Vikipediya Muzakiresi Silinmeye Namized Sehifeler Arxiv 1 - Wikipedia - Love.az

Yeri gəlmişkən silinməsini istədiyimiz siyahıları hara əlavə edəciyik ? Ad da səhvdir.--samral ^müzakirə 14:22, 28 oktyabr 2014 (UTC)

Arxivə. Ad səhvdir - düzünü təklif edin. --İrada (talk) 14:57, 28 oktyabr 2014 (UTC)

İradə xanım, hesab edirəm ki, silinməsi nəzərdə tutulan, yaxud silinməsi barədə müzakirə gedən səhifələrdə mütləq "sil" şablonu yerləşdirilməlidir. Müzakirələr zamanı məqalənin silinməsinin vikipediya qaydalarına zidd olması müəyyənləşərsə, o zaman həmin şablon həmin məqalədən götürülməlidir. İcazənizlə, həmin şablonlartı mən özüm qoyum. — Bu imzasız yazı 94.20.193.202 (m) tərəfindən əlavə edilib;

Məqalə Vikipediya qaydalarına tamam zidd olduqda "Sil" şablonu qoyulur. Məqalənin silinib və ya qalması ilə əlaqədar müzakirəyə çıxarılması üçün isə yeni şablon hazırlanmalıdır. --İrada (talk) 09:33, 30 oktyabr 2014 (UTC)

30 gün müzakirəyə sərf etmək real deyil: [1] Problem 3-4 günə həll olunmalıdır. Əgər 7 gün ərzində şəxs vikipediya ilə maraqlanmayıbsa və fikrini deməyibsə bu artıq onun günahıdır.Bizim Viki-cəmiyyət 7 günə düzgün qərar çıxara bilər. Təklif edirəm maksimum 10 gün olsun --İrada (talk) 06:52, 31 oktyabr 2014 (UTC)

7 gün azdır, 10 gün də azdır, 30 yazarkən digər vikilərin təcrübəsini nəzərə almışam, hərçənd onlarda son tarix ümumiyyətlə yoxdu. Müzakirələr bəzən bir neçə ay da çəkə bilər. --NKO ^zi 06:56, 31 oktyabr 2014 (UTC)

Bizdə silinəcək məqalələr çoxdur. Hər məqaləyə 30 gün vaxt versək proses illərlə uzanacaq. Heç olmasa maksimum 15 gün edək. --İrada (talk) 07:11, 31 oktyabr 2014 (UTC)

Zənn edirəm ki, biz davamlı qayda işləyirik, ona görə əvvəlcədən hər şeyi dəqiqləşdirməliyik. Prosesin illərlə uzanmasının da bir ziyanı olmaz. --NKO ^zi 07:16, 31 oktyabr 2014 (UTC)

10-15 günə dəqiqləşə bilməyən iş heç 1 ilə də dəqiqləşən deyil. Siz vaxtı uzadırsız. Ona görə sizinlə razılaşmıram. --İrada (talk) 07:34, 31 oktyabr 2014 (UTC)

•   Şərh: Azerifactory, Silinsin yazmısınız səbəb?. (Səhifə yenidən redaktə olunub) --H.Elxan (müzakirə) 15:40, 4 avqust 2018 (UTC)

•   Şərh: Neriman2003, Qeyri-ensiklopedik yazmısınız Vikipediya:Ensiklopedik əhəmiyyətlilik (şəxslər) burda alimlərə baxsaz görərsiniz ki, Elmlər doktorları ensiklopedik şəxs hesab edilirlər. --H.Elxan (müzakirə) 15:47, 4 avqust 2018 (UTC)

Hörmətli Azerifactory, Lütfən məqalələri yekunlaşdırmadan silib arxiv bölməsinə yerləşdirməyin. Hər məqaləyə yekunlaşdırma etmək önəmlidir. Bunu sizə bir müddət öncə də demişdim. Siz əməl etmədiniz və bu kimi sorunlarla qarşılaşdıq. Əgər buna vaxtınız yoxdursa, bu işlə vaxtı bol olan idarəçilər məşğul olsunlar. Ümid edirəm ki, bu dəfə məni anlayacaqsınız. Hörmətlə--eldarado ^✉ 07:42, 19 fevral 2019 (UTC)

Eldaradonun fikirləri ilə həmrəyəm. Ümumən son dövrlər Azerifactory çox silinmələr edir. Bu da haqlı narazılıqlar yaradır. --Araz Yaquboglu (müzakirə) 08:26, 19 fevral 2019 (UTC)

Mən Araz Yaquboglu, mən Eldarado dediyi kimi artıq bu işlərə qarışmayacam və ümid edirəm problemlər olmayacaq.--Azerifactory (müzakirə) 08:31, 19 fevral 2019 (UTC)

Hörmətli idarəçilər, müzakirələri yekunlaşdırdıqdan sonra dərhal arxivləşdirməyin. Çalışın ay sonrları bu işi edin. Əgər çox olarsa ayda iki dəfə edin. Məqaləni yekunlaşdırıb və dərhal arxivləşdirmək doğru deyil. Bununla tələm tələsik qərar vermiş və şəffaflığı pozmuş kimi bir görüntü yaradırıq. Cünki bəzi istifadəçilər arxivləşmədən xəbərləri olmur və izlədikləri müzakirənin nəticəsini də tapa bilmirlər. Lütfən bu məsələdə də biraz diqqətli olaq. Bu cür fəaliyyətin son dövrlərlə Azerifactory və Eminndə şahidi olmuşam. Hörmətlə--eldarado ^✉ 15:30, 4 avqust 2019 (UTC)

