Gulzar Ibrahimova - Wikipedia - Love.az

Gülzar İbrahimova 1958-ci il 21 dekabrda Zəngəzur mahalının Mehri rayonu Əldərə kəndində müəllim ailəsində anadan olub^[1]. 1959-cu ildə ailəsi ilə birlikdə Bakıya köçüb. (1965–1975) Oktyabr (Yasamal) rayonundakı 13 saylı orta məktəbdə oxuyub. 1977-ci ildə AzXTİ — nin (indiki İqtisadiyyat Universiteti) sənayenin planlaşdırılması fakültəsinin axşam şöbəsinə daxil olub və 1982-ci ildə bitirib. Ailəlidir.

1978-ci ildən 18 il Bakı 1 saylı tikiş fabrikində çalışıb. Həmin fabrikdə əvvəl hesablayıcı-texnik, sonra iqtisadcı-mühəndis, iqtisadcı-hüquqşünas vəzifələrində işləyib. Daha sonra komsomol komitəsinin raykom hüquqlu katibi işləyərək 10000-dən çox gəncə rəhbərlik etmişdir. 1995-ci ildə Yasamal rayon İcra Hakimiyyətinə rayon Başçısının məsləhətçisi vəzifəsinə dəvət edilib və az müddətdən sonra İcra Hakimiyyəti mətbuat xidmətinin rəisi vəzifəsi ona həvalə olunub^[2].

1998-ci ildə ixtisas üzrə işləmək istəyi Gülzar xanımı Bakı Əmtəəşünaslıq Universitetinə aparıb çıxarıb. Universitetdə dərs dediyi dövrdə Yasamal rayon Vergi idarəsinin hesabat şöbəsində çalışıb.

2003-cü ildə seçki kompaniyası zamanı Yasamal rayonu Secki Dairəsinə katib seçilib. Və eyni dövrdə məqalələrlə qəzet və jurnallarla əməkdaşlığa başlayıb. Yazdıqları oxucusunu tez tapdığını görüb mətbuat işini gücləndirir.

2004-cü ildən 2011 ilə qədər ANS PRESS Nəşriyyat evində çalışaraq BALA DİLİ jurnalı yarandığı gündən ona rəhbərlik edərək şef-redaktoru olub.

Hazırda "Kiçik Dünya" uşaqların maariflənməsinə kömək ictimai birliyinin təsisci və idarə heyətinin sədridir. İctimai Birliyin nəzdində açılmış "Sehrli Dünya" uşaq jurnalının baş redaktorudur. Uşaqları maarifləndirmə yolunda layihələr həyata keçirir. 2025-ci ilin 1 İyunun 1-də Qeyri-Hökumət Təşkilatlarına Dövlət Dəstəyi Agentliyinin dəstəyi ilə Xocalı, Laçın, Fizulidə yaşayan uşaqların görüşünə getməyə hazırlaşır.

Roman, povest, hekayə, nağıl, mənsur şeir, miniatür, şer, bayatı, təmsil, tapmaca, yumoristik hekayələr, mahnılar və bir çox səpgidə yazılar yazaraq uğurlu nəticələr əldə edir.

İlk kitabı (2000 ildə) "Nağıllar" kitabı nağılçıya yaradıcılıq yolu açıb.

Gülzar İbrahimova 100 dən çox kitabın müəllifidir. Yazıçı ilə Azərbaycanın bütün bölgələrində - liseylərdə, məktəblərdə, bağçalarda mütəmadi görüşlər keçirilir. (Ağdaş, Zərdab, Nefçala, Quba, Qusar, Kürdəmir, Biləsuvar, Şirvan, Lənkəran, kitabxanalarına kitablar hədiyyə edir. Yaratdığı "Sehrli dönya" jurnalının Youtube kanalının 96 000 min (doxsan altı min) abunəçisi və 30 milyon (otuz milyon) baxış sayı var. Orda uşaqlar üçün nağıllar, hekayələr, mahnılar, cizgi və video filmləri yerləşdirilib.

(gulzaribrahimova.com), (sehrlidunya.com) (gulzarnene.com) uşaq saytlarının təsisçisi, müəllifi və baş redaktorudur. Rəngarəng, maraqlı, səsli nağıllarla zəngin saytlar kiçik və böyük yaşlı uşaqlar üçün maraqlıdır. Uşaqların maariflənməsi və dünyagörüşünün artırılması üçün əhəmiyyətli layihələr həyata keçirir.

