Bu gün Konfrans Liqasında 2-ci təsnifat mərhələsinin növbəti oyunları keçiriləcək.

“love.az” xəbər verir ki, Azərbaycanı bu turnirdə təmsil edən “Sabah”la “Araz-Naxçıvan” da ilk matçlarına çıxacaqlar.

Əvvəlcə “Araz-Naxçıvan” “Dalğa Arena”da Yunanıstan təmsilçisi “Aris”i qəbul edəcək. Oyunu Rumıniyadan olan hakimlər briqadası idarə edəcək.

“Sabah” isə Moldovada “Petrokub”un qonağı olacaq. Bu görüşdə israilli hakimlər söz sahibi olacaqlar.

Cavab qarşılaşmaları bir həftə sonra keçiriləcək.

Avropa Konfrans Liqası 2-ci təsnifat mərhələsi, ilk oyunlar 24 iyul

20:00. “Araz-Naxçıvan” – “Aris”

Baş hakim: Andrey Çivulete (Rumıniya). Bakı. “Dalğa Arena”.

21:00. “Petrokub” – “Sabah”

Hakimlər: Qal Leiboviç (İsrail). Kişinyov. “Zimbru” stadionu.