Eldarado ilə həmfikirəm. Yekunlaşdırın, amma qalsın səhifədə. Çoxaldıqda arxivləşdirmə etmək olar. --Araz Yaquboglu (müzakirə) 15:40, 4 avqust 2019 (UTC)

Eldarado, dərhal arxivləşdirməməyə çalışıram, 3-4 gün keçəndən sonra arxivləşdirirəm. Amma arxivləşdirmənin təxirə salınması ilə bağlı harda razılaşma olduğunu tapa bilmədim. O müzakirə harda gedib?--Eminn ismarıc 16:52, 7 avqust 2019 (UTC)

Salam. Silinməyə namizəd səhifələr üçün işlədilən silinməsinin, yaxud qalmasının zəruri olması hesab edilən Sürətli silinsin, Sürətli qalsın ifadələrinin münasib olmadığını düşünürəm. Bu ifadələri "Mütləq silinsin", "Təcili silinsin", "mütləq qalsın", yaxud "Mütləq silinməlidir", "Təcili silinməlidir", "mütləq qalmalıdır" (eləcə də bu kimi başqa variantlar da ola bilər) kimi işlədilsə, dilimizə daha uyğun olduğunu hesab edirəm.→Vago ^ms 21:17, 14 iyun 2020 (UTC)

✔ Qalsın:— ► Soleluna1982 (müzakirə) 21:38, 24 iyun 2020 (UTC)

Xahiş edirəm, bura silinməyə namizəd kimi qoyulan məqaləyə dair iddiaçı məqalənin ensiklopedik əhəmiyyət daşımaması barədə səbəb göstərməsə, məqalə çıxarılsın. Belə ki, silinməyə namizəd səhifəsinin başlıqda yazılır: "Səhifənin adı və silmə səbəbi iddiaçı tərəfindən daxil edilir. Arqumentlər göstərilir. Müzakirə aparılır." →Vago ^ms 10:44, 15 iyun 2020 (UTC)

Səsvermə nəticəsində silinməməsinə qərar verilən səhifələrin müzakirə səhifəsində bu barədə şablon yerləşdirilir (məsələn Müzakirə:Orxan Aslanov). Lakin həmin şablonda səsverməyə birbaşa keçid yox, ancaq Arxivə keçid verilir. İstifadəçi özü arxivi ələk-vələk edərək həmin səsverməni tapmaq üçün çox uzun zaman sərf etməli olur. Şablonda arxiv əvəzinə səsverməyə birbaşa keçid qoymaq mümkündür? — Thunder Storm (müzakirə) 12:26, 30 iyun 2020 (UTC)

Salam. SNS müzakirələrində istifadə olunan "qalsın", "silinsin" və digər şablonların istifadə olunmamasını təklif edirəm. Belə olduqda istər-istəməz müzakirələr səsverməyə çevrilir. Yekunlaşdırmalarda da "qalsın", "silinsin" şablonları diqqəti tez cəlb edir və rəy bildirmək istəyən istifadəçilərə, ümumi qərara təsir edir. Hamı öz fikrini sözlərlə yazsa, yekunlaşdıran idarəçi məcbur olub bütün fikirləri oxuyacaq. Dr.Wiki54, Lavici, Toghrul R, Solavirum, Araz Yaquboglu, Santorica, Atakhanli, Xeyal, Wikipediya M, Onyeddi, Azerifactory, Burocan, White Demon, SNS-də daha çox fəal olan istifadəçilər olaraq fikir bildirməyinizi xahiş edirəm.— Eminn (müzakirə) 19:08, 14 may 2022 (UTC)

Şablon əvəzinə sadəcə "qalsın:" kimi yazmaq olar, lakin arqument göstərməyənlər, ən azından "X-in fikirlərinə qatılıram" deməyənin yazdığı qəbul edilməsin. --► Hörmətlə: SolaVirum 19:19, 14 may 2022 (UTC)

Solavirum ilə razıyam. Əslində məncə, şablonlarla bağlı problem yoxdur, arqumentlərə aid fikirlərin etibarlığını yoxlayacaq və təsdiqləyəcək çərçivədə qayda hazırlanmalıdır ki, bu fikir etibarlıdır mı, deyil mi. Fikirləriniz maraqlıdır. Lavici ^mesaj? 10:29, 23 may 2022 (UTC)

Təkliflə razıyam. Ancaq məncə, təkcə rəy bildirmək də kifayət deyil. Bildirilən rəyin mahiyyəti də əhəmiyyət kəsb etməlidir. Məsələn, ən son xatırladığım "müşavir məqalələri"nin müzakirələrində " çoxlu elmi məqalələri var" arqumentinə qarşı "nəşrlər AAK siyahısındadırmı" kontr-arqumentinə ümumiyyətlə cavab verilmirdi. Çünki məhz yerli alimlər üçün AAK siyahısında olan nəşrlərdə məqalə çapı onların elmi nüfuzunun göstəricisi sayılır. Yekun vəziyyətdə isə bu qəbildən olan "arqumentlər" konsensus olmadığına dair görüntü yaradır. Hesab edirəm ki, bu məqamın da nəzərə alınması SNS-in effektiv fəaliyyəti cəhətdən məqsədəuyğundur. — Burocan (müzakirə) 20:55, 14 may 2022 (UTC)

