləri də "Q" ilə yazın, dəyişin. Ancaq özünüz də bilirsiniz ki, yazılmır. Çünki, deyiliş ayrı yazılış ayrı. Və siz burda hansısa saytı ya tiktoku nümunə gətirə bilməzsiniz, çünki onlar sanballı mənbə ola bilməz, siz onları nümunə saya bilməzsiniz. Elə mən özüm də danışanda qamburger və ya Gerakl deyirəm, ancaq yazmıram, yazmağa ixtiyarım yoxdur. 2. Mənim əlavə etdiyim mətnin hansı hissəsi ilə razı deyilsiz? Meydançaların örtüyü haqda yazmışam və düz yazmışam. Siz bunu inkar edirsiniz? Belə örtüklü meydançalar yoxdur bəyəm?

Mən hətta bir cümlə belə yazanda 5 dəfə yoxlayıram ki, görüm burda başqa dillərdə necə yazılıb, elə özümüzdə, azVikidə, başqa məqalələrdə necə yazılıb, ədəbiyyatda necə və nə yazılır, orfoqrafiya lüğətləri ilə yoxlayıram. Elə belə heç nə yazmıram. Ona görə, düzdür redaktə və məqalə sayı az olur, amma heç vaxt yoxlanılmamış səhv söz, cümlə, mətn yazmıram. Və yazdığım bütün sözlərin, redaktələri, cümlələrin, məqalələrin məsuliyyətini anlayır və arxasında dururam.

Xokkey kimi yazılış formasının səhv olduğunu axıracan sübut etməyə hazıram, bu mənim Vikipediyanı zənginləşdirməyə vaxtımı da alsa belə.

Sizdən xahiş edirəm redaktə müharibəsinə başlamayasınız. Mənim əlavə etdiyim məlumatı qaytarın. Əslində bunu özüm də edə bilərəm, amma burda redaktə müharibəsi açmamaq üçün sizdən xahiş edirəm. NR SHENER (müzakirə) 20:46, 25 fevral 2025 (UTC)Cavabla

Mən sabaha kimi gözləyəcəm, mənimlə razı deyilsinizsə vasitəçi cağırın, müzakirəyə cıxarın. NR SHENER (müzakirə) 20:49, 25 fevral 2025 (UTC)Cavabla

Məqalənin müzakirə səhifəsinə yazdım, buyurun. Hörmətlə, Qədir (müzakirə) 21:20, 25 fevral 2025 (UTC)Cavabla

Minnətdaram. Bəs fikir bildirən olmasa necə?

Birdə ki, mənim məqalədə yazdığım məlumatı qaytaracaqsıniz? Meydançaların örtükləri haqda olan. NR SHENER (müzakirə) 21:42, 25 fevral 2025 (UTC)Cavabla

Bu dəyişikliyi nəzərdə tutursunuz? Səbəbi budur. Hörmətlə, Qədir (müzakirə) 22:16, 25 fevral 2025 (UTC)Cavabla

Salam. Təəssüf ki, sizə yuxarıda da edilən xəbərdarlıqlara baxmayaraq, fəaliyyətinizdə bir müddətdir eyni problemlər davam edir. Belə uzun bir şərh yazmaq, hələ o şərhdə müzakirəyə heç bir faydası olmayan, müzakirəni qızışdırmağa yönəlik və şəxs üzərinə yazılan məzmun varsa, bu destruktiv hesab olunur və qayda pozuntusudur. Daha əvvəl də qeyd etmişdim, bu səhifələrdə mövzular müzakirə olunur, şəxslər yox. Vikipediya döyüş meydanı deyil, müzakirələr zamanı soyuqqanlı davranmalısınız.

Vikipediya könüllü layihədir! Vikipediyada heç kimin məlumat almasına qadağa qoyulmur, lakin layihənin məqsədi öz əsaslarını təmin edərək işləməsidir. Bu prinsiplərdən kənara çıxmamaq önəmlidir, ensiklopediya öz şərtlərindən kənara çıxa bilməz, insanlara düzgün məzmunu çatdırmalıdır. Beş əsas sütuna nəzər yetirin. Hamımız burada eyni məqsədlə — Vikipediyanı genişləndirmək üçün varıq!

Xahiş edirəm ki, bundan sonra yazacağınız şərhlər maksimum mövzuya fokuslu olsun, şəxslərə yox. Həmçinin şərhlərinizi mümkün qədər aydın və yığcam tutmağa çalışın, çox xırdaçılıq etmək lazım deyil. Təəssüflə bildirməliyəm ki, növbəti bu cizgidə davam edən fəaliyyətinizdə redaktə imkanlarınızı məhdudlaşdırmalı olacağam.

Fəaliyyətinizdə uğurlar! Hörmətlə, Qədir (müzakirə) 15:12, 8 aprel 2025 (UTC)Cavabla

