Belarus Prezidenti Aleksandr Lukaşenko növbəti müddətə prezidentliyə namizədliyini irəli sürməyi planlaşdırmır.

“love.az” xəbər verir ki, Lukaşenko bu barədə “Time” jurnalına müsahibəsində danışıb.

“Xeyr, artıq planlaşdırmıram”, - deyə o bildirib.

Xatırladaq ki, 70 yaşlı A.Lukaşenko 1994-cü ildən sözügedən vəzifəni tutur. Belə ki, Belarus lideri 1994, 2001, 2006, 2010, 2015, 2020 və 2025-ci illərdə keçirilən seçkilərdə iştirak edib, sonuncu dəfə cari ilin yanvarında baş tutan prezident seçkilərində 86,82 faiz səslə qalib gəlib.