Maraqlı təklifdir. Amma bu qərar necə həyata keçiriləcək? SNS-də bu şablonların istifadəsinə qadağa qoyulacaq? Kimsə SNS-də bu şablondan istifadə etsə şablonu çıxaracayıq hər dəfə? Şablonların birbaşa silinməsi məqsədəuyğun görünmür, çünki səsvermələrdə istifadə olunur. White Demツn^yaz 21:20, 14 may 2022 (UTC)

Əslində yaxşı fikirdi. Yavaş-yavaş bizlər şablonsuz fikir bildirsək, qalanlar da baxıb şablonsuz fikir yazacaqlar. — Araz Yaquboglu (müzakirə) 05:20, 15 may 2022 (UTC)

@Eminn Bəy, salam. Maraqlı təklifdir. @White Demon bəy də düzgün vurğulayır. Bu biraz vaxt alan və işimizi artıran birşey olacaq. @Araz Yaquboglu Bəyin də fikri düzgündür. Biz istifadə etməsək yenilər heç etməz. Sadəcə maraqlısı budur ki, səsvermənin düzgün olmadığından şikayətlənənlər çox hallarda nəticədə səsvermə nəticəsini üstün tutur. Bunun qarşısını almaq üçün başqa vikilərdə sadəcə rəylərə baxırlar silinsin qalsın sayısına yox. Qərarsız qaldım, düzü. - Dr.Wiki54 (müzakirə) 09:04, 15 may 2022 (UTC)

Əslində bir tərəfdən yaxşı, bir tərəfdən də pisdir. Yaxşısı odur ki, idarəçilər siləndə saya baxıb silməyəcək səsvermə zamanı bir-iki nəfər silinsin deyəndə digərləridə kütlə psixologiyasına əsasən araşdırmadan silinsin yazır, bunun qarşı alınar. Pisi isə o zaman gərək idarəçilər bütün arqumentlərin hamısını tək-tək oxusun, bunuda bütün idarəçilər etməyəcək fikrimcə yanlış anlamayın mən heç bir idarəçinin işini tənqid etmirəm, ancaq bir ara SNS-dəki idarəçilərin müzakirələri sonlandırması vəs. kimi problemlər var idi. Elə olsa yenədə aktivlik azalacaq SNS bölməsində. Həmçinin vaxt itkisi olacaq. Santorica 09:31, 15 may 2022 (UTC)

White Demon, səhifənin girişində şablonları yığışdırarıq. Ən çox rəy bildirənlər istifadə etmədikcə, tədricən istifadə azalacaq. Əlavə olunmuş şablonları silmək lazım deyil. Santorica, yoxlamaq lazımdır. İndiki vəziyyətdə müzakirə yox səsvermə gedir. İnzibatçılar bacarmayacaqsa, tələb edəcəksiniz. Tənqid etməyə haqqınız var. Rövşən İşık, Qraf061, Wikipediya M, Patriot Kor, Babək Akifoğlu, Khidirzada, məsələyə mövqe bildirməyinizi xahiş edirəm.— Eminn (müzakirə) 10:40, 15 may 2022 (UTC)

Hazırkı vəziyyətdə davam etməsində problem görmürəm, olduğu kimi qalmasının tərəfdarıyam. Mövcud vəziyyət onsuz da arqument bildirmək istəyənlərə məhdudiyyət yaratmır. --Babək Akifoğlu (müzakirə) 10:51, 28 mart 2022 (UTC) may

Salam Mənim fikirimcə şablonlar qalmalıdı çünki ümumi olaraq VP:SNSdə müzakirə edilən məqalənin idarəçilər tərəfindən araşdırılması vaxt aparacaq və müzakirədə aktivlik azalacaq -- Qraf061 (müzakirə) 13:00, 15 may 2022 (UTC)

Salam. Mən təkliflə razı deyiləm, hesab edirəm şablonların qalması məqsədəuyğundur. Bildiyim qədərilə vikipediyanın digər dil bölmələrində də bu təcrübə var və hələ də qalmaqdadır.—Wikipediya M (müzakirə) 10:54, 15 may 2022 (UTC)

Hazırkı vəziyyətdə davam etməsində problem görmürəm. Əksinə silinməli olan səhifələrə qarşı tələblər gücləndirilməlidir. Mən ümumiyyətlə bu məsələdə bir inzibatçının yox, bir neçəsinin qərar verməli olduğunu düşünürəm. Məhz bu zaman subyektivlikdən qaçmaq olar. Çünki bəzən hətta səs çoxluğu silinmənin lehinə olduqda belə, inzibatçı başqa cür qərar verir. Ensiklopedik meyarlara cavab verməyən, bir çox səhifə silinmir. Məsələn bu yaxınlarda silinən Mustafa Abbasbəyli səhifəsi kimi. Səhifə yalnız üçüncü cəhddən sonra silindi. Halbuki səhifənin reklam xarakterli olması və şəxsin ensiklopedik tələblərə cəvab verməməsi əvvəldən bəlli idi. — İrövşən (müzakirə) 11:22, 16 may 2022 (UTC)

