Eleddin Sultanov - Wikipedia - Love.az

31 iyul 1928-ci ildə Gəncə şəhərində anadan olub. 1947-ci ildə Gəncə şəhərinin M. Ə. Sabir adına orta məktəbi bitirib, həmin ildə Azərbaycan Dövlət Universitetinin hüquq fakültəsinə daxil olub və 1952-ci ildə fərqlənmə ilə bitirib. General-mayor rütbəsini əldə edib.

Ailəli olmuşdur, 4 övladı var.

Ələddin Sultanov Azərbaycan SSR sənaye tikintisi naziri Qurban Sultanovun qardaşıdır.^[1]

1952-ci il Bərdə rayon prokurorluğunun müstəntiqi, 1956-cı il Bakı şəhəri Voroşilov (Nizami) rayonu prokurorluğun müstəntiqi, 1959-cu il Bakı şəhər prokurorluğunun baş müstəntiqi, 1963-cü il Bakı şəhəri Oktyabr (Yasamal) rayon prokurorluğunda prokuror müavini, 1966-cı il Bakı şəhəri 26 Bakı Komissarları (Səbail) rayonun prokurorunun müavini, 1967-ci il Mingəçevir şəhər prokuroru, 1970-ci il Lənkəran rayonun prokuroru, 1977-ci il Bakı şəhər Lenin (Sabunçu) rayonun prokuroru, 1979-cu il Bakı şəhər prokurorunun müavini, istintaq şöbəsinin rəisi, 1980-ci il Naxçıvan MSSR prokuroru, 1981-ci il Azərbaycan SSR prokurorunun 1-ci müavini, 1987-ci il Azərbaycan SSR Ədliyyə Nazirliyinin Hüquqşünas Kadrların Təkmilləşdirilməsi İnstitutunun prorektoru, 1990-cı il Azərbaycan Respublika Baş Prokurorunun xüsusi işlər üzrə köməkçisi, 1992-ci il Bakı Şəhər İcra Hakimiyyətinin Başçının müavini, aparatının rəhbəri olaraq çalışmışdır.

Ələddin Sultanov 14 iyul 1998-ci ildə Azərbaycan Respublikası Konstitusiya Məhkəməsi hakimi təyin olunmuşdur.^[2]

• 26 may 1972-ci ildə Azərbaycan SSR Ali Soveti Rəyasət Heyətinin fəxri fərmanı
• 7 sentyabr 1981-ci ildə SSRİ Ali Soveti Rəyasət heyətinin fərmanı ilə 3-cü dərəcəli dövlət ədliyyə müşaviri rütbəsi.
• 26 may 1982-ci ildə SSRİ Ali Soveti Rəyasət Heyətinin fərmanı ilə "Xalqlar dostluğu" ordeni.
• 12 iyul 2003-cü ildə Azərbaycan Respublikası Prezidenti Heydər Əliyevin sərəncamı ilə "Tərəqqi" medalı^[3][4]
• 31 iyul 2008-ci ildə Azərbaycan Respublikası Prezidenti İlham Əliyevin sərəncamı ilə "Şöhrət" ordeni.^[5][6]

• Xatirələr sahili filmində rol alan Ələddin Sultanov prokuror rolunda çəkilib.^[7] Həmin illərdə Ələddin Camal oğlu Sultanov Lənkəran rayonunun prokuroru vəzifəsində çalışıb.

• "Qədim torpağın ləyaqətli övladı" – Qurban Camal oğlu Sultanovun 80 illiyinə həsr olunmuş kitab – "Elm və həyat nəşriyyatı" Bəhram İbrahimov- Bakı – 1998 (səh.39–41 Ələddin Sultanov)
• "Qanuna söykənən ömür"- 75 illiyinə həsr olunmuş kitab "QAPP – POLİQRAF" Korporasiyasının nəşriyyatı. Müəllif- Telman Zülfüqaroğlu. 2003-cü il.
• "Müdrik və Xeyirxah insan" – Sona xanımın 75-illiyinə həsr olunmuş kitab (124 −126 səh.154–158 səh.- Ələddin Sultanov haqqında) "ÇİNAR-ÇAP" nəşriyyatı, 2007-ci il. Müəllif – Telman Zülfüqaroğlu.
• "XX əsr Gəncənin elm, mədəniyyət, partiya və dövlət xadimləri" — kitab — Ələsgər Əliz-adə, Akif Əliyev(Əli-zadə), redaktor Nüşabə Araslı – 2008-ci il (Sultanov Ələddin Camal oğlu – səh. 247–248)
• Asan Radio
• https://gencexeber.az/tarix/bu-g-n-g-nc-li-h-quq-nas-l-ddin-sultanovun-95-ci-do-um-g-n-d-r/
• https://report.az/sosial-mudafie/bu-gun-eleddin-sultanovun-90-illik-yubileyidir/
• https://www.youtube.com/shorts/AypMmaURSes
• https://www.youtube.com/watch?v=r0Fq9UHKA0o
• https://azertag.az/xeber/konstitusiya_mehkemesinin_hakimine_sohret_ordeni_teqdim_edilmisdir-443484
• https://constcourt.gov.az/az/details/1012

• Xatirələr sahili (1972)
• Hakim Ələddin Sultanov (Müsahibə)