Rusiya Prezidenti Vladimir Putinin amerikalı həmkarı Donald Trampla gözlənilən görüşü ilə əlaqədar avqustun 15-də Alyaskada yerləşən Ankoric şəhəri üzərində hava məkanının bağlanması planlaşdırılır.

“love.az” xarici KİV-ə istinadən xəbər verir ki, bu barədə ABŞ-nin Federal Aviasiya Administrasiyası məlumat yayıb.

“Amerika hakimiyyəti bu ştatın ən böyük şəhərinin səmasını 30 mil (48,3 kilometr) radiusda və 18 min fut (təxminən 5,5 min metr) hündürlükdə bağlayacaq”, - bildirilir.

Qeyd olunur ki, məhdudiyyətlər bir gün qüvvədə olacaq.