Salam hörmətli inzibatçılar (Araz Yaquboglu, Babək Akifoğlu, Baskervill, Drabdullayev17, Eldarado, Eminn, Nicat49, Burocan, Qolcomaq, Sortilegus, Toghrul Rahimli, Turkmen, Wertuose, White Demon, Sura Shukurlu, Solavirum). Belə bir şablon yaratdım və düşünürəm ki, SNS/BNS müzakirələrini və digər müzakirələri bu şablonu istifadə edərək yekunlaşdıra bilərsiniz. İstifadə edərkən {{YKN}} və ya {{Ykn}} olaraq qeyd edə bilərsiniz. Hörmətlə, Lavici ^mesaj? 16:15, 26 may 2022 (UTC)

@İstifadəçi:Lavici təşəkkür edirəm. Surə ^🗯 21:52, 26 may 2022 (UTC)

Şablonu istifadə etdikdə görüntüdə problem yaranırdı. Düzəliş etdim, amma artıq nəticəni şablonun parametri daxlində qeyd etmək lazımdır. Bu arada belə bir şablon daha əvvəl nəzərdə tutulubmuş. İndiki şablonun əvvəlkinin yenilənmiş versiyası olduğu üçün elə həmin şablonu yenisi ilə əvəz etdim. — Surə ^🗯 22:07, 26 may 2022 (UTC)

NMW03, rahatlıq baxımından bu şablondan istifadə edə bilərsiniz. Gadir^müzakirə 19:13, 25 avqust 2023 (UTC)

Həmin şablonu mən yaratmışam, @Gadir NMW03 (müzakirə) 19:15, 25 avqust 2023 (UTC)

Salam. Məncə, səhifənin başında qeyd edilən bu cümlə: "Son qərarı müzakirədə iştirak edən inzibatçılardan biri verir." dəyişək edək "İştirak etməyən inzibatçılardan biri verir". Belə daha şəffaf, obyektiv və tərəfsiz olar. Gadir (müzakirə) 09:47, 9 iyul 2023 (UTC)

Layihədə aktiv iştirak edən istifadəçilər: @Atakhanli, @Sura Shukurlu, @En Merker, @Wealszy, @Qraf061, @Bikar Orxan, @Xeyal, @White Demon, @Toghrul R, fikirləriniz maraqlıdır. Gadir (müzakirə) 09:51, 9 iyul 2023 (UTC)

İnzibatçı müzakirədə iştirak etməsə onu marağlandıran sualın cavabını ala bilməz. Bikar Orxan (müzakirə) 10:03, 9 iyul 2023 (UTC)

Belədə də düzdür, sizcə? Gadir (müzakirə) 10:09, 9 iyul 2023 (UTC)

İnzibatçılar seçiləndə tərəfsiz və obyektiv olmaları nəzərə alınır. White Demon-un dediyi kimi konsensusla bağlı qeyd əlavə etmək olar.Bikar Orxan (müzakirə) 10:25, 9 iyul 2023 (UTC)

Çox vaxt hə, amma açıq-aydın konsensus varsa, iştirak edən inzibatçı da yekunlaşdıra bilər. Şiroi Akuma 10:19, 9 iyul 2023 (UTC)

Razıyam, mən də belə düşünürəm. Belə olsun. Gadir (müzakirə) 10:22, 9 iyul 2023 (UTC)

Nemoralis yeni üslubu gördüm. Bəlkə həmin səhifələrə kateqoriya əlavə edək ki rahat tapılsın səhifələr. Yəni müzakirə gedən. Ya da nəsə başqa bir rahat tapılma forması olsun. — Araz Yaquboglu (müzakirə) 14:17, 25 sentyabr 2023 (UTC)

@Araz Yaquboglu, altsəhifələri deyirsiniz? Nemoralis (müzakirə) 15:07, 25 sentyabr 2023 (UTC)

Bəli Araz Yaquboglu (müzakirə) 15:40, 25 sentyabr 2023 (UTC)

Altsəhifələri @Toghrul R təklif etmişdi. Edər yəqin, etməsə edərik) Nemoralis (müzakirə) 13:45, 26 sentyabr 2023 (UTC)

Bu müzakirə Vikipediya:Silinməyə namizəd səhifələr/Abuzər Nadirov səhifəsindən köçürülmüşdür.

Nemoralis, salam. Özünüz inzibatçısınız, amma qaydaları pozursunuz. Bu və bir çox digər səhifələrin müzakirəsi 1 aydan çoxdur davam edir. Xahiş edirəm qaydalara əməl edin. VP:SNSMÜZAKİRƏSİ oxuyun:

"Müzakirə müddəti bitdikdən sonra az şərh verilmiş namizədliklərin müddəti inzibatçılar tərəfindən daha bir 7 gün müddətinə uzadıla bilər. Bir müzakirə maksimum 28 gün çəkə bilər." Asel007 (müzakirə) 07:38, 14 iyul 2024 (UTC)

Müzakirə artıq 2 aydır davam edir. Problem nədir? Hörmətlə, Gadir^müzakirə 07:50, 14 iyul 2024 (UTC)

