 |
 |
Love.az |  |
 |
Kinci İmanişi (今西 錦司, İmanişi Kinci?, 6 yanvar 1902[1], Kioto – 15 iyun 1992, Kioto) – Yaponiya zooloqu, ekoloqu və antropoloqu.[2] Yaponiyada primatologiya elminin əsasını qoymuşdur.[3]
| Kinci İmanişi | |
|---|---|
| yap. 今西 錦司 | |
 | |
| Doğum tarixi | 6 yanvar 1902[1] |
| Doğum yeri | |
| Vəfat tarixi | 15 iyun 1992 (90 yaşında) |
| Vəfat yeri | |
| Təhsili | |
| Fəaliyyəti | antropoloq, entomoloq, universitet müəllimi[d], alpinist |
| Mükafatları |
 |
 Vikianbarda əlaqəli mediafayllar | |
Kinci İmanişi 1902-ci ildə Yaponiyanın Kioto şəhərində doğulmuşdur.[2] Kioto Universitetindən məzun olduqdan sonra gündəcələrin ekologiyasını araşdırmağa başlamışdır.[2] Tədqiqatları əsasında "yaşayış arealı üzrə təcrid olunma" nəzəriyyəsini inkişaf etdirmişdir.[2] Bu nəzəriyyəyə görə eyni arealda məskunlaşan müxtəlif növlər müvəqqəti olaraq eyni yaşayış adaptasiyalarını saxlayırlar.[2]
Kioto Universitetində dərs verməyə başladıqdan sonra alpinizm və səyahətlə maraqlanmağa başlamışdır.[2] 1938–39 və 1944–46-cı illərdə Daxili Monqolustanda, 1941-ci ildə Ponpey adasında, 1952-ci ildə Nepalın Himalay dağlarında, eləcə də, digər yerlərdə tədqiqat ekspedisiyaları təşkil etmişdir.[2]
İkinci dünya müharibəsindən sonra Kioto Universitetinin Humanitar Elmlər üzrə Tədqiqat İnstitutunun üzvü olmuşdur.[2] Burada primatların davranışı üzərində tədqiqatlar başlatmışdır.[2] Onun yapon əntərləri haqqında araşdırmaları xarici ölkələrdə maraqla qarşılanmışdır.[2] 1957-ci ildə "Primates" jurnalını qurmuşdur.[3] Bu jurnal dünyada nəşr olunan ən köhnə beynəlxalq primatologiya jurnalıdır.[3] İmanişi 1979-cu ildə "Mədəniyyət" ordeni ilə təltif olunmuşdur.[2]
 |
 |
LOVE.AZ |  |
 |
|