Gelecek Azerbaycan Partiyasi - Wikipedia - Love.az

Ana Səhifə - Gelecek Azerbaycan Partiyasi

Bu məqalənin ensiklopedik tələblərə cavab vermədiyinə dair şübhələr var.

Lütfən, ensiklopedikliyi təsdiq etmək üçün məqalənin mövzusuna uyğun tərəfsiz, etibarlı mənbələr əlavə edin. Əgər belə mənbələr göstərilməzsə, məqalə birləşdirilə, köçürülə, yönləndirilə və ya silinə bilər.

Gələcək Azərbaycan Partiyası və ya qısaca GAP — Azərbaycanın siyasi partiyalarından biri. 23 fevral 2014-cü ildə keçirilən təsis qurultayı ilə əsası qoyulmuşdur. 15 dekabr 2020-ci ildə dövlət qeydiyyatına alınmışdır.^[2] 2014-cü ildən etibarən partiyanın sədri Ağasif Şakiroğludur.

Gələcək Azərbaycan Partiyası

Sədri	Ağasif Şakiroğlu
Quruluş tarixi	23 fevral 2014
Qeydiyyat tarixi	15 dekabr 2020
Sələfi	Açıq Cəmiyyət Partiyası
İdeologiya	Liberalizm, milli-demokratiya
Üzvlüyü	Azərbaycan Xalq Hərəkatı (2018)
Gənclər təşkilatı	Gələcək Azərbaycan Partiyası Gənclər təşkilatı
Üzv sayı	5 788^[1] (2023)
Şüar	Gələcəyini düşünənlərin partiyası
Milli Məclisdə	0 / 125
Ali Məclisdə	0 / 45
Bələdiyyə sədrləri	0 / 1.605
Bələdiyyə üzvləri	0 / 15.156
Saytı	gap.org.az

Ailə, Qadın və Uşaq Problemləri üzrə Dövlət Komitəsinin 2023-cü ilə aid hesabatına əsasən Gələcək Azərbaycan Partiyasının üzvlərinin 68%-i kişi, 32%-i isə qadın olmuşdur.^[3]

Tarixi

redaktə

20 dekabr 2013-cü ildə təsis konfransı keçirilib. 23 fevral 2014-cü il tarixində isə 1-ci təsis qurultayı keçirilib. Beləliklə, GAP bir partiya olaraq siyasi fəaliyyətinə başlamışdır. GAP-ın ilk və hazırkı sədri Ağasif Şakiroğludur.^[4]

Rəhbərlik

redaktə

İdarə Heyəti

redaktə

Ağasif Şakiroğlu — Partiya sədri
Aslan Həmidli — Partiya sədrinin Səlahiyyətli Nümayəndəsi
Rəşid Nazim — Mərkəzi icra aparatının sədri
Zamil Zərbəliyev — Mühacirətda yaşayan azərbaycanlılarla iş üzrə sədr müavini
Rəşad Məhəmmədov — İqtisadi Məsələlər üzrə sədr müavini
Xətayə Xasməmmədova — Qadınlarla iş üzrə sədr müavini
Sabir İbrahimov — Kütləvi Aksiyaların təşkili ilə iş üzrə sədr müavini
Elnur Qasımov — Ali Məclisin sədri
Namir Həsənli — Gənclər Komitəsinin sədri
Cəfər İsmayılov — GAP sədrinin müşaviri

Fəxri üzvləri

redaktə

Eks spiker — Rəsul Quliyev
Eks deputat — Solmaz Ələsgərova
Eks deputat — Akif Şahbazov
Rejisor — Elşən Məmmədov
AMEA üzvü — Ağa Abdullaoğlu

Seçkilərdə

redaktə

Partiya 2015-ci il parlament seçkilərində iştirak etmək istəsə də, tam qanunsuz olaraq seçkilərə buraxılmamışdır.^[5] 2016-cı il referendum seçkilərini, həmçinin 2018-ci il aprel ayında keçirilmiş növbədənkənar prezident seçkilərini boykot etmiş və nəticələrini tanımamışdır. 2020-ci il 9 fevral tarixinə elan edilmiş növbədənkənar parlament seçkilərində partiya bir namizədlə qatılmış. Bu şəxs partiyanın sədri Ağasif Şakiroğlu olmuşdur. Partiya sədri 8 saylı Binəqədi birinci seçki dairəsindən namizəd irəli sürülmüşdür. ^[6]

Seçkinin rəsmi nəticələrinə əsasən A.Şakiroğlu 1194 səs toplayaraq 2-ci yeri tutmuşdur. Partiya seçkilərin total saxtakarlıqla keçdiyini bəyan etmiş, seçkinin 8 saylı Binəqədi birinci seçki dairəsində real qalibinin məhz Ağasif Şakiroğlu olduğunu bəyan etmişdir.

Parlament

redaktə

Seçki	Sədr	Majoritar
Seçki	Sədr	Səs	%	Mandat
2024	Ağasif Şakiroğlu	1387	9%	-

İstinadlar

redaktə

↑ modern.az. "Daha bir partiya qeydiyyata alındı". modern.az (az.). 2023-09-10 tarixində arxivləşdirilib. İstifadə tarixi: 2023-09-11.
↑ "Arxivlənmiş surət". 2021-09-03 tarixində arxivləşdirilib. İstifadə tarixi: 2020-12-15.
↑ modern.az. "Hansı siyasi partiyalarda qadınlar daha çoxdur? - SİYAHI". modern.az (az.). 2024-05-20 tarixində arxivləşdirilib. İstifadə tarixi: 2024-05-20.
↑ "Gələcək Azərbaycan Partiyasının təsis qurultayı keçirildi" (az.). musavat.com. 2014. 2018-08-12 tarixində arxivləşdirilib. İstifadə tarixi: 2014-2-23.
↑ "Azərbaycan Respublikasının Milli Məclisinə seçkilərdə 8 saylı Binəqədi birinci seçki dairəsi üzrə namizədliyi öz təşəbbüsü ilə irəli sürülmüş İbrahimov Ağasif Şakir oğlunun Mərkəzi Seçki Komissiyasına 05 oktyabr 2015-ci il tarixli 34 saylı müraciəti üzrə MSK rəyi" (PDF) (az.). msg.gov.az. 2005. 2016-04-13 tarixində arxivləşdirilib (PDF). İstifadə tarixi: 2014-10-7.
↑ "Azay Quliyevin ən güclü rəqibi bəlli oldu - 2020-ci ildəki gərginlik təkrarlanacaq - FOTO". KONKRET (az.). 2024-08-07. 2024-09-11 tarixində arxivləşdirilib. İstifadə tarixi: 2024-12-26.

Xarici keçidlər

redaktə

Vikianbarda Gələcək Azərbaycan Partiyası ilə əlaqəli mediafayllar var.

Rəsmi Facebook səhifəsi

Mənbə — "https://az.wikipedia.org/wiki/?q=Gələcək_Azərbaycan_Partiyası&oldid=8011564"