Ii Selim Geray - Wikipedia - Love.az

II Səlim Gəray (1708 – 29 may 1748, Bağçasaray) — XXXVIII Krım xanı.^[1]

II Səlim Gəray
XXXVIII Krım xanı
noyabr 1743 – 29 may 1748
Əvvəlki	II Səlamət Gəray
Sonrakı	Arslan Gəray
Şəxsi məlumatlar
Doğum tarixi	1708
Vəfat tarixi	29 may 1748(1748-05-29)
Vəfat yeri	Bağçasaray
Dəfn yeri	Bağçasaray
Fəaliyyəti	hökümdar[d]
Atası	I Qaplan Gəray
Uşağı	II Qaplan Gəray
Ailəsi	Gəraylar
Dini	Əhlis-Sünnə
Vikianbarda əlaqəli mediafayllar

Krım xanı I Qaplan Gərayın oğludur. 1741-ci ildə əmisi II Səlamət tərəfindən kalqay təyin edildi. 2 il sonra onun Osmanlılar tərəfindən vəzifədən alınmasıyla Krım xanlığına gətirildi (noyabr 1743). Əmisi Adil Gərayın oğlu Şahini kalqay, digər əmisi Bəxti Gərayın oğlu Səlimi isə nurəddin təyin etdi. 3 il sonra Səlim Gərayın vəfatıyla nurəddin ünvanı digər əmisi Mehmed Gərayın oğlu Əhmədə verildi.

Taxta çıxdığı ərəfədə İstanbulda qıtlıq yaranmış, Krımdan göndərdiyi ərzaq və taxıl yarımıyla Osmanlı sultanının rəğbətini qazandı. Digər yandan uzun zamandır əsir tutulan rus əsirlərini qaytararaq ruslarla bağlanan sülhün qorunmasına müvəffəq oldu. 1745-ci ildə Nadir şah Əfşara qarşı tərtib olunan səfərə çağırıldı və 20 minlik hərbi birliklə Osmanlıların cəbhəsində vuruşdu. Hərbi şöhrət qazandı.

1748-ci ilin mayında Səlim Gəray vəfat etdi və cənazəsi Bağçasarayda dəfn olundu.