 |
 |
Love.az |  |
 |
 | Bu səhifə Vikipediyanın rəsmi prinsiplərindən biridir. |
 | Səhifənin qısa məzmunu: Vikipediyada qanunla təhdid fəaliyyətləri ilə məşğul olacağınız təqdirdə qeyri-müəyyən müddətə bloklanacaqsınız. Böhtan, və ya müəlliflik hüquqları pozuntuları kimi hüquqi problemlər barədə nəzakətli qaydada olunan müraciətlər təhdid deyil və tez bir vaxtda tədbir görüləcək. |
Qayda səsvermə nəticəsində qəbul edilmişdir.
Vikipediyada qanunla təhdid qadağandır. Bu tip fəaliyyətlərlə məşğul olmaq Vikipediyanın özünə və redaktorlarına qarşı vikidənkənarda (real həyatda) hüquqi yollarla təhlükə yaratmaqdır. Bu tip fəaliyyətlərlə məşğul olan istifadəçilər birbaşa bloklanır. Vikipediyada hansısa narazılığı və problemləri həll etmək üçün qanuni yollara müraciət etmək yox, Vikipediya daxilində müzakirə aparmaq lazımdır. Hüquqi təhdidlər barədə Vikipediya:İnzibatçılara müraciət səhifəsində, və ya başqa yerlərdə birbaşa inzibatçılara məlumat verməyiniz xahiş olunur.
Hüquqi təhdidlər yazmaq əvəzinə, Vikipediyanın mübahisələrin həlli prosedurlarından birini istifadə etməyi düşünün. Əgər məsələ Vikimedia Fondu ilə bağlıdırsa, birbaşa Vikimedia Fondu ilə əlaqə saxlayın.
Vikipediya, və ya kənarda baş vermiş hansısa hadisəyə görə istifadəçilər arasında yaranmış hüquqi anlaşılmazlıqlara görə əgər ortada hansısa hüquqi təhdid yoxdursa, blok tətbiq olunmamalıdır. Hüquqi mübahisədə iştirak edən redaktorlar potensial maraq toqquşmaları hallarını nəzərə alaraq mübahisə tərəfi haqqında olan məqalələri redaktə etməməlidirlər.
Müəlliflik hüquqlarının pozulması ilə bağlı şikayətlər hüquqi təhdid deyil. Əgər siz Vikipediyaya əlavə olunmuş müəlliflik hüquqları ilə qorunan materialların sahibisinizsə, bu materiallardan istifadəyə müvafiq lisenziya ilə icazə verib-vermədiyinizə dair bir açıqlama verərsəniz, bu, xoş qarşılanacaq. Bu barədə Vikipediya:Bizimlə əlaqə səhifəsi vasitəsilə, və ya Vikimedia Fondunun təyin edilmiş agenti ilə əlaqə saxlaya, yaxud inzibatçılara məlumat verə bilərsiniz.
Materialın böhtan ehtiva edib-etməməsi ilə bağlı aparılan müzakirələr hüquqi təhdid deyil. Məqalələrdə böhtan aşkar edildiyi vaxt qaydalara əsasən onlar tamamilə silinir. Əgər böhtan ehtiva edən bəyanatın hədəfi olduğunuzu düşünürsünüzsə, inzibatçılara müraciət edin.
Ödənişli töhfə verən və maraq toqquşması olan redaktorları Vikimedia Fondunun istifadə şərtləri, qadağan olunan təbliğat və reklam fəaliyyətləri barədə məlumatlandırmaq hüquqi təhdid deyil.
Vikipediyada hər hansısa müzakirə və mübahisələr zamanı istifadə edəcəyiniz ifadələri diqqətlə seçməlisiniz. Digər redaktorları hüquqi təhdid kimi narahat edəcək və elə başa düşmələrinə (yanlış da olsa) səbəb verən üslubdan və şərhlərdən çəkinməlisiniz. Məsələn, başqa bir redaktorun şərhlərinin "təhqir" və "böhtan" olduğunu iddia edərsəniz, o redaktor sizin şərhinizi təhdid kimi qəbul edə bilər. "Haqqımda qeyd edilmiş bu ifadə doğru deyil, onun düzəldilməsini xahiş edirəm" kimi bir ifadə istifadə etməyiniz həmişə daha yaxşı olar.
Hüquqi təhdidlər yazmaq bir sıra problemlərə səbəb olan qeyri-etik davranışdır:
Mübahisələrin həlli prosedurlarından istifadə etmək hüquqi təhdidlərə əl atmaqdan və digər qəbuledilməz davranışlar sərgilməkdən daha müsbət nəticəyə gətirib çıxaracaq.
Vikipediya icmasının insanların dəyişə biləcəyinə dair uzunmüddətli bir prinsipi var: əsəbi halda, və ya səhvən qərar verərək istifadə olunan ifadələr geri götürüldükdən sonra təkrar istifadə olunmamalıdır.
Məqsəd uyğunsuz məzmunun düzəldilməsinin qarşısını almaq deyil, hüquqi təhdidlərin qarşısını önləməkdir. Redaktorlar zərərçəkmiş istifadəçini məqalədəki səhvləri müəyyən etməyə təşviq etməlidir.
Müzakirə səhifələrində qanuni təhdidlərlə məşğul olan istifadəçilərin fəaliyyətləri qeyri-müəyyən müddətə məhdudlaşdırılacaq. Nəzakətli şəkildə bir müzakirəyə başlamağa cəhd edənə kimi onların müzakirə səhifələrini redaktə etməsinin qarşısı alınmamalıdır. Əgər faydası yoxdursa, istifadəçi eyni üslubda davam edirsə və narahatlığa yol açırsa, o vaxt onun redaktə imkanları tam məhdudlaşdırıla bilər.
 Vikipediya qaydaları və təlimatları | |||||||||
|---|---|---|---|---|---|---|---|---|---|
| Məzmun |
| ||||||||
| Davranış | |||||||||
| Silmə |
| ||||||||
| Qaydaların tətbiqi |
| ||||||||
| lər |
| ||||||||
| Mübahisələr |
| ||||||||
| Layihə məzmunları |
| ||||||||
| Səsvermə |
| ||||||||
| VMF; |
| ||||||||
 |
 |
LOVE.AZ |  |
 |
|
