Türkiyə və İranın xarici işlər nazirləri Hakan Fidanla Abbas Araqçı arasında telefon danışığı baş tutub.

“love.az” “Mehr” agentliyinə istinadən xəbər verir ki, bu barədə məlumatı İran XİN yayıb. 

Bildirilib ki, tərəflər söhbət zamanı iki ölkə arasında münasibətlər, eləcə də Omanda İran və ABŞ arasında baş tutan danışıqlar ətrafında fikir mübadiləsi aparıblar. 

Məlumata görə, söhbət zamanı H.Fidan sözügedən məsələyə Türkiyənin istənilən dəstəyi verməyə hazır olduğunu vurğulayıb. 

Xatırladaq ki, aprelin 12-də Omanda ABŞ prezidentinin xüsusi nümayəndəsi Stiven Uitkoff və İranın xarici işlər naziri Abbas Araqçı arasında danışıqlar keçirilib. Uitkoffun sözlərinə görə, görüş müsbət və konstruktiv keçib. Araqçı da öz növbəsində danışıqları sakit və konstruktiv adlandırıb.