Azerbaycan Qizil Aypara Cemiyyeti - Wikipedia - Love.az

Azərbaycanda Qızıl Aypara Cəmiyyəti 1920-ci il mayın 10-da dövrün Azərbaycan Xalq Cümhuriyyətinin müdafiə naziri əvəzi, general-leytenant Əliağa Şıxlinskinin və Fətəli Xan Xoyskinin təşəbbüsləri əsasında təşkil edilmişdir.^[3] Əliağa Şıxlinskinin həyat yoldaşı Nigar Şıxlinskaya AzQAC-ın şəfqət xidmətinin yaradıcısı və ilk rəhbəri olub. 1923-cü ildən 1991-ci ilə kimi Azərbaycan Qızıl Aypara Cəmiyyəti SSRİ Qızıl Xaç və Qızıl Aypara İcraiyyə Komitəsinin tərkibində fəaliyyət göstərib.^[4]

İkinci Dünya müharibəsi zamanı cəmiyyət tərəfindən təşkil edilmiş şəfqət bacıları kurslarını bitirənlər döyüş bölgələrində minlərlə insanın həyatını xilas etmişlər. Şəfqət bacılarından bir nəfəri — Səriyyə Talışzadə Beynəlxalq Qızıl Xaç və Qızıl Aypara Hərəkatının yüksək müküfatı olan "Florens Naytingel" medalı ilə təltif edilmişdir.^[4]

1992-ci ilin martında Azərbaycan Qızıl Aypara Cəmiyyətinin müraciəti ilə Beynəlxalq Qızıl Xaç Komitəsinin Azərbaycanda nümayəndəliyi açılmışdır. 1993-cü ilin may ayında Beynəlxalq Qızıl Xaç və Qızıl Aypara Cəmiyyətləri Federasiyasının Azərbaycanda nümayəndəliyi açılmışdır. 1994-cü il noyabrın 26-da Azərbaycan Respublikası Milli Məclisinin qərarı ilə cəmiyyət Beynəlxalq Qızıl Xaç və Qızıl Aypara Hərəkatının tərkib hissəsi olaraq Azərbaycanda bu sahədə fəaliyyət göstərən yeganə rəsmi humanitar təşkilat kimi təsdiq edilmişdir. 1995-ci il noyabrın 1-də Beynəlxalq Qızıl Xaç Komitəsi tərəfindən cəmiyyət rəsmən tanınmışdır. Həmin il noyabrın 26-da cəmiyyət Beynəlxalq Qızıl Xaç və Qızıl Aypara Cəmiyyətləri Federasiyasının daimi, bərabərhüquqlu, hüzünlü üzvü seçilmişdir.

2000-ci il martın 10-da cəmiyyətin 80 illik yubileyi keçirilmişdir. Bir il sonra Azərbaycan Qızıl Aypara Cəmiyyəti Beynəlxalq Qızıl Xaç və Qızıl Aypara Cəmiyyətləri Federasiyasının İdarəetmə Şurasında Fövqəladə Hallara Hazırlıq və Yardım Komissiyasına üzv seçilib. Cəmiyyətin sədri Novruzəli Aslanov həmin komissiyanın eksperti təyin olunub. Həmin ildə Beynəlxalq Qızıl Xaç və Qızıl Aypara Cəmiyyətləri Federasiyasının Kiyev və Berlin konfraslarının işçi qrupu çərçivəsində Azərbaycan Qızıl Aypara Cəmiyyəti həmsədr kimi çıxış etmişdir.

2003-cü il martın 12-də Azərbaycan Qızıl Aypara Cəmiyyətinin XX qurultayı keçirilmiş və cəmiyyətin yeni nizamnaməsi qəbul olunmuşdur. Həmin ilin sentyabr ayında Azərbaycan Respublikası Nazirlər Kabineti Azərbaycan Qızıl Aypara Cəmiyyətinin fəaliyyətinə dair sərəncam imzalamışdır.

2003-cü ilin dekabr ayında Azərbaycan Qızıl Aypara Cəmiyyəti Beynəlxalq Qızıl Xaç və Qızıl Aypara Cəmiyyətləri Federasiyasının İdarəetmə Şurasında Fövqəladə Hallara Hazırlıq və Yardım Komissiyasına yenidən üzv seçilib, cəmiyyətin prezidenti Novruzəli Aslanov həmin komissiyaya yenidən 2 il müddətinə ekspert təyin olunub.

2005-ci ildə cəmiyyət Beynəlxalq Qızıl Xaç və Qızıl Aypara Hərəkatının "Florens Naytingel" medalını qazanmışdır.

2005-ci ildə Azərbaycan Qızıl Aypara Cəmiyyəti onun icraçı katibi Elxan Rəhimovun timsalında Beynəlxalq Qızıl Xaç və Qızıl Aypara Cəmiyyətləri Federasiyasının İdarəetmə Şurasında İnkişaf Komissiyasına üzv seçilib.

Hazırda Azərbaycan Qızıl Aypara Cəmiyyətinin 8 regional mərkəzi, Gənclər Komitəsi, Naxçıvan Muxtar Respublika komitəsi və onun rayon və şəhər komitələri, 83 rayon və şəhər bölməsi, Neft Daşları və Çilov adası birləşmiş bölməsi, ADPU, Azərpoçt, BTRİB, Azərbaycan Tibb Universiteti, 2 nömrəli Baki Tibb Kolleci, Texniki Universitet, Azərbaycan Dövlət İqtisad Universiteti, Azərbaycan Elm və Təhsil birləşmiş bölməsi və Azərbaycan İdman Akademiyası sahə bölmələri vardır.