İbahimova Gülzar Hidayət qızı Yazıçılar arasında mənsur şeir yazarı kimi, uşaqlar arasında nağıl yazarı — "Gülzar nənə" kimi tanınır və sevilir. Uşaqlar üçün dəyərli layihələr həyata keçirir.

Gülzar İbrahimova həm də nəğməkar şairdir. Onun Sözlərinə yazılmış və milyonlarla baxış sayı toplamış mahnıları var. "Sülh nəğməsi", "Bağçamız", "Sağ ol, Ey Vətən", "Ana dilim", "Yağsana qar", "Gizlənpaç", "Yay gəldi", "Dünya gözəldir", "Şirin nənəm, əziz nənəm, can nənəm", "Qiymətlərim beş", "Gözəl Bakım", mahnıları Gülzar İbrahimovanın təşəbbüsü və səyi nəticəsində hazırlanmış, yayımlanmışdır. Hazırda mahnılar milyonlarla izləyici rəğbəti toplayıb.

Yazıçılar Birliyinin, Jurnalistlər Birliyinin, Mətbuat Şurasının üzvüdür. Həsənbəy Zərdabi mükafatçısı, AYB Prezident Təqaüdçüsüdür.

Gülzar İbrahimova müasir uşaq yazıçısı kimi Bakı Dövlət Universitetinin "Azərbaycan Uşaq Ədəbiyyatı" dərsliyinə salınıb.(2007-ci il) Müəllif professor Qara Namazov. Həmçinin əsərləri orta məktəb proqramlarının azərbaycan və rus dili bölmələrinə yerləşdirilib.

Tanınmış əsərləri 20 Yanvar faciəsinə həsr edilmiş "İlham və Fərizə", Xocalı faciəsinə həsr edilmiş "Evin kişisi" hekayəsi, Gəncə terroruna həsr edilmiş "Bir gecədə dəyişən arzu" hekayəsi, 6 Fevral Kahramanmaraşda baş vermiş zəlzələyə yazdığı "Mən böyüdüm, sən də böyü" povesti, Türkiyə qardaşlığına həsr edilmiş "Yeni il sirri" nağılı, "Sirusla Virusun macəraları" fantastik uşaq romanı, Babəkə həsr etdiyi "İgid oğlan haqqında nağıl," Atabəylər dövlətinin banisi İldəgiz haqqında "Çirkin qul" nağılı, Müqəddəs Quran haqqında yazdığı "Ən qiymətli hədiyyə" nağılı, Böyüklər üçün yazdığı, "Ağır cəza" romanı, "Səndən yoxmuş" mənsur şeirləri, "Bir zalım şah vardı"nağıl romanı, "Cığal baba" nağılı, "Dəcəı keçəl nağılı, "Su pərisi və balıqçı", "Dostlaşmış nağıllar" və digər əsərləri.

2024-cü ildə nəşr etdirdiyi Trolların sirri - yeniyetmələr üçün nağılı - Norveç nağıl qəhrəmanlarına həsr edilib, 100 səhifəlik nağıl kitabıdır. Bu nağıla görə müəllif Norveçdə yaşayan azərbaycanlı uşaqlar tərəfindən sevilib. Həmin il Norveçdəki Azərbaycan Evi yazıçı Gülzar İbrahimovanı Norveçə dəvət edib. Yazıçı səfər zamanı azərbaycanlılarla görüşüb. O, bir həftə ərzində Oslodakı Nizami Gəncəvi adına həftəsonu məktəbində, Norveçdəki Azərbaycan Evində, Oslonun tanınmış Deichman Björvika kitabxanasında, Beynəlxalq Uşaq İncəsənət Muzeyində (/The International Museum of Children's Art/) oxucuları ilə silsilə görüşlər keçirib. Hazırda Trolların sirri nağılı Osloda profesionallar tərəfindən tərcümə olunmaqdadır.

Təbrizdə çap olunmuş kitabları: "Uçan xalça", "Xovlu xalçanın sirri", Yalançı pəhləvan".

"Kiçik Dünya""Uşaqların maarifləndirilməsinə Kömək" İctimai Birliyinin təsisçisi və rəhbəridir. Bir yazıçı kimi Azərbaycan balalarının maariflənməsi yolunda yorulmadan çalışır.

