Vikipediya Movzulu Ay Vikibahar 2024 Qaydalar - Wikipedia - Love.az

Bu qaydalar yalnız az-vikidəki müsabiqəni tənzimləyir. Digər dillərdəki Vikipediyalar öz fərdi qaydalarını tətbiq edirlər.

Vikipediyada qeydiyyatdan keçmiş bütün istifadəçilər layihədə iştirak edə bilərlər.
Müsabiqəyə aşağıdakı meyarlara cavab verən məqalələr buraxılır:
- Məqalə Azərbaycan haqda olmamalıdır.
- Məqalə 21 mart – 31 may tarixləri arasında və Azərbaycan dilində yazılmış olmalıdır.
- Məqalə minimum 2000 bayt ölçüyə malik olmalı və texniki təyinatlı sözlər (şablon başlıqları, mənbələr, kateqoriya və s.) çıxılmaqla mətnində ən az 200 söz olmalıdır.
- Məqalə maşın tərcüməsindən ibarət olmamalıdır.
- Məqalədə etibarlı mənbələrə istinadlar olmalı və çatışmazlıqlar barədə şablonlar (məsələn, {{orijinal tədqiqat}}, {{mənbə azlığı}}, {{tərəfli}}, {{azərbaycanca deyil}} və s. olmamalıdır).
Məqalə siyahısındakı məqalələr tövsiyə xarakterlidir və təşkilatçıların öz ölkələri barədə yaradılmasını arzu etdikləri məqalələrdir.
Müsabiqə başa çatdıqdan sonra İştirakçılar səhifəsində iştirakı barədə məlumat yerləşdirən istifadəçilərin yaratdıqları məqalələr qiymətləndirmə zamanı nəzərə alınmır.
Jüri üzvlərinin dəyərləndirməsinə əsasən ən yaxşı nəticə göstərən 4 iştirakçı mükafatlandırılacaqdır.
Tələblərə cavab verən hər bir məqaləyə görə jüri üzvlərinin peşəkar mülahizəsinə əsasən 1-5 xal verilir.
Jüri üzvləri də müsabiqənin iştirakçısı ola bilərlər. Bu halda onlar öz məqalələrini qiymətləndirə bilməzlər.

Müəllif hüquqlarının pozulmasına dair siyasət

redaktə

Müsabiqənin münsifləri müsabiqəyə təqdim edilən məqalələri müəllif hüquqlarının qorunmasına dair tam və ya qismən yoxlayır. Qismən yoxlama zamanı müəllif hüquqlarının pozulması aşkar olunarsa, bu zaman iki hal mümkündür:

həmin istifadəçinin məqalələrinin tam yoxlanması;
həmin istifadəçinin digər məqalələrinin qismən yoxlanması və əgər əlavə pozuntular aşkar edilərsə, tam yoxlama aparmadan həmin istifadəçinin müsabiqədən kənarlaşdırılması.

Əgər istifadəçinin VP:MH qaydasının mövcudluğundan xəbərdar olduğu şübhə doğurmursa və istifadəçinin müsabiqəyə təqdim etdiyi məqalələrdə münsiflər heyətinin üzvləri tərəfindən aşağıdakı şərtlərə uyğunluq müəyyən edilərsə, o zaman istifadəçi istənilən halda diskvalifikasiya olunur:

a) 2 və ya daha artıq məqalədə pozuntular məqalənin silinməsinə və ya tam, yaxud əhəmiyyətli hissəsinin yenidən yazılmasına səbəb olubsa;

b) pozuntular sistematik xarakter daşıyırsa.

Mənbə — "https://az.wikipedia.org/wiki/?q=Vikipediya:Mövzulu_ay/VikiBahar_2024/Qaydalar&oldid=7536117"