Sual kimə ünvanlanıb? Müzakirənin 2 ay çəkməsi qaydalara ziddir. Maksimum 28 gün çəkə bilər. İnzibatçılar öz qoyduqları qaydalara əməl etməlidir. Asel007 (müzakirə) 11:11, 14 iyul 2024 (UTC)

@Asel007, qaydaları inzibatçılar qoymur. Həmçinin mənim başlatdığım müzakirəni mənim yekunlaşdırmağım doğru olmaz. Müzakirədə iştirak etməmiş bir inzibatçı yekunlaşdırsa daha doğru olar. Nemoralis (müzakirə) 11:20, 14 iyul 2024 (UTC)

Bəlkə heç bir inzibatçı heç nə təklif etməyəcək? Asel007 (müzakirə) 11:39, 14 iyul 2024 (UTC)

Hörmətli 4 saat bundan əvvəl qeydiyyatdan keçmiş istifadəçi. Sizi bu qədər narahat edən nədir? Vikipediya könüllü layihədir. Təyin olunmuş müddətlərə görə heç kim məsuliyyət daşımır. Nemoralis (müzakirə) 11:43, 14 iyul 2024 (UTC)

Hörmətli 1 il əvvəl seçilmiş inzibatçı, mənim nə vaxt qeydiyyatdan keçməyimin məsələyə nə dəxli. Mən vikipediyanı lap çoxdan oxuyuram. İndi də baxıram ki, yazılanlara əməl edilmir. İnzibatçılar bu məsələlərə nəzarət etməlidirlər. Əks halda yazılanların nə mənası? Sual: o qaydaları ora yəqin ki mənim kimi təzəcə qeydiyyatdan keçmiş istifadəçilər qoymayıb. Kim qoyubsa, yəqin ki, sizlər də razılaşmısınız. Yoxsa orada kim nə istəsə yaza bilməz. Necə yanı heç kəs məsuliyyət daşımır? Təyin olunmuş müddətlərə görə həm səhifəni müzakirəyə çıxaranlar, həm də inzibatçılar birbaşa məsuliyyət daşımalıdır. Asel007 (müzakirə) 12:05, 14 iyul 2024 (UTC)

Mən 2019-cu ildən bəri inzibatçıyam, VP:İ səhifəsindəki qrafikə baxa bilərsiniz.   İnzibatçılar da daxil olmaqla hamı könüllüdür. Heç kim məsuliyyət daşımır. Nemoralis (müzakirə) 12:08, 14 iyul 2024 (UTC)

Belə çıxır mən gedib VP:SNSMÜZAKİRƏSİ qaydalarında nə istəsəm yazaram və heç kim, heç nə etməz. Gülməli söhbət edirsiniz.

Mən baxdım VP:SS səhifə silmə qaydalarına töhfələri əsasən inzibatçılar verib. Əgər dediyiniz kimi heç kim məsuliyyət daşımırsa, VP:SS-in yaradılmasının mənası nə idi? Amma mən belə görürəm sualıma adekvat cavab ala bilməyəcəyəm. Ona görə necə istəyirsiniz elə edin. VP:SS kimi qaydalar sistemi yaradın, sonra da həmin qaydalar pozulanda deyin ki, heç kim məsuliyyət daşımır. Asel007 (müzakirə) 12:44, 14 iyul 2024 (UTC)

Ortada heç bir pozuntu yoxdur. Müzakirənin artıq davam etməsi niyə sizə problemdir? O bənd şərtidir, 28 günün sonunda hələ də müzakirələr davam edə bilər, müddətin uzanmasının heç bir ziyanı yoxdur, digər vikilərdə də belə hallar yaşanır. Beş əsas prinsip: beşinci bənd: "Vikipediyanın dəyişməz qaydaları yoxdur". Buna bu qədər vaxt xərclədiyinizə məqalə üçün şərh bildirib, yaxud məqalə üzərində redaktə etsəniz, bəlkə nəsə edərdiniz. Artıq ikinci dəfə qeyd edirəm, zəhmət olmasa müzakirəni məqalə istiqamətində davam etdirin. Bu etirazınızı müvafiq səhifələrə qeyd edə bilərsiniz, bura yox, qoy danışılsın, görək nədir nə deyil. Çünki burada müzakirə mövzusu hazırkı məqalədir deyə bu müzakirənin heç bir anlamı və töhfəsi yoxdur. Hörmətlə, Gadir^müzakirə 13:02, 14 iyul 2024 (UTC)

@Gadir, pozuntu var. Vikipediyada dəyişməz qaydalar yoxdur o demək deyil ki, mövcud qaydaları poz. O deməkdir ki, istənilən vaxt qaydaları dəyiş (və sonra yeni qaydalara əməl et). Əks halda məntiqsizlik olar. Siz dediyiniz kimi olsa, onda bura hansı qaydalara uyğun olaraq səhifələr müzakirəyə çıxarılıb, axı deyirsiniz dəyişməz qaydalar yoxdur? Deməli qaydalar var və bütün yazılmış qaydalara əməl etmək lazımdır. Asel007 (müzakirə) 08:25, 16 iyul 2024 (UTC)

O, o deməkdir ki, qaydalar yaxud mövcud vəziyyət ideal olmaya bilər, vəziyyətə baxıb elə dəyərləndirmək lazımdır; VP:İQNOR. Hörmətlə, Gadir^müzakirə 08:31, 16 iyul 2024 (UTC)