• "Mən daha böyüyəm" (ibtidai sinif uşaqları üçün)
• "Səndən yoxmuş" mənsur şeirlər
• "Azərbaycan uşaq ədəbiyyatı" Bakı Dövlət Universiteti (müasir yazıçı kimi dərsliyə salınıb)
• "Su pərisi və Balıqçı" (təbiəti, heyvanları qorumaq haqda, rəhmlilik haqda öyrədici şeir-nağıl)
• "İlanlı dərənin sirri" (həm tarixi, həm də əyləncəli nağıllar)
• "Göy qurşağı qardaşlarını yeddi nağılı" (Dünyanın tarixi hadisələrindən quraşdırılmış nağıl)
• "Dəniz balası" (12+)
• "Dəhşətli nağıllar" (böyüklər üçün)
• "Sehrli nağıllar" (həm tarixi, həm də əyləncəli nağıllar)
• "Nağıllar" (həm tarixi, həm də əyləncəli nağıllar)
• "Təmraz və Gün" (Qobustan haqqında yazılıb)
• "Gülzar nənənin nağılları" (həm tarixi, həm də əyləncəli nağıllar)
• "Od xəzinəsi" (Azərbaycan neftindən nağıllar)
• "İlham və Fərizə" (20 Yanvar şəhidlərindən nağıl)
• "Elşən, Gülşən, Küpəgirən" (nağıl -şeir)
• "Sehrli Dünya" uşaq jurnalı (5–12 yaş həddi)
• "Tülkü balası" (ögey anadan nağıl)
• "Bir zalım şah vardı" (Nadir şahdan, Cahan şahdan, onların məhəbbətindən nağıllar)
• "Bəxt axtaran qız" (tarixi hadisələrdən nağıllar)
• "Mən uşaq deyiləm" (yaş həddi (5–12)
• "Dostlarım məndən qaçar" (nağıl və hekayələr, ibtidai sinif uşaqları üçün) (5–12)
• "İlin neçə fəsli var" şeir-tapmaca (ibtidai sinif uşaqları üçün) (5–12)
• "Tapmaca məndən, açması səndən" (ibtidai sinif uşaqları üçün) (5–12)
• "Hansı peşəni seçim" (ibtidai sinif uşaqları üçün) (5–12)
• "Göydə neçə ulduz var" (hesab öyrədici tapmacalar. İbtidai sinif uşaqları üçün)
• "Sirus və Virusun macəraları"
• "Vətən və mən"
• "Ciddi ol" ((ibtidai sinif uşaqları üçün yumor kitabı) 8–13
• "Qırmızıpapaqla Qırmızıyanağın nağılı (5–12)
• "Dostlaşmış nağıllar" (5–12)
• "Vətən mənə oğul dedi" — — vətənpərvər mövzuda 2 saatlıq disk
• "Raykom katibi" povest (Böyüklər üçün)
• "Ağır cəza" roman (Böyüklər üçün)
• "Səndən yoxmuş" mənsur şeirlər (Böyüklər üçün)
• "Dəcəl keçəl" nağılı (2–5)
• "Şahzadə və Mələk" nağıl (7+)
• "Gülzar nənənin sonuncu nağılı" (10+)
• "Sehrli söz" (iqtibas) 5+
• "Şən Ayşən" (5–12)
• "Sehrli qız" (6–12)
• "Bir boğça yalan, istədim dadam" — gülməcə nağıl (7+)
• "Popkorn" — düzlük, dürüstlük, halal-haram öyrədən fantastik hekayə (7+)
• "Körpə uşaqla xallı keçinin nağılı" — Ögey ananın pisliyindən (6+)
• "Gülşən və Küpəgirən" — şeir nağıl (6+)
• "Tutuquşu və Nuşu" — fantastik hekayə (6+)
• "Qu quşu və Osman" — nağıl (6+)
• "Danışan saqqız" — fantastik hekayə (5+)
• "Yeni il sirri" — fantastik hekayə (5+)
• "Ən qiymətli nemət" — sağlamlığı qorumaq və onun qayğısına qalmaq haqda öyrədici nağıl (8+)
• "Ən qiymətli hədiyyə" — Müqəddəs Quran haqqında nağıl (həm tarixi, həm də əyləncəli nağıllar 6–60)
• "Sehrli əjdaha" — fantastik hekayə öyrədici, maarifləndirici (5+)
• "Yalançı pəhləvan" — nağıl (7+) Nağıl Təbrizdə Kirpi nəşriyyat evi tərəfindən bəyənilib çap olunub və səsləndirilib diskə yazılıb.(2017 ilin noyabrında) Yazıçıya xəbər göndərilib ki, " Sən Təbrizli uşaqların sevimli yazıçısısan!".
