. Love.az

Yusif Eliyev Jurnalist - Wikipedia - Love.az

Ana Səhifə - Yusif Eliyev Jurnalist
Bu məqalə silinməyə namizəddir
Bu səhifənin səhifə silmə qaydasına əsasən silinə biləcəyi güman edilir. Əgər səhifənin silinməsinə dair etirazınız varsa, silinməyə namizəd səhifələr səhifəsində bu barədə fikrinizi bildirin.
Müzakirə davam etdiyi müddət ərzində səhifədəki bu xəbərdarlığı silməyin.
Bu məqalə sonuncu dəfə 45 saat əvvəl White Demon (müzakirə | töhfələr) tərəfindən redaktə olunub. (Yenilə)
Vikipediyada bu ad-soyadlı digər şəxslər haqqında da məqalələr var; bax: Yusif Əliyev.
Bu məqalənin ensiklopedik tələblərə cavab vermədiyinə dair şübhələr var.
Lütfən, ensiklopedikliyi təsdiq etmək üçün məqalənin mövzusuna uyğun tərəfsiz, etibarlı mənbələr əlavə edin. Əgər belə mənbələr göstərilməzsə, məqalə birləşdirilə, köçürülə, yönləndirilə və ya silinə bilər.

Yusif Əliyev — "Təhsil Şurası" İctimai Birliyinin idarə heyətinin üzvü, Azərbaycan Respublikasının Əməkdar jurnalisti, Qızıl qələm mükafatçısı, 1993-cü ildən "Azərbaycan müəllimi" qəzetinin şöbə redaktoru.[1]

Yusif Əliyev
Doğum tarixi 20 noyabr 1951(1951-11-20)
Doğum yeri
  • Salyan, Salyan rayonu, Azərbaycan SSR, SSRİ
Vəfat tarixi 12 aprel 2019(2019-04-12) (67 yaşında)
Vəfat yeri
  • Bakı, Azərbaycan

Mündəricat

  • 1 Həyatı
    • 1.1 Təhsili
  • 2 Fəaliyyəti
    • 2.1 Pedaqoji fəaliyyəti
  • 3 Mükafatları, təltifləri və fəxri adları
  • 4 İstinadlar

Həyatı

redaktə

Yusif Əliyev 1951-ci ilin noyabrın 20-də Salyan rayonunun Qırmızıkənd kəndində anadan olub.

Təhsili

redaktə

1959-cu ildə Qırmızıkənd kənd səkkizillik orta məktəbinin birinci sinfinə gedib. 1967-ci ildə orta məktəbi bitirərək Əli Bayramlı Pedaqoji Məktəbinə daxil olub, 1971-ci ildə həmin məktəbi ibtidai məktəb müəllimi ixtisası üzrə fərqlənmə ilə bitirib. 1971–1976-cı illərdə Azərbaycan Dövlət Universitetinin jurnalistlika fakültəsində təhsil alıb. SSRİ Jurnalistlər İttifaqının üzvü (1981–1993), “Təhsil Şurası” İctimai Birliyinin idarə heyətinin üzvü olmuşdur.[1]

Fəaliyyəti

redaktə

1976–1992-ci illərdə "Azərbaycan məktəbi" jurnalında korrektor, şöbə redaktoru, məsul katib, baş redaktor kimi çalışıb. Bir müddət (1992–1993-cü illərdə) 264 saylı orta məktəbdə ibtidai sinif müəllimi kimi fəaliyyət göstərdikdən sonra 1993-il sentyabrın 15-də "Azərbaycan Müəllimi" qəzetinə gələrək ömrünün sonunadək orada şöbə redaktoru vəzifəsində çalışmışdır.

Pedaqoji fəaliyyəti

redaktə

Pedaqoji mətbuatda 38 illik iş stajına malik olan Yusif Əliyevin jurnalistlik fəaliyyəti ərzində işlədiyi qəzetdə və digər mətbuat orqanlarında müxtəlif janrlarda 1000-dən çox yazısı dərc olunmuş, 4 kitabın, o cümlədən "Prezident İlham Əliyev və Azərbaycanda Təhsilin İnkişafı 2003–2008" toplusunun tərtibçisi olmuşdur.[1]

Yusif Əliyev müxtəlif vaxtlarda Təhsil Nazirliyinin, Pedaqoji və "Bilik"cəmiyyətlərinin, Bakı Şəhəri üzrə Təhsil İdarəsinin fəxri fərmanları ilə təltif olunmuşdur. O, habelə, Azərbaycan Respublikasının Prezidenti yanında KİV-in İnkişafına Dövlət Dəstəyi Fondunun keçirdiyi fərdi jurnalist yazısı müsabiqələrinin bir neçə dəfə qalibi olaraq pul mükafatlarına layiq görülmüşdür. Yusif Əliyev 12 aprel 2019-cu ildə Bakı şəhərində ürək çatışmazlığından vəfat etmişdir.

Mükafatları, təltifləri və fəxri adları

redaktə
  • 20 sentyabr 1983 — Azərbaycan SSR Maarif Nazirliyinin "Pedaqoji Sahədə Uğurlu Fəaliyyətinə görə" fəxri fərmanı;
  • 29 dekabr 1983 — Azərbaycan SSR Pedaqoji cəmiyyətinin fəxri fərmanı;
  • 17 may 1984 — Azərbaycan SSR "Qabaqcıl Maarif Xadimi" nişanı;
  • 14 noyabr 1994 — Azərbaycan Kütləvi İnformasiya Vasitələri İşçiləri Həmkarlar İttifaqı Rəyasət Heyətinin qərarı ilə "Qızıl Qələm" mükafatı;
  • 25 iyun 1997 — Bakı Şəhər Baş Təhsil İdarəsinin Fəxri Fərmanı;
  • 20 dekabr 2002 — Azərbaycan Respublikası Təhsil Nazirliyinin Kollegiyasının qərarı ilə "Azərbaycan Müəllimi" qəzetinin 8000-ci nömrəsinin çapdan çıxması münasibətilə fəxri fərman;
  • 13 may 2005 — Azərbaycan Respublikası Təhsil Nazirliyinin Kollegiyasının qərarı ilə "Azərbaycan Müəllimi" qəzetinin 70 illik yubileyi münasibətilə fəxri fərman;
  • 20 iyun 2007 — Azərbaycan Respublikası Təhsil Nazirliyinin Bakı Şəhəri üzrə Təhsil İdarəsi "Bakı Şəhərinin Təhsil Sistemində Görülən İşləri İşıqlandırdığına Görə" diplom;
  • 3 oktyabr 2007 — Azərbaycan Respublikası Prezidentinin sərəncamı ilə "Əməkdar Jurnalist" fəxri adı;
  • 28 dekabr 2011 — Azərbaycanda Pedaqoji Mətbuatın inkişafında göstərdiyi xüsusi xidmətlərə görə fəxri fərman[1].

İstinadlar

redaktə
  1. ↑ 1 2 3 4 "Əməkdar jurnalist Yusif Əliyev vəfat edib" (az.). tehsilshurasi.az. 2020-08-08 tarixində orijinalından arxivləşdirilib. İstifadə tarixi: 2019-04-17.
Mənbə — "https://az.wikipedia.org/wiki/?q=Yusif_Əliyev_(jurnalist)&oldid=8156447"
LOVE.AZ