Özünüzə sərf edən şəkildə izah verirsiniz. Konkret yazılmış qaydalar var. Konkret 28 gün yazılıb. Təklif edirəm buna əməl edib vaxtı keçmiş müzakirələri bağlayasınız. Asel007 (müzakirə) 08:44, 16 iyul 2024 (UTC)

Niyə sırf daha çox bu başlığa yazmısınız, bu şəxslə hansısa əlaqəniz var? Hörmətlə, Gadir^müzakirə 08:46, 16 iyul 2024 (UTC)

@Gadir, səhifələrə töhfə verəcəyəm, bəzi müzakirə səhifələrində də töhfə vermişəm. Amma hiss edirəm ki, düz söz dediyim üçün və müzakirələrin mövcud qaydalar çərçivəsində aparılmasını istədiyim üçün hesabımı bağlayacaqsınız, hətta mənə xəbərdarlıq da göndərmisiniz. 🙂 Asel007 (müzakirə) 08:37, 16 iyul 2024 (UTC)

Mən sonuna qədər xoşniyyətli davranıram. Olan bilər nəyəsə etiraz edəsiniz, Vikipediya ideal və təkmil olmaya bilər, nəticədə könüllülük prinsipi əsasında işləyir. Mənim də etiraz etdiyim nüanslar var, amma belə olmamalıdır, müvafiq səhifələrdə müzakirə aça bilərsiniz, heç bir qadağa qoyulmur sizə. Sadəcə xəbərdarlıqdır, təəssüf ki, belə davam etsəniz fəaliyyətiniz məhdudlaşdırılacaq. Dəyərli töhfələr verə biləcəyinizə inanıram, amma əvvala Vikipediyanın iş prinsipləri ilə yaxından tanış olun. Konstruktiv töhfələrinizi gözləyirik. Uğurlar. Hörmətlə, Gadir^müzakirə 08:42, 16 iyul 2024 (UTC)

Etiraz edirəm və təklif edirəm ki, 28 günü keçmiş müzakirələri bağlayasınız, çünki bu 28 gün məsələsi qaydalarda konkret yazılıb. Bunu burada, yerində demək lazımdır, ayrı yerdə yox. Asel007 (müzakirə) 09:01, 16 iyul 2024 (UTC)

@Asel007, sizi bu qədər narahat edən nədir? Hesabınızı indicə yaratmısınız, yaradan kimi də düşmüsünüz bunun üstünə. Qaydaları töhfələri inzibatçıların verməsi heç bir şey ifadə etmir. Qaydalar müzakirə və səsvermə yolu ilə qəbul edilir. Sizə neçənci dəfədir izah olunur ki, Vikipediya könüllüdür. Nemoralis (müzakirə) 17:58, 14 iyul 2024 (UTC)

@Nemoralis, diqqətlə yazdıqlarımı oxuyun:

1) Hər dəfə mənə hesabı təzə yaratmısınız deməyiniz etik deyil. Bir tərəfdən deyirsiniz vikipediyada hamı bərabərdir, digər tərəfdən də hesabı yeni yaratdığımı ortaya atırsınız.

2) Hesabı o məqsədlə yaratmışam ki, qaydaları pozan inzibatçı və istifadəçiləri düz yola dəvət edim və buradakı müzakirələrdə iştirak edim.

3) Neçənci dəfədir soruşursunuz ki, məni nə narahat edir. Cavab verirəm, məni o narahat edir ki, burada bir çox səhifələr qaydalarda nəzərdə tutulmuş müddətdən çox müzakirə edilir. Aydındırmı? Mən görürəm ki, müzakirələri siz bağlayırsınız, ona görə də sizi qaydalara əməl etməyə dəvət edirəm.

4) Müzakirə səhifələrində digər qayda pozuntuları haqqında da yazmağı planlaşdırıram.

5) Ümid edirəm hər şeyi aydın şəkildə bildirdim. Mümkünsə yuxarıdakı kimi vikipediya könüllüdür, qaydalar səsvermə yolu ilə qəbul olunur kimi aşkar, amma dəxli olmayan məqamları önə çəkib çaşqınlıq yaratmayın. Zəhmət deyilsə bütün vaxtı keçmiş müzakirələri bağlayın. Asel007 (müzakirə) 08:10, 16 iyul 2024 (UTC)

@Asel007, hər dəfə hesabınızın yeni olduğunu vurğulayıram, çünki hesabı yeni yaratmış istifadəçilər adətən SNS-in nə olduğunu bilmir, qaldı ki onla bağlı qaydanı. Sizə üçüncü dəfədir deyirəm ki, müddətlə bağlı tələblərə görə heç kim məsuliyyət daşımır. Vikipediya könüllü layihədir, kimdən tələb edəcəksiniz? Qaydalara bu qədər önəm verirdinizsə eyni maddədə SNS-də sadəcə 500+ redaktəsi olan istifadəçilər fikir bildirə bilər cümləsinə də əməl etməli idiniz. Qaydanı bu qədər yaxşı bilirsinizsə deməli o hissəni görməzdən gəlirsiniz. Axırıncı xahişinizə isə vaxtım olanda baxacam. Yadda saxlayın ki, burdakı tək inzibatçı mən deyiləm. Nə də o müzakirələrin müddətdən artıq açıq qalması heç bir problem yaratmır. Qaydanı əlinizdə bayraq edib belə mənasız şikayətlər etmək heç nə vermir. Mənə görə heç bir fikir bildirilməmiş ancaq hələ də açıq olan müzakirə elə açıq olsa yaxşıdır. Nemoralis (müzakirə) 09:20, 16 iyul 2024 (UTC)

"SNS-də sadəcə 500+ redaktəsi olan istifadəçilər fikir bildirə bilər"

Hörmətli @Nemoralis, harada yazılıb bu cümlə?