• "Qızılcan" — xeyirxahlıq öyrədən nağıl (5+)
• "İşıldaböcəyin nağılı" (14+)
• "Cırtdan və Şahzadə" — maarifləndirici nağıl (6+)
• "Firçanın sehri" — Qəbələ və onun gözəlliyi haqda nağıl (12+)
• "Tülkü balası" — Mauqli tipdə nağıl (6+)
• "Küpəgirən qarının nəsihətləri" (12+)
• "Yetim Əlinin nağılı" — dostluq haqda (6+)
• "Rəşadətlə boz ilanın nağılı" — övladın ataya məhəbbətindən (6+)
• "Dəniz balası Tufan" — xəyanətkarlıq və fədakarlıqdan öyrədici nağıl (6+)
• "Eşşək necə yarandı" — dünyanın tarixi hadisələrindən nağıl — (7+)
• "Nənələr və babalar" (böyüyə hörmət aşılayan öyrədici hekayə) 7+
• Heydər babamız oldu — (nəsihətedici, öyrədici şeir disk formasında səsli 5+)
• Baba nəsihəti — (nəsihətedici, öyrədici şeir disk formasında səsli 5+)
• Ulu Öndər — (nəsihətedici, öyrədici şeir disk formasında səsli 5+)
• "Ən gözəl arzu" — öyrədici, vətənə məhəbbət, valideynlərə sevgi və hörmət öyrədən mənsur miniatür, monoloq (3+)
• "Çirkin qul" -tarixi nağıl Atabəylər dövlətinin banisi haqda həm maarifləndirici, həm də mütaliənin əhəmiyyətindən
• "İki qurbağa" (şeir-nağıl yaş həddi 5+)
• "Tərsinə" (iqtibas 4+)
• "Parşütü qaytar" – yumoristik hekayə 7+
• "Küsüb getmiş uşaqlıq sevinci" — Ekologiya, onun qorunmasına aid hekayə yaş (9+)
• "Sevincin plastilini" – ataya məhəbbətdən, valideynə hörmətdən müdrik hekayə (iqtibas)
• "Ən halal adam" – dünya müdriklərindən təcrümə
• "Pərvanə və Murad" - məktəb hekayəsi
• "Cavan və şah" — Nizami Gəncəvi dəsti xətti ilə yazılmış şeir-nağıl
• "Tərlan və Yalan" — uşaqları yalan danışmamağa səsləyən öyrədici şeir-nağıl
• "Dünyanın himni uşaq qığıltısıdır" — kiçik yaşlı uşaqlar üçün nağıl və şeirlər
• "Ağır cəza" böyüklər üçün roman — sevgi, ailə problemləri və müharibə acılı roman, povest və mənsur şeirlər.
• "Trolların sirri" - yeniyetmələr üçün - Norveç nağıl qəhrəmanlarına həsr edilmiş 100 səhifəlik nağıl Maks mətbəəsi
• "Sehrli nağıllar" 1 - kiçik yaşlı uşaqlar üçün silsilə nağıllar 64 səh. 1924 il Zəka Çap Evi
• "Sehrli nağıllar" 2 - kiçik yaşlı uşaqlar üçün silsilə nağıllar 1924 il - Zəka Çap Evi
• "Sehrli nağıllar" 3 - kiçik yaşlı uşaqlar üçün silsilə nağıllar 1924 il- Zəka Çap Evi
• "Gizlənpaç" - kiçik yaşlı uşaqlar üçün zehni inkişafetdirici oyunlar Qanun nəşriyyatı 1923 il
• "Norveç qoğalı" (Norveç dilindən tərcümə) kiçik yaşlı uşaqlar üçün 1924 il Maks mətbəəsi
• "Qırmızıpapaqla Qırmızıyanağın nağılı" - kiçik yaşlı uşaqlar üçün öyrədici nağıl 1923 il= Zəka Çap Evi
• "Ciddi ol" Yumor kitabı 200 səh 1923 Zəka Çap evi bütün yaşda uşaqlar üçün
• "Mən böyüdüm, sən də böyü" - bütün yaş qrupları üçün. 6 fevral 1924-cüildə Türkiyədə baş vermiş zəlzələyə həsr edilib
• "Sağ ol, Ey Vətən" - Vətən haqqında povest, şeirlər, hekayələr Qeyri-Hökumət Təşkilatlarına Dövlət Dəstəyi Agentliyinin dəstəyi ilə nəşr edilib