 |
 |
Love.az |  |
 |
Həmzə ibn Hüseyn (ərəb. حمزة بن الحسين; 29 mart 1980[1][2], Amman[1][3]) — III İordaniya kralı I Hüseynin oğullarından biri, taxt vəliəhdi.[5]
| Həmzə ibn Hüseyn | |
|---|---|
 | |
| 7 fevral 1999 – 28 noyabr 2004 | |
| Monarx | II Abdullah |
| Əvvəlki | Abdullah ibn Hüseyn |
| Sonrakı | Hüseyn ibn Abdullah |
| Şəxsi məlumatlar | |
| Doğum tarixi | 29 mart 1980[1][2] (45 yaş) |
| Doğum yeri | |
| Təhsili |
|
| Atası | Hüseyn ibn Təlal[3] |
| Anası | Nur əl-Hüseyn (İordaniya kraliçası)[4] |
| Ailəsi | Haşimilər |
| Rütbəsi | briqada generalı |
 Vikianbarda əlaqəli mediafayllar | |
1980-ci ildə Ammanda dünyaya gəldi.[6] Atası İordaniya kralı I Hüseyn, anası isə onun dördüncü xanımı kraliça Nur əl-Hüseyndir. İlk təhsilini Ammanda aldıqdan sonra İngiltərədəki Harrou məktəbinə göndərildi. Daha sonra hərbi akademiyaya yazıldı və 1999-cu ildə buradan məzun olaraq İordaniyada ordusunda zabit olaraq xidmətə başladı. Həmin il atasının vəfatı ilə ögey böyük qardaşı II Abdullah taxta çıxdı. Həmzə ibn Hüseyn isə dərhal taxt vəliəhdi elan edildi.[7] Ancaq bu ünvan 2004-cü ildə əlindən alındı və yalnız 5 il sonra 2009-cu ildə taxtın yeni vəliəhdi elan olundu.[8]
Hal-hazırda briqada generalı rütbəsində olan Həmzə ibn Hüseyn 2006-cı ildə Harvard Universitetindən məzun oldu. Bir neçə dəfə qardaşı II Abdullahın xarici səfərlərində naib olaraq and içdi və dövlət idarəsini ələ aldı.
3 aprel 2021-ci ildə BBC, Həmzə ibn Hüseynin müxalif qüvvələrə yaxınlığı səbəb göstərilərək ev həbsinə alındığı xəbərini yaydı.[9] 4 gün sonra kral II Abdullah tərəfindən verilən açıqlamaya əsasən, qardaşıyla arasındakı problemlər həll edildi və qardaşı Həmzə ibn Hüseynin "öz qoruması altında sarayında tutulduğunu" bildirdi.[10][11]
2022-ci ilin aprelində isə Həmzə ibn Hüseyn şahzadə ünvanından əl çəkdiyini bəyan etdi.[12] Bir ay sonra isə kral II Abdullah qardaşının yenidən göz altına alındığını bəyan etdi.[13]
İlk evliliyi 29 avqust 2003-cü ildə qohumu Asim ibn Nayefin qızı Nur xanımla baş tutdu. Cütlüyün rəsmi toy mərasimi isə 27 may 2004-cü ildə Zəhran sarayında keçirildi. Cütlüyün bu nikahdan bir qızı dünyaya gəlsə də, 9 sentyabr 2009-cu ildə boşandılar.
İkinci evliliyi isı 12 yanvar 2012-ci ildə Bəsmə Bəni Əhməd əl-Outumla baş tutdu. Cütlüyün bu nikahdan 6 övladı doğuldu.
 |
 |
LOVE.AZ |  |
 |
|