Ukrayna rəhbərliyi Polşadan ölkəyə 120 milyon avro həcmində kredit ayrılmasını istəyib.

“love.az” xəbər verir ki, bu barədə “Ukrinform”a müsahibəsində Ukraynanın xarici işlər naziri Andrey Sibiqa danışıb. 

“Bu kredit sayəsində Polşadan ölkənin müdafiə sahəsinin məhsullarını almağa hazırıq. Polşa müdafiə sahəsində istehsal baxımından yaxşı ənənələrə sahibdir və biz həmin nümunələri almaq imkanını nəzərdən keçirməyə hazırıq”, - deyə Sibiqa vurğulayıb. 

Onun sözlərinə görə, Ukrayna konkret olaraq Polşadan “Perun” zenit-raket kompleksinin alışı ilə maraqlanır.