Sunbulvari Qargaotu - Wikipedia - Love.az

Çoxillik, 70 sm hünd.-də, qalın, çoxşişli kökümsovlu bitkidir. Gövdəsi düz, əsasından tünd, uzunsov pulcuqlarla örtülmüşdür. Yarpaqları iri, lələkvari yarpaqcıqlı, iki-üçqat bölümlüdür. Yarpaqcıqlar enli-oval, küt və ya qısa uclu, kənarları boyunca kəsikli və iti dişciklidir. Çiçəkləri 3–4 mm uz.-da, ağ rəngli, oval salxıma yığılmışdır. Ləçəklər oval, dırnağa qədər daralmış, demək olar ki, yumurtalığa bərabərdir. Meyvəsi giləmeyvəşəkilli, şarvari, qara rənglidir ^[3].

Dünyada: Əfqanıstan, Albaniya, Avstriya, Baltikyanı ölkələr, Belarus, Belçika, Bolqarıstan, Rusiya, Çexiya, Slovakiya, Danimarka, Himalay, Finlandiya, Fransa, Almaniya, Böyük Britaniya, Yunanıstan, Macarıstan, İran, İtaliya, Qazaxıstan, Krım, Nepal, Niderland, Şimali Qafqaz, Norveç, Pakistan, Polşa, Rumıniya, İspaniya, İsveç, İsveçrə, Cənubi Qafqaz, Türkiyə, Ukrayna ^[4]. Azərbaycanda: Böyük Qafqaz (Quba), BQ qərbi, Kiçik Qafqaz şimal, mərkəz, cənub (Laçın) ^[3].

Çiçəkləmə və meyvələmə may-iyun aylarına təsadüf edir. Orta və yuxarı dağ qurşaqlarında yayılır. Mezofit, işıqsevən bitkidir ^[5].

Dərman kimi: Ənənəvi olaraq revmatizm və oynaq ağrılarını müalicə etmək üçün, qut simptomlarını yüngülləşdirmək üçün, oynaq ağrısı, revmatizm və menstrual narahatlıq kimi vəziyyətlərdə homeopatiyada istifadə olunur. İltihab əleyhinə xüsusiyyətlərinə görə xaricə tətbiq etmək üçün məlhəm və ya təpitmə şəklində tətbiq olunur. Yarpaqları C vitamini ilə zəngindir ^[6].

Xoşagəlməz qoxulu zəhərli bitkidir. Meyvələrindən boya alınır. Dekorativ məqsədlə istifadə oluna bilər.

Actaea christophoriana Gouan

Actaea corymbosa Stokes

Actaea nigra (L.) G. Gaertn., B. Mey. & Scherb.

Actaea spicata var. nigra L.

Actaea spicata subsp. nigra Ehrh.

Actaea vulgaris Spach

Christophoriana spicata (L.) Moench