Vikipediya Aciq Bilik Ucun Birlikde Yaziriq Istirak - Wikipedia - Love.az

Düşərgədə iştirak etmək üçün müraciətlər BU QEYDİYYAT FORMASI ilə qəbul edilir. Son qeydiyyat tarixi: 15 may 2025; 23:59:59.

Düşərgənin iştirakçıları Təşkilat Komitəsi üzvlərinin qiymətləndirməsi əsasında seçiləcəkdir.

1. Qeydiyyat blankının doldurulması (onlayn forma vasitəsilə ilkin müraciət). İştirakçı olmaq istəyən hər kəs ilk növbədə qeydiyyat formasını doldurmalıdır. Bu forma vasitəsilə iştirakçılar haqqında əsas məlumatlar toplanılacaq. Forma doldurmaq iştirak üçün əsas şərtdir.
2. Qeydiyyat kriteriyalarına uyğun iştirakçıların seçimi və müsahibəyə dəvət (qeydiyyat formasını dolduran iştirakçıların müraciətləri təşkilat komitəsi tərəfindən diqqətlə təhlil ediləcək və əvvəlcədən müəyyən edilmiş kriteriyalar – o cümlədən iştirakçının yaş aralığı, təhsil və ya peşə fəaliyyəti, düşərgənin məqsəd və məzmununa uyğunluğu, əvvəlki fəaliyyət və təşəbbüskarlığı, təqdim etdiyi motivasiya bəyanatının dolğunluğu və səmimiliyi əsasında qiymətləndiriləcək. Bu qiymətləndirmə nəticəsində seçilən, yəni qeydiyyat meyarlarına tam və ya qismən uyğun gələn namizədlər növbəti mərhələyə – təşkil olunan qısa onlayn və ya canlı müsahibə mərhələsinə dəvət olunacaqlar. Müsahibə zamanı iştirakçının şəxsi motivasiyası, sosial aktivliyi, komanda ilə işləmə bacarığı və düşərgə mühitinə uyğunluğu daha dərindən dəyərləndiriləcək).
3. Göndərilmiş bütün müraciətlər qeydiyyat kriteriyalarına əsasən qiymətləndiriləcək.
4. Müsahibə mərhələsində iştirakçının motivasiyası, ünsiyyət bacarığı və komandada işləmə potensialı qiymətləndiriləcək.

📌 Nəticə və qəbul Müsahibə mərhələsini uğurla tamamlayan iştirakçılar rəsmi olaraq düşərgəyə qəbul edilmiş hesab olunacaqlar və bu barədə onlara fərdi şəkildə məlumat veriləcək (e-poçt, və ya telefon vasitəsilə).