 |
 |
Love.az |  |
 |
Rzayev Nurəddin Məmmədbağır oğlu (26 iyun 1929, Gədəbəy – 16 oktyabr 2011) — görkəmli Azərbaycan cərrahı, tibb elmləri doktoru (1965), professor, Azərbaycan SSR Əməkdar elm xadimi.[1][2]
| Nurəddin Rzayev | |
|---|---|
 | |
| Doğum tarixi | 26 iyun 1929 |
| Doğum yeri | |
| Vəfat tarixi | 16 oktyabr 2011 (82 yaşında) |
| Elmi dərəcəsi | tibb elmləri doktoru (1965) |
| Elmi adı | professor |
| Mükafatları |
 |
| nureddin.internet.az | |
Nurəddin Rzayev 1929-cu il iyun ayının 26-da Gədəbəydə həkim ailəsində anadan olmuşdur. 1945-ci ildə Gədəbəy şəhər orta məktəbinin ilk qızıl medalına layiq görülmüş və elə həmin il N. Nərimanov adına Azərbaycan Tibb İnstitutuna daxil olmuşdur. 1950-ci ildə ali məktəbi fərqlənmə diplomu ilə tamamlamışdır.[1]
Nurəddin Rzayev ali məktəbi bitirdikdən sonra təyinatla 1953-cü ilədək Türkmənistanda işləmişdir. Təyinat müddətini başa vurduqdan sonra Bakıya qayıtmış və elmi, cərrahi işini davam etdirmişdir.[1]1961-ci ildən Azərbaycan Elmlər Akademiyasının Elmi Tədqiqat Kliniki və Eksperimental Cərrahlıq İnstitutunun elmi katibi, az sonra elmi işlər üzrə direktor müavini, 1963-cü ildə direktor əvəzi və 1964-cü ildən 1994-cü ilədək institutun direktoru vəzifəsində işləmişdir.[2]
Nurəddin Rzayev 1994-cü ildə Xəzər Universitetində Cərrahiyyə departamentinin müdiri, 1995-ci ildə universitetin prorektoru, 1996-cı ildə Azərbaycan Universitetində "Şərq-Qərb" elmi mərkəzinin professoru, 1999-cu ildən Avrasiya Universitetində Türkoloji Araşdırmalar Mərkəzinin rəhbəri olmuşdur. 1996-cı ildən Azərbaycan Tibb Universitetində professor-konsultant kimi çalışmışdır.[1]
Nurəddin Rzayev 1958-ci ildə "Mezatonun cərrahiyyədə tətbiqi" mövzusunda namizədlik, 1965-ci ildə "Ağ ciyər arteriyalarının emboliya və trombozları" mövzusunda doktorluq dissertasiyası müdafiə etmiş, professor adı almışdır. 300-dək elmi məqalənin müəllifi olan əməkdar elm xadiminin rəhbərliyi ilə 40-dək elmlər doktoru və elmlər namizədi hazırlanmışdır.[1][2]
1966-cı ildə professor N. M. Rzayevin təşəbbüsü ilə "Qanın laxtalanma sistemi məsələləri" üzrə II Ümumittifaq konfrans keçirilmişdir. 1964–1990-cı illərdə Ümumittifaq Cərrahlar Cəmiyyətinin rəyasət heyətinin, Damar Cərrahlığı Üzrə İttifaq Problem Komissiyasının üzvü kimi SSRİ səviyyəsində keçirilən tədbirlərdə iştirak etmişdir. 1966-cı ildən Azərbaycan SSR-in Səhiyyə Nazirliyinin elmi şura üzvü, 1973–1983-cü illərdə Azərbaycan Cərrahlar Cəmiyyətinin sədri olmuşdur. Nurəddin Rzayev ABŞ, Rusiya Federasiyası, İngiltərə, Türkiyə, İran İR, Ukrayna, Belarus, Özbəkistan, Türkmənistan, Latviya, Polşa, Moldova, Ermənistan, Gürcüstan və s. respublikalarda keçirilmiş beynəlxalq elmi konfranslarda iştirak və çıxış etmişdir.[1]
Nurəddin Rzayev 1983-cü ildən Beynəlxalq Cərrahlar Cəmiyyətinin, 1993-cü ildən Avropa Təxirəsalınmaz Cərrahlıq və Travma Cəmiyyətinin, 1994-cü ildən Nyu York EA-nın həqiqi üzvü olmuşdur.[1]
16 oktyabr 2011-ci ildə vəfat edib.
 |
 |
LOVE.AZ |  |
 |
|