“Türkiyə Rusiya, Ukrayna və ABŞ prezidentləri Vladimir Putin, Volodimir Zelenski və Donald Tramp arasında görüşə ev sahibliyi etməyə hazırdır, lakin hələlik konkret qərar yoxdur”.

“love.az” xəbər verir ki, bunu “RİA Novosti”yə adını açıqlamayan türk mənbə bildirib.

Onun sözlərinə görə, belə bir görüşün təşəbbüskarı şəxsən ölkə lideri Rəcəb Tayyib Ərdoğan olub və bu təklifi bir gün əvvəl Zelenski ilə söhbəti zamanı səsləndirib.

Agentliyin mənbəsi Türkiyənin vasitəçilik təcrübəsini və təşkilatçılıq bacarıqlarını nəzərə alaraq, belə bir görüş üçün ideal platforma adlandırıb.