Portuqaliyali Yekaterina Braqanza Hersoginyasi - Wikipedia - Love.az

Ana Səhifə - Portuqaliyali Yekaterina Braqanza Hersoginyasi

Portuqaliyalı Yekaterina (port. Catarina de Portugal; 18 yanvar 1540, Lissabon – 15 noyabr 1614^[1]) — Portuqaliya kralı I Manuelin nəvəsi, Braqanza hersoginyası. Portuqaliya taxtı uğrunda mübarizədə (1580) haqq iddia edən yeganə qadın idi.

Portuqaliyalı Yekaterina

Şəxsi məlumatlar
Doğum tarixi	18 yanvar 1540
Doğum yeri	Lissabon, Portuqaliya
Vəfat tarixi	15 noyabr 1614(1614-11-15)^[1] (74 yaşında)
Atası	Infante Edward, 4th Duke of Guimarães
Uşaqları	Teodósio II, Duke of Braganza
Ailəsi	Avis sülaləsi
Vikianbarda əlaqəli mediafayllar

1540-cı ildə Avis sülaləsinə mənsub zadəgan bir ailədə doğulmuşdur. Atası İnfant Duarte I Manuelin oğlu, anası Braqanzalı İzabella isə I Duartenin kötücəsi idi. 6 dekabr 1563-cü ildə Braqanza hersoqu I Juanla evləndirildi. Cütlüyün bu nigahdan 9 övladı dünyaya gəldi.

Mariya (1565-1592)
Serafina (1566-1604)
II Teodosiya, Braqanza hersoqu
Eduard
Aleksandr
Çerubina (1572-1580)
Anjelika (1573-1576)
İzabella (1578-1582)
Filipp (1581-1608)

Portuqaliya kralı I Sebastyan 1578-ci ildə Mərakeşdə keçirilən Əl-Kəsər əl-Kibir döyüşündə varis qoymadan həlak olmuşdur. Onun ardınca taxta çıxan böyük əmisi, din xadimi olan Kardinal Henrik də 1580-ci ildə varissiz vəfat etmişdir. Beləliklə, Portuqaliya taxtı boş qalaraq ölkədə siyasi qeyri-müəyyənliyə səbəb olmuşdur.

Onun ölümündən sonra Avropanın 4 tərəfindən Portuqaliya taxtı üçün namizədlər öz taxt iddialarını irəli sürdülər. Namizədlər arasından Parma hersoqu I Ranuççio və Savoyya hersoqu Emmanuil Filibertin taxt iddiası çox az dəstəkləndi. Belə ki, onlar I Manuelin qız soyundan gəlirdilər. Bir digər namizəd olan Braqanza hersoginyası Yekaterina isə I Manuelin oğul soyundan gəlsə də, bir xanım idi və siyasi gücü zəif idi. Xalq və saray tərəfindən dəstəklənən Antonio isə İnfant Lüdovikin nigahdan kənar övladı olması baxımından taxt iddiası şübhəli idi. Buna baxmayaraq, xalq arasındakı populyarlığından istifadə edərək 24 iyul 1580-ci ildə özünü Portuqaliya kralı elan etdi.

Mənbə

redaktə

Ədəbiyyat

redaktə

Disney, A. R. A History of Portugal and the Portuguese Empire. From Beginnings to 1807. I: Portugal. Cambridge University Press. 2009. ISBN 978-0-521-60397-3.
Livermore, H.V. A New History of Portugal. Cambridge University Press. 1969. ISBN 9780521095716.
Marques, Antonio Henrique R. de Oliveira. History of Portugal. 1976.
McMurdo, Edward. The history of Portugal, from the Commencement of the Monarchy to the Reign of Alfonso III. London: Sampson Low, Marston, Searle, & Rivington. 1889. İstifadə tarixi: 25 October 2023.
Newitt, Malyn. The Braganzas: The Rise and Fall of the Ruling Dynasties of Portugal and Brazil, 1640–1910 (ingilis). Reaktion Books. 2019-10-15. ISBN 978-1-78914-165-8.
Pereira, Esteves; Rodrigues, Guilherme. Portugal: diccionario historico, chorographico, heraldico, biographico, bibliographico, numismatico e artistico (Portuguese). Lisboa: J. Romano Torres. 1904.
Pissurno, Fernanda Paixão. "Gênero e Poder na Crise Sucessória Portuguesa de 1578-80: Breves Notas sobre a Candidatura de D. Catarina, Duquesa de Bragança" [Gender and Power in the Portuguese Succession Crisis of 1578-80: Brief Notes on the Candidacy of D. Catarina, Duchess of Braganza]. Ars Historica (Portuguese). Federal University of Rio de Janeiro (13). 2016: 44–61. İstifadə tarixi: 14 March 2024.
Stephens, H. Morse. The Story of Portugal. New York: G. P. Putnam's Sons. 1891. İstifadə tarixi: 14 March 2024.

İstinadlar

redaktə

↑ ¹ ² Lundy D. R. Catarina de Guimarães // The Peerage (ing.).

Mənbə — "https://az.wikipedia.org/wiki/?q=Portuqaliyalı_Yekaterina_(Braqanza_hersoginyası)&oldid=8157440"