Tbilisi Beynelxalq Hava Limani - Wikipedia - Love.az

Şota Rustaveli adına Tbilisi Beynəlxalq Hava Limanı^[1] (gürc. თბილისის შოთა რუსთაველის სახელობის საერთაშორისო აეროპორტი) — Gürcüstannın əsas hava limanı. Tiflis şəhərindən şərqdə yerləşir.

Tbilisi Beynəlxalq Hava Limanı
41°40′09″ şm. e. 44°57′17″ ş. u.HGYO
IATA: TBS – ICAO: UGTB
Məlumat
Hava limanı tipi	ictimai
Ölkə	Gürcüstan
Operator	Dövlət
Xəritə
TBS
Uçuş-enmə zolaqları
İstiqamət Uzunluq Səth ft m 13R/31L 9,843 3,000 Asfalt
Rəsmi saytı
Vikianbarda əlaqəli mediafayllar

2007-ci ilin fevralında Tbilisi Beynəlxalq Aeroportunda bərpa işləri başa çatdırılmışdır. Burada yeni beynəlxalq terminal, uçuş-eniş zolağı, parkinq və yük terminalı istifadəyə verilmişdir. Şəhər mərkəzinə doğru yeni dəmir yolu inşa edilmişdir. Hər gün iki dəfə olmaqla gediş-gəliş təmin edilir. Corc Buş küçəsi isə hava limanından şəhərin mərkəzinə istiqamətlənir^[2].

Hava limanı müasir və funksional obyekt olaraq inşa edilmişdir. Havalinanın bütün obyektləri ilə birlikdə ümumi sahəsi 25 000 m² təşkil edir. Gələcəkdə hava limanının genişləndirilməsi onun funsiyasının dayandırılması olmadan belə etmək mümkündür. Hava limanında ictimai yeməkxana, mağaza^[3] və avtomobil kirayəsi üçün xüsusi yerlər vardır.

Hava limanının yenilənmə layihəsi ümumilikdə 90,5 mln dollara başa gəlmişdir. Hazırda hava limanı il ərzində 2.8 milyon sərnişinə xidmət edə bilər. 2013-cü ildə şərnişin dövriyyəsi 17 % artaraq 1 436 046 nəfərə çatmışdır.