Orada başqa cümlə yazılıb.

Orada yazılıb ki, yeni qeydiyyatdan keçmiş (500 redaktədən az olan) istifadəçilərin şərhləri ləğv edilə, xətlənə bilər. BİLƏR!!! Yəni siz istəsəniz poza bilərsiniz, istəsəniz pozmaya bilərsiniz. Bu artıq qalır sizin kimi inzibatçıların insafına. 🙂

Orada yazılmayıb axı mən fikir bildirə bilmərəm.

Deməli, mənim müzakirələrdə fikir bildirməyimə qaydalarda qadağa qoyulmayıb.

İnciməyin, amma mən sizin məntiqinizə heyranam. Qadağa olmaya-olmaya mənə deyirsiniz ki, qaydaları pozuram. 🙂 Asel007 (müzakirə) 11:07, 16 iyul 2024 (UTC)

Deyirsiniz ki, 1 aydan çoxdur davam edən müzakirələr var, onu da deyirsiniz ki, maksimum 28 gün çəkə bilər. Bildirirəm ki, bu müzakirə 2 aydır davam edir, indi də müzakirənin yekunlaşdırılmasını təklif edir və istəyirsiniz? Hörmətlə, Gadir^müzakirə 11:28, 14 iyul 2024 (UTC)

Mən təklif etməsəm, heç kəs təklif etməsə, müzakirə belə çıxır illərlə davam edə bilər. Onda qaydalarda 28 gün niyə yazılıb? Axı orada yazılmayıb ki, yalnız kimsə təklif edəndə müzakirə dayandırılmalıdır. Asel007 (müzakirə) 11:36, 14 iyul 2024 (UTC)

Çəkə bilər, çəkməlidir yox. Aktivlikdən dolayı yetəri qədər iştirak olmadığı üçün bəzi müzakirələrin bir neçə ay çəkməsi normaldır. Özünüz də qeyd etmisiniz, tək bu məqalə deyil. Zəhmət olmasa, şərhlərinizi artıq məqalə istiqamətində davam etdirin. Hörmətlə, Gadir^müzakirə 11:40, 14 iyul 2024 (UTC)

VP:SNSMÜZAKİRƏSİ müzakirə qaydaları haqqındadır. Siz bununla razı deyilsiniz? Deyirsiniz bir neçə ay çəkməsi normaldır. Deməli, özünüz inzibatçı olmağınıza baxmayaraq qaydalarla razı deyilsiniz. Asel007 (müzakirə) 12:10, 14 iyul 2024 (UTC)

Mənim razı olub-olmamağım məsələsi deyil, gerçəklik məsələsidir. Hörmətlə, Gadir^müzakirə 12:23, 14 iyul 2024 (UTC)

Siz özünüz 1 iyun tarixində VP:SS qaydalarına dəyişiklik etmisiniz. Əgər qaydalar rol oynamırsa və dediyiniz kimi gerçəklik rol oynayırsa, niyə siz inzibatçılar qaydalara bu qədər töhfələr verirsiniz? Asel007 (müzakirə) 12:48, 14 iyul 2024 (UTC)

Töhfə bu sayılmır axı. Texniki dəyişikliklər istisna olmaqla qaydalarda digər dəyişikliklər ümumi konsensusla edilir. Nemoralis (müzakirə) 17:59, 14 iyul 2024 (UTC)

@Asel007, qaydaya qalsa sizin bu səhifələrdəki başlıqlara yazmaq, müzakirə etmək üçün haqqınız yoxdur, özü də istinad etdiyiniz qaydada bu bənd qeyd edilib: VP:SS#Müzakirələrin sonlandırılması. Bu qədər bağlısınızsa qaydalara, nə üçün bunu görməzdən gəlirsiniz? Yuxarıda qeyd etmisiniz ki, bizə sərf edəni deyirik, indi sizin etdiyiniz nədir bəs? :) O bəndi həmin şərtləri ödəməyən istifadəçilərdən də keyfiyyətli arqumentlər gələ bilər deyə görməzdən gəlirik, heç kim də etiraz etmədiyinə görə ortada problem yoxdur, problem çıxarmağa da ehtiyac yoxdur. Sizin qeyd etdiyiniz məsələ də öz-özlüyündən olan haldır, heç kim məsuliyyət daşımır ona görə. Hörmətlə, Gadir^müzakirə 08:58, 16 iyul 2024 (UTC)

@Gadir, qaydaları niyə təhrif edirsiniz? Oradakı cümləni mümkünsə burada konkret yazın. Və konkret deyin ki, bax bu bəndə görə mən qaydaları pozmuşam. Asel007 (müzakirə) 11:13, 16 iyul 2024 (UTC)