Azərbaycan Qızıl Aypara Cəmiyyəti könüllü yardım və xidmət göstərən qeyri-kommersiya təşkilatıdır və dövlət qanunlarına əsasən idarə olunur. Onların missiyası "Azərbaycan Qızıl Aypara Cəmiyyətinin və insanlığın gücünü bir araya gətirərək həssas insanlara xidmət etməkdir".^[5] Qərargahı Azərbaycanın paytaxtı Bakı şəhərində yerləşir.^[5]

Azərbaycan Qızıl Aypara Cəmiyyətinin həyata keçirdiyi fəaliyyətlərə daxildir: Fövqəladə Hallara Hazırlıq və Cavabvermə, Sağlamlıq və Qayğı, Qan Donorluğu, HİV-AİDS-ə qarşı maarifləndirmə, İlk Yardım, Humanitar Dəyərlərin Yayımı, Gənclər və Könüllülər, Yerli Komitələrin inkişafı, İcmanın inkişafı, Axtarış Xidməti, Beynəlxalq Qızıl Xaç və Qızıl Aypara Hərəkatının Fundamental Prinsiplərinin və Beynəlxalq Humanitar Hüququn Yayımı, Mina fəaliyyətləri (uşaqlar üçün Təhlükəsiz Oyun meydançalarının tikintisi). Azərbaycan Qızıl Aypara Cəmiyyəti Beynəlxalq Qızıl Xaç və Qızıl Aypara Cəmiyyətləri Federasiyası, Beynəlxalq Qırmızı Xaç Komitəsi, Norveç, İsveç, Hollandiya, Polşa, Türkiyə, İran, Birləşmiş Ərəb Əmirlikləri Qızıl Aypara Cəmiyyətləri ilə yaxından əməkdaşlıq edir.

1. "Gənc Könüllü Qan Donorlar Qrupu 25" layihəsi
2. "Yay Düşərgəsi" layihəsi
3. "Təhlükəsiz Oyun Meydançaları" layihəsi
4. "İnsan Qripi Pandemiyasına Humanitar Hazırlıq Təşəbbüsü" layihəsi
5. "Pandemiyaya Hazırlıq Təşəbbüsü" layihəsi
6. "Dərmanlara Davamlı Vərəm Xəstələrinin Müalicəsinə Nəzarət" layihəsi
7. "Vərəmli Xəstələrin Müalicəsinə Nəzarət" layihəsi
8. "İcmaların Möhkəmləndirilməsi" layihəsi
9. "Könüllü Təhlükəsiz Qan Donorluğunun İnkişafı" layihəsi
10. "Mərhəmət Sorağında" layihəsi
11. "İcmaya Əsaslanan Sağlamlıq" layihəsi
12. "Tütünsüz Həyat" layihəsi
13. "Dost" layihəsi
14. "Sənətim – Gələcəyim" layihəsi
15. "Ətraflı Məlumatların Toplanması" layihəsi
16. "Təhlükəsiz və Möhkəm İcmaların Yaradılması" layihəsi
17. "Mina Partlayışı Zamanı Ailə Başçısını İtirmiş Ailələrə Sosial Dəstək" layihəsi
18. "İqtisadi Təhlükəsizlik" layihəsi
19. "Məktəbdən evə, evdən məktəbə təhlükəsiz dönmə" layihəsi
20. "İnsan Alverinə Qarşı Maarifləndirmə" layihəsi
21. "İcma Əsaslı Fəlakət Riskinin Azaldılması" layihəsi
22. "Azadlığa buraxılan vərəmli məhkumların müalicəsinə nəzarət"
23. "Uşaqlarla Sağlam Həyat Tərzi" layihəsi
24. "Yol Təhlükəsizliyi" layihəsi
25. "Minalarla bağlı Maarifləndirmə və Təhlükəsizlik" layihələri
26. "İİV/QİÇS və Vərəm ilə Mübarizə Proqramı" çərçivəsində layihələr
27. "Zərərin Azaldılması Proqramı" çərçivəsində layihələr
28. "İnamla İlk Yardım" proqramı çərçivəsində fəaliyyətlər
29. "İcmaların Fövqəladə Hallar Zamanı Sağlamlıq üzrə Dayanıqlılığının Gücləndirilməsi" layihəsi
30. "Mənim Haqqımda Kitab" layihəsi
31. "Fövqəladə Hallarda Təhsilə Əlçatanlıq" layihəsi
32. "COVID-19" çərçivəsində layihələr
33. "Vətən Müharibəsinə Dəstək" layihələri
34. "Nağd Pul və Vauçer Yardımı" layihəsi
35. "Təhlükəsiz Məktəblər üçün Fəal Gənclər" layihəsi
36. "Uşaqların İsti Paltarlarla Təmin Edilməsi" layihəsi
37. "Məktəbə Qayıdış" aksiyası
38. "Qış Möcüzəsi" aksiyası
39. "Sevgi Boxçası" layihəsi

•   "Florens Naytingel" medalı

• Azərbaycan Qızıl Aypara Cəmiyyəti (Rəsmi saytı)
• Azərbaycan Qızıl Aypara Cəmiyyəti: "Ağdam-Xankəndi yolu ilə istənilən humanitar yükün ermənilərə çatdırılmasına dəstək verməyə hazırıq"
• Azərbaycan Qızıl Aypara Cəmiyyəti erməniləri və havadarlarını fakt qarşısında qoyub — ŞƏRH
• https://Yardim.et