Ehmed Qurbanov - Wikipedia - Love.az

Əhməd Qurbanov Dağıstan futbol məktəbinin yetirməsidir. O, 2001-ci ilin iyun ayında Mahaçqala şəhərində fəaliyyət göstərən RSDYUSHOR-2 idman məktəbinin yetmiş məzunundan biri kimi “Anji” klubunun ehtiyat komandasında yer aldı.^[1] Həmin ilin çempionatında əvəzedici komandada 3 oyunda meydana çıxaraq bir qırmızı vərəqə aldı. Növbəti mövsümdə isə artıq 19 oyunda forma geyindi, lakin qol sevinci yaşaya bilmədi.

Qurbanovun əsas komandadakı debütü 1 noyabr 2003-cü ildə baş tutdu. O, Rusiya Birinci Divizionunun 42-ci turunda “Spartak Nalçik”ə qarşı keçirilən oyunun 70-ci dəqiqəsində İqor Strelkovu əvəz edərək “Anji”nin heyətində meydana çıxdı.^[2]

2005-ci ildə futbolçu Kamışin şəhərini təmsil edən “Tekstilşçik” klubuna transfer olundu və bu komandanın heyətində İkinci Divizionda 4 matçda iştirak etdi.

Eyni il, 2005/06 mövsümündə Qurbanov Azərbaycana yollanaraq “Olimpik Bakı” klubunun heyətində çıxış etdi. ^[3]2006-cı ilin avqustunda o, Dağıstanın Kaspiysk şəhərinin təmsilçisi olan “Dagdizel” klubuna keçdi.^[4] Bu dövrdə Şahdağ Qusar klubu da onunla maraqlanır və müqavilə danışıqları aparırdı.^[5].

2006/07 mövsümünün fasiləsində futbolçu “MKT-Araz” (İmişli) klubuna keçdi və Azərbaycan çempionatında çıxışını davam etdirdi.^[6].

2007-ci ildə o, Rusiyada Həvəskarlar Liqasında çıxış edən “Arsenal Tula” komandasının heyətinə daxil edildi.^[7] 2008-ci ilin yayında yenidən “Dagdizel”ə qayıtdı və bir neçə mövsüm bu komandada çıxış etdi. 2012-ci ildə isə Pyatiqorsk şəhərinin “Maşuk-KMV” komandasında oynadı.

Əhməd Qurbanov 2002-ci ildə “Şahdağ” klubunun oyunçusu olduğu zaman Azərbaycan gənclər yığmasına dəvət alaraq komandası ilə birlikdə UEFA Gənclər Çempionatının ikinci təsnifat mərhələsinə vəsiqə qazandı.^[8]

2007-ci ilin fevralında “MKT-Araz” klubunun üzvü kimi Azərbaycan U-21 millisinin yeni baş məşqçisi Şakir Qəribovun rəhbərliyi altında keçirilən ilk təlim-məşq toplanışına çağırıldı.^[9][10]