Nəyi təhrif edirəm hörmətli istifadəçi? Deyəsən bunu görmək işinizə gəlmədi. Orada (qeyd etdiyiniz cümlənin həmən aşağısında) belə deyir:

Silinmə müzakirələrində şərhlər aşağıdakı hallarda ləğv edilə, xətlənə bilər:

• Kukla olduğu təsdiqlənən hesablar;
• Yeni qeydiyyatdan keçmiş (500 redaktədən az redaktə etmiş) istifadəçilər;
• 3 aydan çoxdur heç bir redaktə etməyən istifadəçilər;
• İP ilə səsvermə (İP ilə müzakirədə iştiraka izn verilir);

İndi zəhmət olmasa cavab verin, siz bu iki şərtə (ikinci və üçüncü) cavab verirsiniz? Hörmətlə, Gadir^müzakirə 11:18, 16 iyul 2024 (UTC)

Bu şərtlər siz inzibatçılar üçün yazılıb. İstəsəniz poza, istəsəniz saxlaya bilərsiniz. Orada yazılmayıb ki, mənim yazmağa haqqım yoxdur. Orada nə yazılıb tam aydın görünür. Asel007 (müzakirə) 11:25, 16 iyul 2024 (UTC)

@Gadir, bunun ona görə qaydalardan dəqiq cümlə(lər) şəklində gətirilməsini istəyirəm ki, burada təkcə bu yox, digər hallarda da inzibatçılar özləri qaydaları təhrif edir. Qaydalarda yazılıb ki, mənim yazdıqlarım xətlənə bilər (BİLƏR!!!), yazılmayıb ki, mənim şərh yazmağa haqqım yoxdur. Bəsdirin öz şəxsi fikirlərinizi qayda kimi təqdim etdiniz. Mən bütün inzibatçıları bu məsələlərə münasibət bildirməyə çağırıram. Asel007 (müzakirə) 11:22, 16 iyul 2024 (UTC)

Əla təhrifdir :))) Onda mən də sizə deyirəm, orada yazılıb 28 günə yekunlaşdırıla bilər, yazılmayıb ki axı yekunlaşdırılmalıdır mütləq. Bəs ləğv edilə bilər yazılıb da, o nə mənaya gəlir ki başqa. Deməli iştirak hüququnuz yoxdur. Təəssüf ki, xəbərdarlıqlara da məhəl qoymayaraq destruktiv fəaliyyət göstərirsiniz. Hörmətlə, Gadir^müzakirə 11:26, 16 iyul 2024 (UTC)

😀😀😀

Daha sözüm yoxdur.

Orada konkret yazılıb ki, müzakirə maksimum 28 gün çəkə bilər.

Orada 28 günə yekunlaşdırıla bilər yazılmayıb.

Nə isə.

Mən bu məsələni 100 faiz ictimailəşdirəcəyəm.

Səhifənin də şəklini çəkmişəm.

Qoyun hamı görsün ki, bəzi inzibatçıların məntiqi necə işləyir. Asel007 (müzakirə) 11:33, 16 iyul 2024 (UTC)

Orada konkret yazılıb ki, 500 redaktəsi olmayan və qeydiyyatdan tarixindən minimum 3 ay keçməmiş istifadəçilərin iştirak hüququ yoxdur. Xətlənəcəksə deməli iştirak etməmiş olursunuz. Yəni indi sizinlə bu müzakirəni belə etməmiş olardıq. :) İndiyə kimi bu formada bir çox istifadəçilərin şərhləri xətlənib. Əlavə olaraq, deyirsiniz yekunlaşdırıla bilər yazılmayıb, sonra da deyirsiniz çəkə bilər yazılıb, bir sözlə özünüz-özünüzü inkar etdiniz bu cümləniz ilə. Özünüzə necə sərf edir o şəkildə də cavablar yazır, yazılanları şərh edirsiniz. Məntiqinizə əhsən, ictimailləşdirin, bəlkə bu sayədə şöhrət oldunuz. :) Görünür nəsə maraqla gəlmisiniz bura qədər. Hörmətlə, Gadir^müzakirə 11:43, 16 iyul 2024 (UTC)

"500 redaktəsi olmayan və qeydiyyatdan tarixindən minimum 3 ay keçməmiş istifadəçilərin iştirak hüququ yoxdur".

Bu sizin cümlənizdir. Orada belə cümlə yazılmayıb.

Baxan biləcək.

Orada belə yazılıb:

"Silinmə müzakirələrində şərhlər aşağıdakı hallarda ləğv edilə, xətlənə bilər:

• Kukla olduğu təsdiqlənən hesablar;
• Yeni qeydiyyatdan keçmiş (500 redaktədən az redaktə etmiş) istifadəçilər;
• 3 aydan çoxdur heç bir redaktə etməyən istifadəçilər;"

Asel007 (müzakirə) 11:55, 16 iyul 2024 (UTC)

@Gadir, siz məsələləri qarışdırırsınız. Tezliklə bunu sizə deyəcəklər. Asel007 (müzakirə) 11:57, 16 iyul 2024 (UTC)

Tamam) Sizinlə müzakirənin xeyri yoxdur, sizə uğurlar. Hörmətlə, Gadir^müzakirə 12:01, 16 iyul 2024 (UTC)