Puste Melikaslanova - Wikipedia - Love.az

Püstə xanım 2 fevral 1926-cı ildə Qaryagində (indiki Füzuli şəhəri) anadan olub. Qədim və nəcib Qarabağın zadəgan Məlik-Aslanovlar ailəsindəndir.^[1]
1949-cu ildə Azərbaycan Dövlət Tibb institutunu (indiki Azərbaycan Tibb Universiteti) bitirib.
1951–1953-ci illərdə Azərbaycan Respublikası Elmi-Tədqiqat Rentgen-Radiologiya İnstitutunun (indiki Milli Onkologiya Mərkəzi (Azərbaycan) aspiranturasında oxuyub.

• 1954-cı ildə "Bəd xassəli yenitörəmələrə qarşı skelet əzələlərinin morfo-fizioloji reaksiyasına dair materiallar" mövzusunda namizədlik dissertasiyasını müdafiə edib.
  
• 1970-ci ildə isə "Gözün yaşla əlaqədar dəyişiklikləri" mövzusunda doktorluq dissertasiyasını müdafiə edib.
  
• 1957– 2001-ci illərdə Elmi-Tədqiqat Göz xəstəlikləri İnstitutunun (indiki Akademik Zərifə Əliyeva adına Milli Oftalmologiya Mərkəzi) patomorfologiya və elektron mikroskopiya laboratoriyasının müdiri vəzifəsində çalışmışdır. Püstə xanım Azərbaycanda yeganə yüksəkixtisaslı oftalmopatomorfoloq olaraq, vətən oftalmologiyasına əvəzsiz xidmətlər göstərmişdir.^[2]
• 1984-cü ildə professor elmi adına layiq görülmüşdür.
  
• Püstə xanımın fəal iştirakı ilə təşkil olunmuş traxomanın laborator diaqnostikanın xidməti bu ağır göz xəstəliyinin respublikada tam ləğv olunmasını mümkün etmişdir. Onun səyləri nəticəsində institutda tətbiq edilmiş histokimyəvi üsullar, elektron, lyuminessent və polyarizasiyon mikroskoplarla aparılan müayinələr görmə üzvünün xəstəliklərinin morfoloji diaqnostika prinsiplərinin işləməsinə qiymətli əmanət olmuşdur və görmə üzvünün yenitörəmələrinin morfoloji diaqnostikası işində də böyük xidmətlərə malikdir.
• Məlik-Aslanovanın 150-dən artıq elmi əsər, 2 monoqrafiya çap etdirmişdir, 2 doktorluq və bir çox namizədlik dissertasiyalarının rəhbərliyində iştirak etmişdir.

• Həyat yoldaşı: Kamal Kərimzadə (1921 – ?)
  
• Övladı: Sənan (1959, Bakı)

Azərbaycan Respublikasının əməkdar elm xadimi — 02.11.2000.^[3][4]

• Məlik-Aslanovlar
  

• Məlik-Aslanova Püstə Süleyman bəy qızı //Azərbaycan Sovet Ensiklopediyası:10 cilddə.-Bakı,1980. — C.VI. — S. 489.
• П.С. Мелик-Асланова. Возрастные изменения глаза и зрительно-нервного пути: морфогистохимические исследования. З.А.Алиева.- Баку: Азернешр, 1980. — 122 C.
• П.С. Мелик-Асланова. Методическое рекомендации по выяавлению ферментов опухолей глаза в свете электронно-микроскопических исследований. Баку, 1981.
• N.A. Cavanşir. Məlik-Aslanovların soyağacı haqqında, Azərbaycan Tarixi Şəcərə Cəmiyyətinin Xəbərləri, İkinci Buraxılış, "Səda", Bakı, 2001, səh. 30 ISBN 5-86871-204-4
  
• E.E. İsmaylov. Məlik-Aslanovlar nəslinə dair dəqiqləşdirmələr (rus dilində), Azərbaycan Tarixi Şəcərə Cəmiyyətinin Xəbərləri, Üçüncü Buraxılış. Bakı, "Adiloğlu" nəşriyyatı, 2001, səh. 168 ISBN 9952-25-001-0
• “Sağlam İnkişaf və Maarifləndirmə” ictimai birliyi. XOCAVƏND RAYONU. GÖRKƏMLİ ŞƏXSİYYƏTLƏRİ. Bakı, “MHS – poliqraf”, 2010, 192 səh. ISBN 978-9952-459-01-2

1. ↑ "Məşhur alban sülalələri belə erməniləşdirilib..." www.baki-xeber.news — 07.09.2023.
2. ↑ "Görkəmli şəxsiyyətlər Zərifə Əliyeva haqqında". (#cite_web_url)
3. ↑ "AZƏRBAYCAN RESPUBLİKASI PREZİDENTİNİN FƏRMANI". frameworks.e-qanun.az — Bakı şəhəri, 2 noyabr 2000-ci il № 416.
4. ↑ Azərbaycan Respublikasının əməkdar elm xadimlərinin siyahısı