Salam. Yenə siz məni ədalətsiz şəkildə ittiham etməkdə davam edirsiniz. Üstəlik yazdığın cavabı, şərhi də silmisiniz və mən indi heç nə sübut edə bilmirəm. Mən heç kimə birinci olaraq nə təyziq, nə aqressiya, nə pis niyyətli şərh yazmamışam. Mənə yazılan şərhlərə uyğun tərzdə cavab verirəm. Bax siz məs. həmişə razı olmasam belə çox etik və mədəni tərzdə yazırsınız deyə sizə aqressiv yox, heç emosional şəkildə cavab yazmıram, yaza bilmirəm. Yəni sizin tərzə uyğun yazıram. Ancaq siz özünüz də şahidsiniz ki, o yoldaşa ilk olaraq elə mən xəbərdarlıq və xahiş etdim ki, mövzudan kənara çıxıb məni müzakirə etməsin. Amma siz indi bunu mənə aid edirsiniz. Mən kimi müzakirə etmişəm? Ancaq cavab vermişəm. Siz öz dostunuzun və ya yaxın həmkarınızın tərəfini saxlaya bilərsiniz, amma buna görə mənim şərhimi silmək və ya mənə xəbərdarlıq göndərmək düzgün deyil. Sizin əlinizdə səlahiyyətlər, rıçaqlar var, amma hər dəfə mənə xəbərdarlıq göndərmək nə deməkdir? Yəni bu xəbərdarlıqları bura yığmaq gələcəkdə bloklamaq üçün səbəblərdir, vasitədir? Yaxşı, tutalım ki, mən sizin xəbərdarlığını qəbul etdim, indi nə deyirsiz heç kimin təhqirinə, təhdidinə, şəxsiyyətimin, iş qabiliyyətimin, savaşımın inspeksiyasına, müzakirəsinə, qiymət verilməsinə cavab verməyim ki, siz məni bloklayacaqsınız? Yəni kimin əlində səlahiyyətlər var deyə nə istədi yazsın, mənim kimilər isə bloklanmamaq xətrinə susub cavab verməsin? Düzgündür bu? Hər dəfə siz görürsünüz ki, əvvəlcə mövzudan kənar mənim şəxsiyyətim müzakirə olunur, sonra mən buna cavab verirəm.

Hə, razıyam ki, arada çox uzun yazıram, amma tam cavab vermək üçün, sübutlar gətirmək üçün. Ancaq mən özüm elə hər dəfə xahiş edirəm ki, mövzudan kənar çıxılması, şəxsiyyətə keçilməsin. İndi siz mənim sözlərimi özümə qaytarırsınız.

Mən sizə artıq bir dəfə yazmışam və görürsünüz ki, mən heç kimin işinə qarışmıram, heç nə də gözləmirəm, təmənnam da yoxdur, heç bir strukturlarda da iştirak etmək fikrim yoxdur. Mənə heç müzakirələrdə də iştirak etmək istəmirəm ki, bu vaxt aparır. Bu vaxta necə məqalə redaktə edə bilərəm. Onsuz da vaxtım yoxdur. Ancaq məcburən burdakı müzakirələri oxuyanda dəhşətə gəlirəm. Nələr varmış burda. Özünüz bilirsiz təkrar etməyim. Mən bunlarda iştirak etmək istəmirəm. Ancaq mənim kimi adi istifadəçiləri də kimsə müdafiə etməlidir axı. Mən burda ancaq 2 istifadəçidən (İnzibatçıdan) xoşniyyətli, yardımını təklif edən görmüşəm. Qalanları isə "yuxarıdan aşağı" tərzdə yazıb. NR SHENER (müzakirə) 22:55, 10 aprel 2025 (UTC)Cavabla

Məsləhət və tövsiyyələrini nəzərə alaram və bir az da diqqətli olmağa çalışaram NR SHENER (müzakirə) 22:57, 10 aprel 2025 (UTC)Cavabla

Məni sizi heç nədə ittiham etmirəm. Bu növdə fəaliyyət — mövzuya yox, şəxslərə fokuslanmaq, davamlı onlara irad tutmaq və onları müzakirə etmək bizim əsas məqsədlərimizə — burada ensiklopediya üçün yaratmaq üçün toplaşmağımıza ziddir. Bu, sizin fəaliyyətinizdə artıq davamlı olduğu üçün ardıcıl xəbərdarlıqlar verməyə məcbur olmuşam. Lap başqası bu növdə fəaliyyət sərgiləsə belə, qayda pozuntusunu bildirin, qayda pozuntusuna qayda pozuntusu ilə cavab verməyin. Hər dəfə səlahiyyət söhbətini açmağınız doğru deyil, mən mənə verilən səlahiyyətlərdən maksimum vicdanlı şəkildə istifadə etməyə çalışıram. Mənim əsassız blok tətbiq etmək haqqım yoxdur, sizin bloklanmamağınızın səbəbi mənim xoşniyyətim və alətlərdən sui-istifadə etməcəyək şəkildə istifadə etməyimdir. Həm də sizinlə mübahisə etdiyim halda qaydaları pozmuş olsanız belə, qarşı tərəf olaraq sizi bloklamağım ədalətli addım olmazdı. Bu sadəcə daha açıq qayda pozuntusu hallarında baş verə bilərdi. Lakin təəssüf ki, bu hal istifadəçilərə qarşı ardıcıl davam edərsə, blok tətbiq etməyə məcbur olacam. Tərəf saxlamağa gəlincə, heç də elə düşündüyünüz kimi deyil, o şərh mövzu ilə əlaqəli heç bir faydalı yazı ehtiva etmir, əksinə, şəxs üzərinə şərhlər ehtiva edir və mübahisəni alovlandırmağa xidmət edir deyə silmişəm. Bu da qaydalara uyğundur. Axı bu da — mübahisələri alovlandırmağın qarşısını almaq da mənim inzibatçı borcumdur. Nəzərə almaq lazımdır ki, bura sosial platforma deyil, bu tip şərhlər ensiklopediya şərtlərindən kənardır. Bütün müzakirələr sadəcə mövzu üzərinə, həmçinin Vikipediyanın inkişafı üzərinə aparılmalıdır. Bir istifadəçi kimi də bu halları xoş qarşılamıram və konstruktiv töhfə verən hər bir istifadəçiyə də xoş gəlmir. Unutmayın, burada konstruktiv töhfə verən hər bir istifadəçi mənim dostumdur, onlara əlimdən gəldiyi köməyi edirəm və mən hər kəsə eyni məsafədə davranıram. Hörmətlə, Qədir (müzakirə) 11:22, 11 aprel 2025 (UTC)Cavabla