 |
 |
Love.az |  |
 |
Hacı Hüseyn Əfəndiyev (1893, Göyçay – 1920, Bakı) — Azərbaycan Xalq Cümhuriyyəti Parlamentinin üzvü, Əhrar Partiyasının üzvü.
| Hacı Hüseyn Əfəndiyev | |
|---|---|
 | |
| 15 dekabr 1918 – 27 aprel 1920 | |
| Şəxsi məlumatlar | |
| Doğum tarixi | 1893 |
| Doğum yeri | |
| Vəfat tarixi | 1920 |
| Vəfat yeri | |
| Partiya | |
| Fəaliyyəti | siyasətçi |
Aprel işğalından sonra 27 yaşında bolşeviklər tərəfindən güllələnib.
Hacı Hüseyn Hacı Abdulla oğlu Əfəndiyev 1893‐cü ildə Göyçayda anadan olub. Əhrar partiyasının üzvü olub.[1][2] Azərbaycan Cümhuriyyəti qurulduqdan sonra Göyçay qəzasından Azərbaycan Cümhuriyyəti parlamentinə seçilib.[3][4] 1918-ci il dekabrın 15-dən 1920-ci il aprelin 27-ə qədər parlamentin deputatı olub.[5][6]
1919 il fevralın 4-də torpaq islahatı haqqında Azərbaycan Cümhuriyyəti Parlamentinin qanun layihəsini hazırlamaq üçün Səməd ağa Ağamalıoğlu başda olmaqla Parlament komissiyası yaradıldı. Komissiyanın 9 nəfər üzvündən Hacı Hüseyn Əfəndiyev olub.[7]
1920-ci ilin mart ayında ermənilərin Qarabağda dövlət əleyhinə başladıqları qiyamın yatırılmasında iştirak edib. 1920-ci il aprelin 27-də Azərbaycan bolşeviklər tərəfindən işğal olunduqdan sonra həbs olunub. 7 saylı xüsusi şöbənin müstəntiqinin 1920-ci il 3 iyun tarixli qərarı ilə güllələnməyə məhkum edilib.[5] Güllələnərkən 27 yaşı olub.[5]
Azərbaycan Respublikası Prokurorluğu SSRİ Ali Soveti Rəyasət Heyətinin 1989-01-16 tarixli "1930–40 və 50 illərin əvvəllərində represiya qurbanları haqqında ədalətin bərpa edilməsi barədə əlavə tədbirlər haqqında" fərmanının I maddəsinə əsasən, Hacı Hüseyn Hacı Abdulla oğlu Əfəndiyevə 1993-cü il yanvarın 5-də bəraət verilib.[8]
Sovet işğalında qədər Hacı Hüseyn Əfəndiyevin Göyçay şəhərinin mərkəzində "İqbal" adlı kitab və dəftərxana ləvazimatı mağazası fəaliyyət göstərib.[9] Işğaldan sonra həm mağazası həm də ikimərtəbəli evi müsadirə olunub.[10] Sonrakı illərdə evində dəri zöhrəvi dispanser fəaliyyət göstərib.[9][10]
Hacı Hüseyn Əfəndiyev haqqında 2024-cü ildə Məhərrəm Zülfüqarlının müəllifi olduğu "Azərbaycan Xalq Cümhuriyyətinin qurucuları: Göyçaylı deputat Hacı Hüseyn Hacı Abdulla oğlu Əfəndiyev" adlı kitab nəşr edilib.[11]
 |
 |
LOVE.AZ |  |
 |
|
