Kamile Saricalinskaya - Wikipedia - Love.az

1926-cı il oktyabrın 22-də Ağdam rayonunun Sarıcalı kəndində anadan olub. 1944–1950-ci illərdə BDU-nun Hüquq fakültəsində təhsil alıb. 1960–1963-cü illərdə Azərbaycan Dövlət Universitetinin əyani aspiranturasında təhsil alıb. 1967-ci ildə Moskva şəhərində namizədlik dissertasiyasını müdafiə edərək hüquq elmləri namizədi alimlik dərəcəsi alıb.

BDU-nun hüquq fakültəsində fəaliyyət göstərən 12.00.08 – "Cinayət hüququ, kriminologiya və cəza-icra hüququ" və 12.00.09 – "Cinayət prosesi, kriminalistika, məhkəmə ekspertizası, əməliyyat-axtarış fəaliyyəti" ixtisaslarında namizədlik dissertasiyalarının müdafiəsi üzrə dissertasiya şurasının sədr müavinidir. Onun rəhbərliyi altında altı nəfər hüquq elmləri namizədi alimlik dərəcəsi almışdır. Hal-hazırda 5 nəfər tədqiqatçının dissertasiyasına elmi rəhbərlik edir. BDU-nun Hüquq fakültəsinin, Azərbaycan Məhkəmə Ekspertizası Mərkəzinin, AMEA İnsan hüquqları İnstitutunun, "Antinarkotizm" Beynəlxalq Elmi Analitik Mərkəzin elmi şuralarının üzvüdür. "Azərbaycan Hüquq jurnalı", "Dirçəliş- XXI əsr", "Qanun", "Antinarkotizm", "Hüquq + Gənclik" jurnallarının redaksiya heyətlərinin üzvüdür.

Kamilə Sarıcalinskaya 2012-ci ildə vəfat etmişdir.^[2]

• 1949 – Azərbaycan Dövlət Universitetinin (Bakı Dövlət Universitetinin) Hüquq fakültəsinin Cinayət hüququ kafedrasında baş laborant.
• 1952–1954 — həmin kafedrada müəllim.
• 1957–60-cı illərdə Elmi Tədqiqat Məhkəmə Ekspertizası Laboratoriyasında baş ekspert .
• 1960–1963 ADU-da aspirant.
• 1964–1980 Cinayət hüququ və Cinayət prosesi kafedralarında baş müəllim, dosent.
• 1980–1991 Kriminalistika və məhkəmə ekspertizası kafedrasının müdiri.
• 1991–2003 Kriminalistika və məhkəmə ekspertizası kafedrasında dosent, professor əvəzi.
• 2003–2007 Hüquq fakültəsinin dekanı.
• 2007 Kriminalistika və məhkəmə ekspertizası kafedrasının professoru.

• 2006 Kriminalistik texnika. Dərs vəsaiti (həmmüəllifliklə).
• 2005 Cinayət mühakimə icraatında şəxsiyyətin eyniləşdirilməsinin problemləri.
• 2004 Məhkəmə ekspertizası. Dərs vəsaiti (həmmüəllifliklə).
• 2003 Ekspert-xətşünasların hazırlanması (həmmüəllifliklə).
• 1999 Kriminalistika. Ali məktəblər üçün dərslik (həmmüəllifliklə).

• Sarıcalinskaya Kamilə Qiyas qızı Arxivləşdirilib 2014-12-02 at the Wayback Machine

1. ↑ "Bakı Dövlət Universitetinin əməkdaşlarına fəxri adların verilməsi haqqında". e-qanun.az. 2009-10-30. 2014-11-09 tarixində orijinalından arxivləşdirilib. İstifadə tarixi: 2014-11-09.
2. ↑ "BDU-da Qarabağ ruhu". Bakı Dövlət Universiteti. 2020-12-02. 2022-07-08 tarixində arxivləşdirilib. İstifadə tarixi: 2022-07-08.