Elnur Eliyev Rejissor - Wikipedia - Love.az

Elnur Əliyev 27 avqust 1981-ci ildə Gədəbəy rayonunda anadan olmuşdur.^[1][2] 2000-2004-cü illərdə Azərbaycan Dövlət Mədəniyyət və İncəsənət Universitetində təhsil alaraq televiziya rejissoru ixtisasına yiyələnmiş^[1] və oranı fərqlənmə diplomu ilə bitirmişdir. 2004-2006-cı illərdə həmin universitetin televiziya rejissoru ixtisası üzrə magistr pilləsinə daxil olmuş və fərqləmə diplomi ilə başa vurmudur. 2006-2009-cu illərdə aspirantura pilləsində təhsil almış, "Azərbaycan teleməkanında kliplərin mövzu, struktur və janr problemləri" mövzusunda dissertasiya işinin və beş elmi məqalənin müəllifidir.^[1] 2003-cü ildən Azərbaycan Professional Kinorejissorlar Gildiyasının, 2021-ci ildən Azərbaycan Kinematoqrafçılar İttifaqının üzvüdür.^[1] 2004-2005-ci illərdə "Film" Prodüser Mərkəzində rejissor, 2005-2006-cı illərdə "Mozalan" satirik kinojurnalıda rejissor və ssenarist kimi çalışmışdır.^[2][3] 2005-2009-cu illərdə Azərbaycan Dövlət Mədəniyyət və İncəsənət Universitetində ilk montaj üzrə aparıcı mütəxəssis, 2007-2008-ci illərdə ANS Şirkətlər Qrupuna daxil olan "Bakı Film" kinostudiyasında prodüser kimi fəaliyyət göstərmişdir.^[1][2] 2010-cu ildə C.Cabbarlı adına "Azərbaycanfilm" kinostudiyasında istehsal olunan "Əlavə təsir" bədii filmində icraçı prodüser müavini vəzifəsində çalışmışdır. 2011-ci ildən etibarən ATV, Space TV, AzTV, Lider TV, Xəzər TV kimi kanallarda məşhur layihələrin ssenari müəllifi və rejissoru olmuşdur.^[1] Paralel olaraq bu illər ərzində bir sıra reklam çarxlarında, çoxsaylı musiqili reklam kliplərində çalışmışdır.

Rejissorun 2013-cü ildə çəkdiyi “Alınmaz qalanın qəhrəmanları” qısametrajlı sənədli-bədii filmi Gədəbəy rayonundan olan dörd Milli Qəhrəmanın – Məzahir Rüstəmov, İsgəndər Aznaurov, İlham Əliyev və Aytəkin Məmmədovun həyat və döyüş yollarından bəhs edir. 2018-ci ildə quruluş verdiyi "Son nəfəsədək" filmi real hadisələr əsasında çəkilib.^[2]

2003-cü ildə “Gənclik və sülh” adlı BMT–nin Beynəlxalq Sülh Gününə həsr olunmuş reklam filminə görə Fəxri Fərmana layiq görülüb. 2004-cü ildə Xalq artisti Cənnət Səlimovaya həsr olunmuş sənədli filmi “START” Tələbə Film Festivalında “ən yaxşı sənədli film” nominasiyasında ll yerə layiq görülüb.^[1]

• 2004 — "START" Tələbə Film Festivalında "Ən yaxşı sənədli film" nominasiyasında 2-ci yer ("Cənnət Səlimova" filminə görə)
• 2005 — "START" Tələbə Film Festivalında "Ən yaxşı bədii film" nominasiyasında 2-ci yer ("Kənddə məktəb" filminə görə)^[4]
• 2008 — Daxili İşlər Nazirliyinin xüsusi mükafatı ("Satılmış həyat" filminə görə)
• 2013 — "Ən yaxşı gənc prodüser" nominasiyasında “Cinema” Gənc Kinematoqrafçılar Mərkəzinin "İlin gənc kinematoqrafı" Milli Mükafatı ("Alınmaz qalanın qəhrəmanları" filminə görə)^[5]

1. Gənclik və sülh (2003) — rejissor
2. Cənnət Səlimova (2004) — rejissor
3. Kənddə məktəb (2005) — rejissor^[3]
4. Dümanın yolu ilə (2006) — rejissor^[3]
5. Tələbə Qəbulu üzrə Dövlət Komisiyası (2007) — rejissor
6. Satılmış həyat (2008) — rejissor^[3][6]
7. Günahkarlar, yoxsa günahsızlar (2009) — rejissor^[3]
8. Əlavə təsir (2010) — icraçı prodüser müavini
9. Dördbucaq içində (2010) — rejissor^[3]
10. Güllələr altında (2010) — rejissor^[3]
11. Erkən nikah (2012) — rejissor^[3]
12. Alınmaz qalanın qəhrəmanları (2013) — rejissor^[7]
13. Rabitəçi (2013) — rejissor, ssenari müəllifi
14. Milli Qəhrəman Çingiz Babayev stansiyası (2014) — rejissor, ssenari müəllifi
15. Ailəmiz (serial, 2015) — rejissor
16. Bozbash Pictures (2017) — rejissor
17. Niyə? (2018) — rejissor
18. Son nəfəsədək (2018) — quruluşçu rejissor
19. Dosye (2020) — rejissor, ssenari müəllifi
20. Arif Heydərov (2021) — rejissor, ssenari müəllifi
21. Qətl planı (2021) — rejissor, ssenari müəllifi
22. Epizod (2022) — rejissor, ssenari müəllifi
23. Qorbaçovun qızı (2023) — rejissor
24. Onlayn (2023) — rejissor, ssenari müəllifi